2022-08-30 17:01:40
ጦርነቱን ማን እንደሚጀምረው ባናውቅም ማን ዋጋ እንደሚከፍል እናውቃለን "
በአማራና በትግራይ ህዝቦች መካከል የተፈጠረው ቁርሾ ስልጣን ፈላጊዎች የፈጠሩት እንጂ በህዝቦቹ መካከል ለግጭት የሚዳርግ ምንም ምክንያት እንደሌለ ግልፅ ነው ።
በሁለቱም መካከል የሚሞተው ፣ የሚሰደደው፣ የሚሰቃየው ሚስኪኑ ወገናችን መሆኑ በእውነት ያሳዝናል።
በስልጣን ጥመኞች ምክንያት ታሪካችን በእልቂትና በደም የተጨማለቀ መሆኑ የሚያሳዝን እንጂ የሚያኮራ አይደለም ።
የሚገርመው ምስኪኑን ማግደውና አማግደው ስልጣን ከያዙ ቦኋላ እንኳን ለወገናቸው ከማዘን ይልቅ አፈሙዛቸውን ወደራሱ መልሰው ምስኪኑን ህዝብ እያሰቃዩ እነሱ ጮማ እየቆረጡና ውስኪ እየተራጩ ከመኖር የዘለለ የማይጠቅሙ ከንቱዎች መሆናቸውን ሲታሰብ ያማል።
አማራና ትግራይ የጋራ የሆነ ብዙ ታሪክ ያላቸው መሆኑና የኢትዮጵያ መሰረት መሆናቸውን ካየን በሁለቱ መካከል የሚካሄደው ጦርነት አግባብነቱ በፍፁም አይታየኝም።
ኢትዮጵያን ያለ አማራና ትግራይ ለማየት መሞከር የማይቻል መሆኑ እሙን ነው። ምክንያቱም የኢትዮጵያ መሰረትና ታሪካችን ናቸውና።
ሁለቱም ብዙ የጋራ ታሪክና ማንነት ያላቸው ህዝቦች ከመሆናቸው ባለፈ #የሴም ነገድ አካል መሆናቸው ደግሞ በደምም የተሳሰሩ አንድ ህዝቦች ናቸው ማለት ይቻላል።
በእነዚህ አንድ ታሪክና አንድ ነገድ ባላቸው ህዝቦች መካከል የሚደረግን ጦርነት አለመቃወም ይቻላል ብዬ አላስብም!
በመካከላቸው ችግሮች አይኖሩም ብሎ መናገር ባይቻልም የችግሮቹ ፈጣሪ የስልጣን ጥመኞች እንደሆኑ መረዳትና በሰላማዊ መንገድ ህዝቦቹ መፍታት እንደሚችሉ ማወቅ ይገባል።
ጦርነት መቼም መፍትሄ ሆኖ አያውቅም።
በዝሆኖች ፀብ ደግሞ ተጎጂው ሳሮቹ ናቸውና
ለሳሮቹ እናስብ።
ለተጨማሪ ቴሌግራም ቻናላችንን
https://t.me/selam_zegurage ይቀላቀሉ
1.2K viewsKurat, 14:01
G
