Walaloo jaalalaa — Telegrami kanal

Bareedduu koo
Hundaan toltuu
Tokkittii koo
Jaallatamtuu!

Naasolee koo
toltuu maraa
jaalattuu koo
mootii namaa!

Marartuu koo
gar laafettii hundaaf naatu
Obsituu koo,
ka dandeettee hundaa baattu!

Jajjabeessituu koo
miyeessituu jiruu
addunyaa kanarra
fakkaattin ke in jiru!

@Walaloo_jaalal

Eda Abjuu kiyyaan Hacaaluu waliin Wal Agarree Gaaffiif Deebii keenya

Gaaffii Hacee.....
Akkami yaa mule
Ilma warra lixaa
Gaaffiin si gaafadha
Naaf himimee qixaan
Akkami Oromoon
Dhugaa koo argatee?
Moo Abdii kutatee
Sabnis na dagate?
Mee Akkam ta'anii
Qaqqaaliin Kichuu koo
Wabii kootiif Giiftiin
Akkami milkiin koo?
Akkamimee maaloo
Haatumti isaan deesse?
Tokkitti Faantuun hoo
Gadda koo dandeessee?

Deebii koo.....
Hacee koo Garraamii
Xiiqeeffattuu dhiiraa
Akkamimee maaloo
Jireenyi Akiraa
Erga ati duutee
Deemteetii nu biraa
Dhugaankee dhokotee
Sabni kee gidira
Waggaa Afur guutuu
Haqni kee dhokkotee
Imimmaansaa roobsa
Sabni yoom boqotee
Weelluu kee dhaga'uun
Jirraaf maalan jiraa
Oromoon hardhallee
Dhiiga bo'aa jira.

Ijjoolleen kee kichuu
Oladeemtuun kankee
Wabiidhaa fi milkiin
Bareedduu Giftiin kee
Siif guddachaa jiru
Qaata of barani
Haceen meerre jechuun
Gaafatu jedhani

Hiriyaa ijjoollummaa
Haati kichuu keetii
Gaddi ishee cabsullee
Xiiqii keessa jirti
Maqaan kee inni qaalii
Akka badee hin hafne
Tattaafachaa jirti
Tasa galtee hin rafne.
Hubattuu taatu illee
Jabduu Akka keetii
Gaddi kee cabseera
Kunoo hanga hardhaa
Gurraacha uffatti.

Araddaan finfinnee
Qe'een tufaa munaa
Erga siin si nyaattee
Waggaa Afur baranaa
Qalbii nu cabsitee
Hardhas gadda teenya
Tasa hin sifoofneef
Dhiigni qaalii keenyaa.

Kanaaf yaa Hacee koo
Adaraa na dhiisi
Lubbuun kee haa jannatu
Bakka nagaa Ciisii
Hamma biiftuun dhugaa
Saba keef baatutti
Hamma dhiigni jige
Haqaaf falmatutti
Obsa nuuf haa kennu
Hacee koo Nagaatti


@Walaloo_jaalal

Anis nan boqodha!

Akkam jirta jedhee
Nagaa sigaafachuuf
Anoo akkan qabuu
Hojiin koo siyaaduu
Si arguuf araaduu
qofa akka ta'e
hunduu quba qabu

Ati garuu beektaa
Rakkoo kee isa kalee
Hubatteettaa laata
Sijaallee maraachuuf
Qarqara gahuukoo
Mee maaloo maal jettaa

Guyyuma jalqabaa
Gaafan si arge san
Keessi koo dhibamee
Midhaan bishaan miti
Haasaa namaattiyyuu
Qaatan nagaa dhaame

Yeroon karaa deemu
Namnin ani argu
Hunduu si fakkaata
Yeroon gara manaa galus
Girgiddaa mana koo
Bifuma kee baata

Yoon achi ilaalu
Yoon asis ilaalu
Suuruma keen arkaa
Yoon hirriba rafus
Na dursitee kortee
Hirriba na dhorkaa

Boqonnaa dhoowwitee
Lapheekoo rarraastee
Maal argattaa egaa
Maali yoo garaa laaffatte
Miidhamuun koo kunii
Maal bu'aa sii qabaa
Maalii yoo na dhiifte

Sinjaaladhuu anii
Sin barbaadu jettee
Yoo garaa na kutte

Maaf natti taphatta
Maaf na maraachita
Kun cubbuu guddaadhaa
Dawaa dhukkuba koof
Falasaa barbaadi
Anis nan boqodhaa!
~~