──━━─━━ ⊱✿⊰ ━━━━━━── እስቲ ላፍቅር ደሞ.... ሰው አጥር ወጥቼ - ፅጌረዳ ልቅጠፍ፥ አበባዬን ይዤ - እግሯ ሥር ልነጠፍ፤ ጨረቃ ላይ ላፍጥጥ - ከዋክብትን ልቁጠር፥ የቦይ ውኃ ልምታ - በለቀምኩት ጠጠር፤ በመስኮት ላማትር - በሚወርደው ዝናብ፥ ቀን ተሌት ልተክዝ - በፈጠርኩት ምናብ።… እስቲ ደሞ ላፍቅር… እሷው ፖለቲካ - እሷው ሰበር ዜና፥ እሷው ባለንዋይ - እሷው ባለዝና፥ እሷው የ’ምነቴ ቄስ - እሷው ቅድስና፥ ዓለም በቃኝ ብዬ - በሷው ወሬ ልጽና። ከፈገገች ልሣቅ - ካለቀሰች ልሙት፥ እኔ አለኹ ለቀልዷ - ደደቦች ባይሰሙት።… እስቲ ላፍቅር ደሞ… መንገድ ስሟን ልጥራ - አበደ ይበሉ፥ እሷ ውስጥ እንዳለኹ - የማያውቁ ኹሉ፤ ጥዑም ዜማ ይኹን - የምትጨቀጭቀኝ፥ የሰለቸኝ ኹሉ - ባ’ንድ አዳር ይናፍቀኝ፤ እንዴትም ትስደበኝ - ስሜን ታጥፋው አኹን፥ ብቻ ስሜን ትጥራ - ብቻ ካፏ ይኹን።… እስቲ ላፍቅር ደሞ… ዘፈን ትርጉም ይስጠኝ - ደሞ ላንጎራጉር፥ ስለመቃ አንገት - ስለሀር ጸጉር፤ ላንዲት እንስት ልውደቅ - ሎሌነቴን ልግመድ፥ የያዝኩትን ልጣል - ዐዲስ ጌታ ልልመድ። እስቲ ላፍቅር ደሞ.... ━━━━━━✦✗✦━━━━━━━ ምርጫዎ ስለሆነ እናመሰግናለን ➳➳➳ ሼር ያድርጉ!! ➢➢➢ Join us @kumis4274 @kumis4274 1.7K views , 20:01