ክፍል 3 ... ( #Amazing #grace)... በ1942 ዓ.ም የኒውተን አባት ከባህር ላይ ህይወቱ ሙሉ በሙሉ በጡረታ ሲወጣ ልጁን የድርጅቱ እና የሀብቱ አስተዳዳሪ አድርጎ ሾመው ፣ ይህም ለጆን ኒውተን ቀጣይ ሕይወት መንደርደሪያ ሆኖት ነበር። ጆን ኒውተን ገና የ17 ዓመት ወጣት ሳለ በጣም ችኩል የሆነ ባህሪይ ነበረው ፣ በዚህ ሁኔታ ወስጥ እያለ ሜሪ ካትሌት ከተባለች የቤተሰቡ ወዳጅ ከሆነች ሴት ልጅ ጋር በፍቅር ወድቆ ነበርና በዛን ጊዜ ከእሷ ጋር ለመቆየት ከወሰነው ወሳኔ የተነሳ ወደ ጃማይካ የሚሄደው የመርከብ ጉዞ አመለጠው። ጆን ኒውተን ከሳምንታት በኃላ ወደ ቤቱ ሲመለስ አባቱ ስርዓት መማር እንዳለበት ወስኖ ነበረና ወራትን የሚያስቆጥር ጉዞ ወደ አፍሪካ በሚሄደው መርከብ ላይ በተራ ባህረኝነት ሙያ ምንም አይነት አባታዊ ጥበቃ ሳያደርግለት ወደ ከባዱ የባህር ህይወት ብቻውን ለቀቀው። ጆን ኒውተን በዚህ ጉዞ ላይ ከነበሩት የስራ ባልደረቦቹ ጋር ተዋውቆ ነበር፤ የተዋወቃቸው ጓደኞቹ የነበሩት ሁሉ ግን መልካም የሚባል ባህርይ አልነበራቸውም በዚህም ምክንያት በትንሹም ቢሆን ፈሪሃ ልብ የነበረው ጆን ኒውተን አሁን መንፈሳዊ ህይወቱን ሙሉ በሙሉ በመጣል የለየለት ጠጪ፣አጫሽ ፣ተንኮለኛ ሆነ እንዲሁም መርከቡ ወደብ በሚደርስበት ጊዜያት ከተለያዩ ሴቶች ጋር በዝሙት ህይወት ወስጥም ተዘፈቀ ፤ ጆን ኒውተን በዚህ በጣም ከባድ ሁኔታ ወስጥ እያለ መጋቢት 1744 ወደ ሌላ "ሮያል" ወደሚባል የእንግሊዝ ባህር ሀይል ወስጥ ገብቶ ነበር ነገር ግን በወቅቱ የባህር ሀይሎች የነበራቸው ጠንካራ አስተዳደራዊ ሁኔታ ለጆን ኒወተን ሱስ በጣም አስቸጋሪና ከባድ ሆኖበት ነበር ከዚህም የተነሳ ጆን ኒውተን ከባህር ሀይል ለመጥፋት ባደረገው ሙከራ ተይዞ ተቀጣ ፣ ቅጣቱም ከምዕራብ አፍሪካ ወደ አውሮፓ ባሪያዎችን በሚያመላልስ መርከብ ላይ እንዲሰራ ማድረግ ነበር ነገር ግን ጆን ኒውተን አመሉ በዚህም ሊገታ አልቻለም፤ በመርከቡ ላይም በሰካራምነቱ እና በአመፀኛነቱ በሠራተኞች ሁሉ የተጠላ ከመሆኑ የተነሳ መርከቧ ሴራሊዮን ስትደርስ በዚያ ባሪያ አስተላላፊ ለነበረው አሞስ ከሌዌ ለተባለ ሰው አሳልፈው ሰጡት በሴራሊዮም ሁለት በጣም አስከፊ ዘመናትን አሳልፎአል ፤ ያንን አስከፊ ጊዜ ጆን ኒውተን ሲገልጽ " #የባሮች #አገልጋይ #ነበርኩ" ብሏል። ጆን ኒውተን በዚህን ወቅት በጣም ተርቦ ፣ታሞ ፣ተጎሳቁሎም ነበር ፤ የቀድሞ መንፈሳዊ ህይወቱንም በትንሹ ማሰብ እንደጀመረ ይነገራል በዚህ ሁኔታ እያለ አባቱ ልጁን ኒውተንን ይፈልገው ጀመረ ለቀድሞ ወዳጆቹም አሳውቆ እነሱም አፈላልገው አግኝተውት ከነበረበት የግዞት ህይወት በማምለጥ ግሬይ ሆንድ በተባለች የግንድ ቅርፊት በጫነች መርከብ ወደ እንግሊዝ ጉዞ ይጀምራሉ፤ እየተጓዙ ሳሉ መጋቢት 10 / 1748 ወደ አየርላንድ ባህር ዳርቻ ከተማ እየተጠጉ ሲመጡ ድንገት በጣም ኃይለኛ ማዕበል ተነሳ ፣ መርከባቸውንም እስክትሰጥም ድረስ ያንገላታት ጀመረ... #ይቀጥላል @Mytafache 3.4K viewsedited 03:27
