2023-03-12 22:35:57
ከፍተኛው የእናትነት መስዋዕትነት
ሴቷ ኦክቶፐስ (ባለ ብዙ እግሮች የአሳ ዝርያ)
ይህች የባህር ዝርያ በአምስት አመት የህይወት ቆይታዋ አንዴ ነው መራባት የምትችለው:: ነገር ግን ልጆቿን ለማየት አትታደልም ነፍስ ሰጥታ ነፍሷን የምታጣ እናት ያደርጋታል !!
በአንድ ጊዜ ከ50,000 እስከ 80,000 እንቁላሎችን የምትጥለዋ ኦክቶፐስ እንቁላሎቿን የምትጥለው ድንጋያማ የባህር ክፍል በመፈለግ ነው:: እንቁላሎቿ ተፈልፍለው ራሳቸውን እስኪችሉ ከ6 እስከ 10 ወራቶች ድረስ ይፈጃል::
በእነዚህ ጊዜያቶች ሁሉ ኦክቶፐሷ ምግብ አትበላም ምንም አትቀምስም - አንዳንዴ ለተከታታይ 53 ሳምንታቶች በሚዘልቀው የመራቢያ ጊዜያቶች ውስጥ አይኗን ከእንቁላሎቹ ላይ ሳትነቅል ተፈልፍለው እድገታቸውን እስኪጨርሱ አብራቸው ትቆያለች::
በእነዚህ ጊዜያት ውስጥ ምግብ አትበላም - ይልቅስ ለእንቁላሎቹ በውስጧ ያለውን ምግብ: ንጥረ ነገር እና ኦክስጅን አሟጣ ትሰጣቸዋለች:: ከእነዚህ እንቁላሎች ውስጥ የበረቱት ተፈልፍለው ያልተሳካላቸው ደግሞ በዚያው ይቀራሉ::
አሳዛኙ ነገር
በስተመጨረሻ በረሃብ እና በድካም እስከወዲያኛው ታሸልባለች:: ከረሃቧ የተነሳ እና እንቁላሎቹ እድገታቸውን እንዲጨርሱ ለማድረግ ስትል በስተመጨረሻ የራሷን ስጋ መብላት እንደምትጀምር ሳይንቲስቶች ይናገራሉ - አለም ላይ ከፍተኛው የእናትነት መስዋዕትነት ይባላል!!
ይህ ብቻ አይደለም
ወንዱ ኦክቶፐስም ቢሆን ግንኙነት በፈፀመ በሳምንታቶች ወይም በወር ጊዜ ውስጥ ይሞታል:: ምክንያቱ ደግሞ ሴቷ ኦክቶፐስ በግንኙነት ወቅት ለረጅም ጊዜ ስለምታቆየው ከግኑኝነቱ በኃላ ጉልበት ያጣል:: በዚህም የተነሳ የሌሎች የባህር ፍጥረታት የእራት ሲሳይ ይሆናል https://t.me/kealemdinkadink
https://t.me/kealemdinkadink
669 viewsedited 19:35