ግጥምን በዜማ📚🎻

2022-07-17 23:25:33 ፍራ

ሰምቶ እንዳልሰማ ፣ ቢሆን ኖሮት ጆሮ
አይቶ እንዳላየ ፣ ቢደበቅ ከ ጓሮ
አፍ ኖሮት ፀጥ ቢል ፣ መናገር ባይሻ
ፈርቶህ እንዳይመስልህ ፣ ይህን ጊዜ ሀበሻ
ጀግና የጀግና ልጅ ፣ የሰው ዘር መነሻ
ሲሸሽ ሊያሳጣህ ነው ፣መነሻ መድረሻ ።


ዝም ሲል ሊያደምጥህ ፣ ስተትክን ሊረዳ
እያየ እንዳላየ ፣ ሲደበቅ ከ ጓዳ
አንድ እየሆነ ነው ፣ ዘመድና ባዳ ።


ጆሮው እየሰማ ፣ ቢመስልህ ደንቆሮ
ፀጥታው ካየለ ፣ አንድ ሁለት ቀን ቆጥሮ
ሊያጠፋህ ነው ፣ ቀብሮ ።

ስለዚህ ፍራ

#ኪሩቤልዮናስ

@yegtm_hywet
@amharic_poet ክፈት / አስተያየት ይስጡ

2022-07-17 23:25:03 https://t.me/getmenaseal ክፈት / አስተያየት ይስጡ

2022-07-16 22:49:56 ይድረስ
ግጠምልኝ ላልሽው

ለደንዳና ልብሽ ፍቅር ለማይገባው
ሳነባ የጻፍኩት መልክቴ ይድረሰው
ካሰኘሽ....
ዜማ አንቺ ስሪለት እኔ ግጥም ጻፍኩኝ
እንዳሻሽ አንብቢው ለኔ ግድ አይሰጠኝ

ልጆችን ሰብስበሽ
አንድ ሰው ነበረ
በፍቅሬ የሰከረ
ሚዛኑን ሳተና
ወድቆ ተሰበረ
ተረቴን መልሱ
አፌንም አብሱ
ብለሽ ቀልደሻል
የመኖሬ ምክንያት የምለውን ፍቅር
አቅለሽ አይተሻል

የኔ ጥልቅ ስሜት
አፈቀርኩሽ ማለት
ላንቺ ቢሆን ተረት
ይብላኝልሽ ላንቺ
መፈቀር ላልገባሽ
ማፍቀርስ ፀጋ ነው
ሰፊው ያልታደለው
ይድረስ ይሄ ግጥም
ግጠምልኝ ላልሽው

እኔን ያብቃኝ እንጂ
ባል ኖሮሽ ለማየት
እጄ አይሰስትም
ብዕሬም አይነጥፍም
አንቺ ያፈቀርሽ ለ'ት።

ተጻፈ በአብዱ (የእሙዬ ልጅ) ክፈት / አስተያየት ይስጡ

2022-07-16 14:42:03 እንዳልቀየምሽ
"""""""""""""""""""

በኑሮ ቃጠሎ የነደደው በድኔ ሲገባ ከአፈር ፣
ከቶ እንዳታለቅሺ አንዳትመጪ ከንፈር ፣
አርባዬን አታውጪ ድንኳን አትጣይልኝ ፣
ግና እንዳትረሺ
ለጥላዬ ሚሆን ችግኝ ትከይልኝ ።

#በረከትዘውዱ

@amharic_poet ክፈት / አስተያየት ይስጡ

2022-07-16 08:07:31 ቦግ እልም እንደሚል
እንደ ሀገሬ መብራት
ውሉ ያለየለት
ውጥንቅጡ የወጣ
ላንተ ያለኝ ስሜት

እንደ ሰሞነኛው
ልክ እንደ ደህንነት
ድንገት ከተፍ ብለህ
ልቤን አፍነሀት
ፍቅር ከሚባለው
ከጨለማው ክፍል
ታሰቃያታለህ
ደ'ሞ ባሻህ ጊዜ
ጥፍት ትልና ከኔ ትሸሻለህ
እሱስ አይገርመኝም
እኔም አልናፍቅህ

እኔን የሚገርመኝ
ሰው እንዴት ካ'ፋኙ ሙጥኝ ብሎ ይቀራል
ዛሬ ለምን ቀረ ነፃነትን ሰጠኝ
ብሎ ይበሳጫል
ራሱን ይወቅሳል
ስሜቱን ይጎዳል
ብቻነት ይለምዳል

እኔን የሚገርመኝ
እሱ እንዳይመስላቹ
ይሄ ሞኙ ልቤ
ከጠላቱ ለምዶ ክርትት አለላቹ
ይህ እንዳይገርማቹ
አፌ ተሳሰረ መውደዴን ልነግረው
ቃል አጣሁላቹ

ይመጣል ሊያለፋኝ
ይሄዳልም እሩቅ
እኔም ደ'ሞ አልናፍቅ
ግን ሲዘገይ ጊዜ
ጭንቅ ጥብብ ስቅቅ

ስሜቴ ግራ ነው
እኔም ግራ የገባኝ
ፍቅር ይሁን ስሜት
ስላንተ የተሰማኝ
ልነግርህ ፈልጌ
ግን አፌ የከዳኝ።

ተጻፈ በአብዱ (የእሙዬ ልጅ) ክፈት / አስተያየት ይስጡ

2022-07-15 09:47:31 ርዕስ አውጪለት
''''''''''''''''**'''''''''''''''''''''''''''''


ስስቅም ስጫወት ሳዝንና ስደሰት ፣
እንቅልፍም ስተኛ በህልምና ቅዠት ፣
ምስልና ሳቅሽ ይመጣል በአይኔ ፣
አልቻልኩኝም በቃ ናፍቀሽኛል እኔ ፣
ያንቺን ፍቅር ህመም ስያሜ አጣሁለት ፣
ላሸካሚ አይከብድም ርዕስ አውጪለት ።

ርዕስ አውጪለት የፍቅርሽን ስቃይ ፣
ራሴን አገኛለሁ ፎቶዎችሽን ሳይ ፣
ሺ ጊዜ እንዳየሁሽ አንዴ ሳትደርሺ ፣
በሀሳቤ መሀል ስትመላለሺ ፣
ሞኝ ነህ እያልኩት ያፈቀረሽ ልቤን ፣
ይብቃህ ተዋት እያልኩ ስገስፅ ራሴን ፣
ፍቅርሽን እያሰብኩ ለፃፍኩትኝ ግጥም ፣
ርዕስ አውጪለት ለጫንሽብኝ ሸክም ።

#በረከትዘውዱ

@yegtm_hywet
@yegtm_hywet ክፈት / አስተያየት ይስጡ

2022-07-12 14:49:57 ጠረንሽ
""""""""""""

መልክሽ ሲናፍቀኝ ፎቶሽን አያለሁ ፣
ድምፅሽ ሲናፍቀኝ ስልክ እደውላለሁ ፣
አይንሽን ሳቅሽን ሁሉን አገኛለሁ ፣
ጠረንሽ ሲያሻኝ ግን ምንስ አደርጋለሁ ፣
በፎቶ አይቀመጥ በድምፁ መቅረጫው ፣
የጠረንሽ ነገር እኔ ጠፋኝ መላው ።


#በረከዘውዱ

@yegtm_hywet ክፈት / አስተያየት ይስጡ

2022-07-10 11:24:02 ያው ክረምትም አይደል
++++++++++++++++



ያ ፀሀይ አለፈ ጋረደው ደመና ፣
ብርድ ይመጣ ጀመር ፀሀይ አለፈና ፣
በየጎዳናው ሰርጥ ሲያወርደው ዝናቡን ፣
ተጠሎ ያሳልፋል ሁሉም ይዞ ጥጉን ፣
አንዳንድም አይጠፋም ዝናብ የናፈቀው ፣
መጠለል ሳይፈልግ የሚበሰብስ ሰው ።

ያው ክረምትም አይደል

ጥንዶች ጎዳናው ላይ
ዣንጥላውን ጥለው በዝናብ ሲመቱ ፣
እዚ ደሞ ሴቷ
በመከዳቷ ላይ ሲደረብ ክረምቱ ፣
ከአልጋዋ ሳትወጣ
ቀኑን እንዳመሸች ሲነጋባት ሌቱ ፣
በነጎድጓዱ ድምፅ ብልጭ ሲል ብርሀኑ ፣
መብረቅ አስደንግጦት ሲደበቅ ህፃኑ ።

ያገላጣ ሜዳ በሳር ተሸፍኖ ፣
አፈሩ ለምልሞ አረንጓዴ ሆኖ ፣
ተፈጥሮ ተውባ በአበቦች ደምቃ ፣
ለአይን ስታሰማው መሳጩን ሙዚቃ ፣
የጋጣው እንስሳት አልፎላቸው ምጡ ፣
የደረቀን ትተው ለምለም ሳር ሲግጡ ፣
ዋሽንቱን ሲጫወት እረኛው በመስኩ ፣
የተፈጥሮ ዳራ ያምርበታል ልኩ ።

ያው ክረምትም አይደል

ገበሬው ሲዘራ አፈር ለም ሆኖለት ፣
እሱም እንዳመነው አምላክ ጠብቆለት ፣
በእርሻ እንዲያባርረው የህዝቦቹን ርሀብ ፣
ዘመኑ የሰላም እንዲሆን የጥጋብ ፣
መጣለት ክረምቱ ይዘራል ሊያርሰው ፣
ሰው ጦም እንዳያድር አጥቶ የሚቀምሰው ።

ደሞ መሸት ሲል በየጎዳናው ዳር ፣
ሆድን ሞቅ የሚያደርግ በቆሎ ይሸጣል ፣
ያሻው አስጠብሶ ያሻው አስቀቅሎ ፣
ሲጣፍጥ ብትቀምሺው ከወክ ጋ በቆሎ ፣
ስንቱ በዛው ቀረ አስጠልይኝ ብሎ ።

ያው ክረምትም አይደል

ትምህርት ይዘጋል
ሀገሩ በሙሉ በህፃናት ይሞላል ፣
መቦረቅ ያማረው እልሁን ይወጣል ፣
በልጆች ጫጫታ መንደር ይቀወጣል ፣
ቤት የሚያፈስበት ባልዲ ይደቅናል ፣
ጭጋግ በከደነው በቀዝቃዛው አየር ፣
አሎሎ የሚያህል በረዶ ይዘንባል ።

ከተሜው ከገጠር ገጠር ያለው ሸገር ፣
በዘመድ ጥየቃ ይጎበኛል ሀገር ፣
ሰካራም መጠጡን ትዳር ያለው ሚስቱን ፣
ጎኑ ሸጎጥ አርጎ እየሞቀ እሳቱን ፣
እንዲ እያዘናጋ ያልፈዋል ክረምቱን ፣
እጀ ጉርዱ ቀረ መልበስ የለም ቁምጣ ፣
ብርድ ነው ምግቡ ሳይደርብ ለወጣ ፣
ደረብ ደረብረብ ቁምሳጥን አስንቆ ፣
ክረምት እንዲህ ያልፋል በሀበሻ ደምቆ ።

#በረከትዘውዱ ክፈት / አስተያየት ይስጡ

2022-07-09 18:09:43 ለእስልምና እምነት ተከታዮች በሙሉ እንኳን አደረሳችሁ። መልካም በዓል ይሁንላችሁ።
#ኢድ_ሙባረክ !!! ክፈት / አስተያየት ይስጡ

2022-07-09 11:53:08 ህግ ነው
""""""""""""""

ማን ሊወድህ
ብለህ ኪስህ ከጎደለ እጅህ ከቸገረው ፣
እንኳን እና ኑሮ
ውሾች የሚጮሁት የቸገረው ላይ ነው ።

#በረከትዘውዱ

@yegtm_hywet
@amharic_poet ክፈት / አስተያየት ይስጡ