ስለ ሳተላይት (🇩🇮🇸🇭) ትምህርት ቁጥር 1 ዲሽ ሳተላይትን ለመቀበል የሚያስችል መሠረታ | StarSat satelite Dish
ስለ ሳተላይት (🇩🇮🇸🇭) ትምህርት ቁጥር 1
ዲሽ ሳተላይትን ለመቀበል የሚያስችል መሠረታዊ የሳተላይት መሳሪያ ሲሆን በጥሩ ሁኔታ እንዲሰራ ከተፈለገ ትክክለኛ በሆነ (accurate ) ዲግሪ(angle) ሊስተካከል ይገባዋል።
እያንዳንዱ የዲሽ ዲግሪ በነጥብ ሳይቀር የራሱ ሳተላይት አለው። ለምሳሌ፦ TV_VARZISH እና የMBC PERSIA ያሉበት ሳተላይት ይለያያል። MBC PERSIA 52°E ሲሆን TV VARZISH ደግሞ 52.5°E ነው ። በመካከላቸው ያለው የአንግል ልዩነት 0.5 ሲሆን አንዳንዴ MBC PERSIA በጥራት እየሠራ ሌሎቹ ቻናሎች ሙሉ ለሙሉ ይጠፋሉ አልያም ጥራታቸው ሲጓደል እናያለን ። ሆኖም ሁለቱ ተመጣጥነው እንዲሰሩ ስለሚደረግ በጥራት ልናይ ችለናል። ይህ ችግር የሳተላይት ሽፋናቸው ዝቅተኛ ለሆኑ ሳተላይቶች ደግሞ የበለጠ ፈታኝ ይሆናል፡፡
_
ከዚህ በተጨማሪ ግን ዲሻችን በየጊዜው እንዲስተካከል የሚያደርጉ ዋና ዋና ችግሮች የሚከተሉት ናቸው።
_
የዲሽ መጠን ማነስ
የዲሽ መጠን ሲያንስ የመሳብ መጠን:ም ይቀንሳል ሆኖም ሀገራችን ውስጥ ለምሳሌ ናይልሳት ያለው ሽፋን ከፍተኛ ስለሆነ ባለ60ሳሜ ዲሾችን ልንጠቀም እንችላለን።
የዲሽ ብሎኖች ስፓናቶ መሆን
በተደጋጋሚ በሚፈጠር ብልሽት ምክንያት ብሎኖች ሲታሰሩና ሲፈቱ ለዚህ የመላላት ችግር ይጋለጣሉ።
የLNB መድከም
ከተሰራበት ፋብሪካ አልያም ብዙ ጊዜ ከማገልገሉ የተነሳ የሚፈለገውን Quality ያለመስጠት ችግር።
የዲሽ ገመድ [cable] መቆራረጥ
ገመድ በተቆራረጠ ቁጥር strength ይቀንሳል። ካልተቻለ ከሁለት ጊዜ በላይ ባይቀጠል መልካም ነው። ከዚህ በተጨማሪ ለዝገትም ያጋልጣቸዋል።
የኬብል conector አካባቢ ዝገት
የዝናብ ውሀ ስለሚያገኛቸው ለዝገት ይጋለጣሉ ከዛጉ ደግሞ signal አያስተላልፋም።
የዲሽ ማስቀመጫ ጣሪያ ሁኔታ
የዲሽ ማስቀመጫ ጣሪያ በዚህ ስራ ከፍተኛ የሆነ ሚና አለው። ጣሪያ ከስር በርካታ አግዳሚዎች ከሌሉትና የቆርቆሮው ጌጅ ዝቅተኛ ከሆነ በቀላሉ ቦታውን ይለቅቃል።
የአካባቢው በዛፍ (በግንብ) የመሸፈን ሁኔታ
ሳተላይት የሚመጣው አግድም ከሆነ በዛፍም ሆነ በግንብ በቀላሉ የመከለል ችግር ይገጥመዋል። የዲሹ አቅጣጫ ወደ ምዕራብ ከሆነ ዲግሪ እየቀነሰ ሲመጣ እንዲሁም የዲሹ አቅጣጫ ወደ ምስራቅ ከሆነ ዲግሪ እየጨመረ ሲመጣ።
የዲሽ ማስቀመጫ ጣውላ መበስበስ
አብዛኛው ተጠቃሚ የዲሽ ማስቀመጫው ጣውላ ስለሆነ ፀሐይና ዝናብ ሲፈራረቅበት ይከሳል/ ይወፍራል/ ይበሰብሳል።
ማያያዣ ሚስማሮች መልቀቅና መነቃነቅ
ከጊዜ በኋላ ጣውላው ሲከሳ ሚስማሮች እየለቀቁ ሲሄዱ ዲሹ በትንሽ ነፋስ መጫወት ይጀምራል ስክራች ያደርጋል።
የሪሲቨሮች ሁኔታ
ስሪታቸው የቆዩ ሪሲቨሮች በአሁኑ ሰዓት ላሉ ሳተላይቶች ስለማይመጥኑ ቢወገዱ ይሻላል። በተለይ Erostar 555 ፣ 777 እና የመሳሰሉ የሽማግሌዎች ሪሲቨር በርካታ ችግሮች አሉባቸው።
የስዊች መድከም/አለመስራት
Switch ለዝናብ ውሀ ከተጋለጡ ሙሉ ለሙሉ ወይም በከፊል ይበላሻሉ።
የአካባቢው ለነፋስ ያለው ተጋላጭነት
ነፋስ ከፍተኛ የሆነ ግፊት ስላለው የዲሽን አቅጣጫ የማስቀየር አቅም አለው። ስለዚህ qualityው ይወጣል፡፡
የአንዳንድ ሳተላይቶች frequency ደካማ መሆን
የአንዳንድ ሳተላይቶች ፍሪኩየንሲ የማይጨበጥ አይነት ይሆናል፡፡ (ለምሳሌ፦ ናይልሳት ላይ 11096 H እንዲሁም ያህሳት ላይ 12015 H እና 11785 H)
የዲሽ ባለሙያው ክህሎት ችግር
አንዳንድ ባለሙያዎች ለስራው ጀማሪዎች በመሆናቸው ምክንያት በትክክል Quality ላይመጣላቸው ይችላል።
የተጠቃሚው ስህተት ናቸው
በተለይ እዚህ ላይ ብዙ ጊዜ የሚስተዋለው ችግር ከሪሲቨሩ ጀርባ የሚሰካውን ኮኔክተር መነካካትና የአሉሚኒየሙን ከቀጫጭን ሽቦዎች ከመዳቡ ወፍራም ሽቦ ጋር ማገናኘት።
ህፃናት menu ውስጥ በመግባት የማይነካኩ settingኦችን የመነካካት ችግሮች ጥቂቶቹ ናቸው፡፡
__
ከተመቻቹው ለወደጅ ዘመድዎ ያጋሩት
