የመጀመሪያው ሳምንት ማኅሌተ ጽጌ በቃላችን መሠረት እነኆ ብለናል!!! ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገዓርየ፡ ሃሌ ሉያ ሃሌ ሉያ፡ ወኢትሚጥ ገፀከ እምኔየ፡ በዕለተ ምንዳቤየ አጽምእ ዕዝነከ ኃቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል። መልክዓ ስላሴ ሰላም ለኵልያቲክሙ እለ ዕሩያን በአካል፤ዓለመክሙ ሥላሴ አመ ሐወፀ ለሣህል፤እምኔክሙ አሐዱ እግዚአብሔር ቃል፤ተፈጸመ ተስፋ አበው በማርያም ድንግል፤ወበቀራንዮ ተተክለ መድኃኒት መስቀል፡፡ ዚቅ፦ ሃሌ ሉያ ትወጽሕ በትር እምሥርወ ዕሤይ፤ ወየዓርግ ጽጌ ይዕቲ በትር አምሳለ ማርያም፤ቅድስት ይዕቲ፤ ወጽጌ ዘወጽአ እምኔሃ፤ አምሳሉ ለወልድ ኀደረ ላዕሌሃ፤ ቃል ሥጋ ኮነ ወተወልደ እምኔሃ ዚቅ(ሌላ) ወየዓርግ ጽጌ እምጒንዱ፤ወየዓርፍ መንፈስ ቅዱስ መንፈሰ እግዚአብሔር ላዕሌሁ፤መንፈሰ ጥበብ መንፈሰ አዕምሮ፤ይቀንት ጽድቀ ውስተ ሐቔሁ፤ወይትአጸፍ ርትዓ ውስተ ገቦሁ፤ብርሃን ለቅዱሳን ማኅሌተ ጽጌ፦ ጽጌ አስተርአየ ሠሪጾ እምዓጽሙ፤ለዘአምኃኪ ጽጌ ለገብርኤል ምስለ ሰላሙ፤ወበእንተዝ ማርያም ሶበ ሐወዘኒ ጣዕሙ፤ለተአምርኪ አኀሊ እሙ፤ማኅሌተ ጽጌ ዘይሰመይ ስሙ፡፡ ወረብ መዓዛ ጣዕሙ ለተአምርኪ ሶበ ሶበ ሐወዘኒ/፪/ ወበእንተዝ ማርያም አኅሊ ለተዓምርኪ/፪/ ዚቅ፦ ሃሌ ሉያ ሃሌ ሃሌ ሉያ ናሁ አስተርአየ ጽጌ መርዓቱኒ ትቤ ወልድ እኁየ ይምዕዝ ከርቤ፤ ዕንባቆም ነቢይ ግብረ ምግባሩ ለወልድ አንከርኩ ይቤ፤ ንጉሠ ሰላም ክርስቶስ ዓቢይ ልዕልናከ ወመንክር ስብሐቲከ፤ለዕረፍት ሰንበት ሠራዕከ፤ ማሕሌተ ፅጌ ከመ ይትፌሳሕ መርዓዊ ውስተ ገነቱ ዘወረደ፤ ጽጌያተ ይርአይ በጊዜ ፈቀደ፤በተአምርኪ ድንግል እትፌሣሕ ፈድፋደ፤ዘያቀልል እምኃጥአን ፆረ ኃዘን ክቡደ፤እስመ እምኔኪ ፍስሐ ተወልደ ወረብ፦ ዘያቀልል እምኃጥአን ፆረ ኃዘን/፪/ እስመ እምኔኪ"ፍስሐ ተወልደ"/፫/ እምኔኪ /፪/ ዚቅ፦ ከመ ፍስሖ ቀይሕ ከናፍርኪ ቡርክት አንቲ እምአንስት መንፈስ ቅዱስ ኀደረ ላዕሌኪ፤እሞሙ ይዕቲ ለሰማዕት፤ወእኅቶሙ ለመላእክት መንፈስ ቅዱስ ኀደረ ላዕሌኪ፤ ወተወልደ ፍስሐ እምኔኪ ማኅሌተ ጽጌ እንዘ ተሐቅፊዮ ለሕጻንኪ ጽጌ ፀዓዳ ወቀይሕ ፣አመ ቤተ መቅደስ ቦእኪ በዕለተ ተአምር ወንጽሕ፣ንዒ ርግብየ ትናዝዝኒ እምላህ፣ወንዒ ሠናይትየ ምስለ ገብርኤል ፍሡሕ፣ወሚካኤል ከማኪ ርኅሩኅ ወረብ እንዘ ተሐቅፊዮ ለሕጻንኪ ጽጌ ፀዓዳ ወቀይሕ /፪/ አመ ቤተ መቅደስ ቦእኪ ሠናይትየ በዕለተ ተአምር ወንጽሕ/፪/ ዚቅ፦ በሰላም ንዒ ማርያም፤ ትናዝዝኒ ኃዘነ ልብየ፤በሰላም ንዒ ማርያም፤ምስለ ሚካኤል ወገብርኤል፤በሰላም ንዒ ማርያም፤ምስለ ሱራፌል ወኪሩቤል፤በሰላም ንዒ ማርያም ምስለ ኲሎሙ ቅዱሳን፤በሰላም ንዒ ማርያም፤ምስለ ወልድኪ አማኑኤል፤በሰላም ንዒ ማርያም፤ለናዝዞ ኩሉ ዓለም። ማኅሌተ ጽጌ ክበበ ጌራ ወርቅ ጽሩይ እምዕንቈ ባሕርይ ዘየኃቱ፤ዘተጽሕፈ ብኪ ትእምርተ ስሙ ወተዝካረ ሞቱ፤አክሊለ ጽጌ ማርያም ለጊዮርጊስ ቀጸላ መንግሥቱ፤አንቲ ኵሎ ታሰግዲ ሎቱ፤ወለኪኒ ይሰግድ ውእቱ፡፡ ወረብ ክበበ ጌራ ወርቅ ጽሩይ ክበበ ጌራ ወርቅ ጽሩይ እምዕንቈ ባሕርይ/፪/ አክሊለ ጽጌ ማርያም ቀጸላ መንግሥቱ/፪/ ዚቅ አክሊል ዘእምጳዝዮን ተደለወ :ጌራ ባሕሪይ ወቀጸላ ወርቅ ጽሩይ በቤተልሔም ተወልደ እምድንግል በብስራትክሙ መሐይምናን እምአፈ ዮሐንስ ሥርግው ተቀሰመ አፈው ሰባኬ ወንጌል ነዋ በማዕከለ አኃው ሰቆቃወ ድንግል አይቴ ሀሎ ንጉሰ እስራኤል ዘተወልደ፤ከመ ነሀብ ሎቱ አምኃ ወሰጊደ፤እንዘ ይብሉ ሰብአ ሰገል ሰሚዖ ገሃደ፤ሄሮድስ አሜሃ በእሳተ ቅንአት ነደ፤ከመ ይቅትሉ ሕፃናተ ወኢያትረፉ አሐደ፤ እስከ ቤተልሄም ወገሊላ ሐራሁ አዖደ ወረብ፦ አይቴ ሀሎ ንጉሰ እስራኤል ዘተወልደ ንጉሰ እስራኤል/፪/ እንዘ ይብሉ ሰብአ ሰገል ሰሚዖ ገሃደ አሜሃ ሄሮድስ በእሳተ ቅንአት ነደ/፪/ ዚቅ፦ እም ብሔረ ጽባሕ አምጽኡ ወርቀ ወጋዳ፤ ለንጉሥነ ለወልደ ማርያም፤ኮከብ ኮነ ሐዋርያ ወዜነዎሙ ፍስሐ ዚቅ(ሌላ)፦ ቀቲለ ሕፃናት ንጉሠ ገሊላ አመ ኀሠሠ በዘባነ እሙ ኅዙለ ተግኅሠ ዮሴፍ አረጋዊ እንዘ የዓቅብ መቅደሰ ሐራ ሄሮድስ አላዊ ተለውዎ ርእሰ መዝሙር፦ ሃሌ ሉያ ሃሌ ሉያ፤ሃሌ ሃሌ ሉያ፤ ትዌድሶ መርዓት፤እንዘ ትብል ነዓ ወልድ እኁየ፤ንፃዕ ሐቅለ፤ትዌድሶ መርዓት፤ ንርዓይ ለእመ ጸገየ ወይን፤ወለእመ ፈረየ ሮማን፤ትዌድሶ መርዓት፤ አሠርገወ ሰማየ በከዋክብት፤ወምድረኒ በስነ ጽጌያት፤ትዌድሶ መርዓት፤ እስመ ውእቱ ወልድ ዋሕድ፤እግዚአ ለሰንበት:ማ- ትዌድሶ መርዓት ወትብሎ፤ ወልድ እኁየ ቃለከ አዳም። አመላለስ፦ ትዌድሶ መርዓት ወትብሎ/፪/ ወልድ እኁየ ቃለከ አዳም/፬/ ክብር ምስጋና ለያሬዳውያን የቅዳሴ ምስባክ ፍሬ ጻማከ ተሴሰይ: ብፁዕ አንተ ወሠናይ ለከ: ብእሲትከ ከመ ወይስ ሥሙር ውስተ ጽርሐ ቤትከ:: ወረብ እና ምስባክ በዜማ ነገ ዕሮብ በሥርዓተ ቤተ ክርስቲያን Tube post ይደረጋል!!! ወስብሐት ለእግዚአብሔር ወለወላዲቱ ድንግል ወለመስቀሉ ክቡር ይቆየን! ይቀጥላል .... መልካም ቀን ሥርዓተ ቤተ ክርስቲያን Tube https://www.youtube.com/channel/UCyyw8be1uLS-PdwVLd-zyKw #subscribe ያርጉ ይቀላቀሉ @seratebtkrstian @seratebtkrstian @seratebtkrstian ለጥያቄለአስተያየት @fekrAbe #ሼርርርር 908 viewsⒻⓔⓚⓡⓔ 🇦 🇧 🇪, 16:17
