2022-02-15 03:39:54
“ጌታን መቀበል እፈልጋለሁ፤ ከሱስ መላቀቅ ፈለጋለሁ እባከሽን እርጂኝ፡፡”
ሰላም እንዴት አላችሁ፡፡ ዛሬ ከረጅም ጊዜ በኋላ እንደገና በአንድ ህሳብ ላይ ለመነጋገር መተናል፡፡ምናልባት ብዙዎቻችን በተለያየ ሁኔታ ገጥሞን ሊያውቅ ይችላል በተለይ ሴት እህቶች ላይ የተለመደ እነርሱን የማጥመጃ መንገድ ሆኖ ብዙዎችን ወደኋላ ያደረገ ጉዳይ ነው፡፡
በቅርቡ አንድ ሰው ለ አንዲት እህት ይደውላል፡፡ ሰላምታ ከጠያቃት በኋላ እሷ የምትሰራበት መስሪያ ቤት እንደሚሰራ ፤ አብዛኛውን ግዜ የመስክ ሰራ ላይ እንደሚውል እንዲሁም ስልኳን ከሰዎች እንደወሰደ ጌታን መቀበል እንደሚፈልግ እና እሷም በዚህ አብራው በመሆን እንድታግዘው ይጠይቃታል፡፡ በተደጋጋሚም ይደውላል፡፡ እንዲሁም በቴሌግራም እንድታወራው ይሞክራል፡፡ ባለ ትዳር እና የሁለት ልጆች አባት ተኩላ ነዉ
ታዲያ የብዙ አሰናካዮች (ተኩላዎች ብላቸው ይቀለኛል) የማጥመጃ መንገድ ናት፡፡ “እባክሽን ጌታን መቀበል እፈልጋለሁ፤ወደጌታ ቤት መመለስ እፈልጋለሁ፤ ከሱስ መላቀቅ እፈልጋለሁ” የምትል ማባበያ አለቻቸው፡፡አንድ ወዳጄ እንዲህ ይላል “ጨው ውሀ ልትቀዳ ወንዝ ወረደች፡፡” አንዳንድ እህቶች በየዋህነት እንደዚህ አይነቱን ለማቅናት ብዙ ሲዳክሩ ተመልክተናል፡፡ እንዲሁም ለራሳቸው የሚሰጧት የማፅናኛ ቃል አለቻቸው፡፡ “በእኔ ምክንያት እኮ ቤ/ክ መሄድ ጀምሯል፤መፅሀፍ ቅዱስ ማንበብ ጀምሯል፤ ጥሩ ልብ አለው እኮ፤ ደግሞ ሲያሳዝን” እያሉ በከፍተኛ ፍጥነት ራሳቸውን አልጋ ላይ አግኝተዋል፡፡በኔ ምክንያት ጥሩ እየሆነ መጣ፤ ካሉት ሰው በላይ በህይወታቸው ራሳቸውን ማየት በማይፈልጉበት ቦታ ራሳቸውን ያገኙ ብዙዎች ናቸው ጨው ውሀ ልትቀዳ ወንዝ እንደወረደችው፡፡
ይልቅ የተሻለ እና ተጠያቂ የማያደርገን መንገድ አለ፡፡ አንድ ሰው ጌታን መቀበል ወይም ዳግም ወደ ጌታ ቤት መመለስ ከፈለገ ይህንን አገልግሎት የምታገለግል ቤ/ክ ለዚሁ አገልግሎት የተቀመጡነ የቤ/ክ መጋቢዎች ጋር እንዲገናኙ ማመቻቸት፤ የመጋቢዎችን ስልክ በመስጠት የቤ/ክ አቅጣጫን በማሳየት ልንተባበራቸው ይገባል፡፡ እንዲሁም ከሱስ ህይወት መላቀቅ ለሚፈልጉ ጥሩ ጥሩ የሱስ ማገገሚያ ቦታዎች እንዲሁም የህክምና ማዕከሎች ስላሉ ሄደው አገልግሎቱን እንዲያገኙ መንገር ተገቢ ነው፡፡
ይህንን ፅሁፍ ያነበባችሁ የራሳችሁን ታሪክ ልታካፍሉን ትችላላችሁ፡፡
0983840757 - በቴሌግራም በፅሁፍ አስቀምጡልን፡፡
@sexualpurity
@sexualpurity
357 viewsMeron (Gloria a deus !), 00:39