#ንጽህና_ከጸሎት_ይበልጣል! አንድ በቅርበት የማውቀው ወጣት አገልጋይ አለ ይህ ልጅ አባቱም አገልጋይ ናቸው። ልጁ በተደጋጋሚ ሲጸልይ ያዩታል። አንድ ቀን ልጃቸውን "ጸሎት ብቻ አታብዛ ህይወትህ ንጹህ እንዲሆን ትጋ" እንዳሉት አጫውቶኛል። በጸሎት ንጽህና እንደሚጠበቅ አምናለሁ። ከዛ በላይ ግን አኪያሄድን እንደ እግዚአብሔር ቃል በማድረግ ይጠበቃል። በጸሎትና በመጸለይ በጣም አምናለሁ። ለግልም ለአካሉም እጅግ አስፈላጊ ነው። ይህ በእንዲህ እንዳለ የብዙዎች ጸሎት፣ የአንዳንዶች ይቅርታ፤ የብዙዎች ንስሃ ሳይ ጥያቄ ይፈጥርብኛል። ጸሎት በማብዛት ብቻ ህይወት አይጠራም እግዚአብሔር ራሱ የማይሰማው የጸሎት አይነትና ህይወት አለና። የህይወታችን ንጽህና እንደ ቃሉ ብንሰራው ይቅርታችን የእውነት፤ንስሃችን የፍሬ ፤ ፍቅራችን ያለ ማስመሰል፤ አኗኗራችን ለጌታ ቢሆን ጸሎታችን ታላቅ አቅም ይኖረዋል። "በተሳሳተ መንገድ ላይ ቆመን የምናበዛው ጸሎት ለውጥ አያመጣም።" አቋቋማችንን፤ አረማመዳችን ማጥራት ለጸሎታችን ታላቅ ሐይልን ይሰጣል። ጸሎታችን መንገዳችንን ከማስተካከል ጋር ቢሆን፤ ይቅርታ ስንጠያየቅ ከልባችን ቢሆን፣ ንስሃ ስንገባም ከመመለስ ጋር ቢሆን ለምድሪቱ ታላቅ ለውጥ ይሆናል። ሰሞኑን ስንጸልይ አኪያሄዳችንንም እያስተካከልን ይሁን ለማለት ነው። @relationship4christ @relationship4christ 721 views@Born again, edited 16:24
