2022-08-29 13:08:23
ልጅነት
ልጅነት የህብረት ውጤት ነው። ወንድና ሴት ህብረት ሲያደርጉ ልጅ ይወለዳል። የቃሉ ዘርና መንፈሱ ሲገናኙ መንፈሳዊ ልጆች ይገኛሉ። ከእግዚአብሄር ለመወለድ ከእግዚአብሄር ጋር ህብረት ያስፈልጋል።
ልጅነት ጥልቅ የሆነ ማሰሪያ ነው። የልጅነትን ማሰሪያ በፍቃድ መቁረጥ አይቻልም። መሰረቱ ተፈጥሮ እንጂ ፍላጎት አይደለም። አባት የቀየረ ሰው አለ? እርግጠኛ ነኝ ማንም የለም። እኛም እግዚአብሄር በቃኝ ማለት አንችልም።
ልጅነት ጥልቅ ፍቅር ነው። የልጅነትን ፍቅር መሰረቱን ማግኘት አይቻልም ጥልቅ ነው። ልጆች አድካሚ ናቸው አይደል? የወለዳችሁ ወላጆች ታውቁታላችሁ ግን ፍቅር ድካሙን እንኳ እንዳትቆጥሩት አድርጓችኃል።
ልጅነት በነፃ መወደድ ነው። እግዚአብሄር በነፃ ሲወደን ልጆቹ አደረገን። ልጅነት የቤተሰብና የአለም አባል የምንሆንበት ነው። አንድ ልጅ በተወለደ ቅፅበት ለቤተሰቡ አባል ለአለም ደግሞ ዜጋ ይሆናል። ከእግዚአብሄር ስንወለድ በአጥቢያ ቤተክርስቲያን አባል በአለማቀፋዊት ቤተክርስቲያን ደግሞ ዜጋ እንሆናለን።
ልጅነት የእምነት ኑሮ ነው
ልጆች ከቤተሰብ ጋር የሚኖሩት በእምነት ነው ቤተሰቦቻችን ቢያጡ፣ ቢነጡ ፣ ቢቸገሩ ብለው አይሉም ።
በባዶ ካዝና ብዙ ነገር ያዛሉ። የነርሱ ቤተሰብ በአለም ላይ ካሉ ቤተሰብ ባለፀጋ ሁሉን ማድረግ የሚችሉ የመጀመሪያ አድርገው ነው የሚያስቡት። አባታቸውን አውሮፕላን ግዛልኝ የሚሉ ልጆች አሉ አባትዬው ትንሽዬ ነገር የመግዛት አቅም አይኖረው ይሆናል እኮ ልጆቹ ግን የኔ አባት የሚነሳው የለም ብለው ያስባሉ። እግዚአብሄርም እንደ ልጆች ካልሆናችሁ የሚለው ይሄንን ነው የኔ አባት እግዚአብሄር ምንም አይሳነውም እንዲህ ብለን እንድናምን እግዚአብሄር ይፈልጋል።
የማንታመነውን እኛን ልጆቻችን ይሄን ያህል ካመኑን እኛስ እግዚአብሄርን ይሄን ያህል እናምነው ይሆን።
ብዙ ጊዜ የተለያዩ ዜናዎችን ስትሰሙ ከመርከብ ከአውሮፕላን አደጋ የሚተርፉት ብዙ ጊዜ ህፃናት ናቸው። በዛ አደጋ ወቅት ራሳቸውን ለማዳን የሚያደርጉት ሁኔታ የለም ጥረት በማያድንበት ሁኔታ ትልልቁ ሰው ጥረት ሲያደርግ መስኮት ከፍቶ በር ከፍቶ ራሱን ይጥላል ህፃናት ግን በአደጋ ውስጥ እንኳ በእምነት በሰላም ነው ያሉት በአደጋ ውስጥ በእናት እቅፍ ውስጥ እንደተኛ ህፃን በብዙ አደጋም መከራ ውስጥ በእግዚአብሄር እቅፍ መሆን ያስፈልጋል።
መልካም ቀን!!
ጌታ ኢየሱስ ይመጣል!!!
https://t.me/One_way_He
172 views10:08