2022-07-09 14:49:15
አሰላሙዓልኩም ወረህመቱላሂ ወበረካቱ
ለእህቶቻችን መልስ
ሁላችንም ከዚህ መጥፎ ተግባራት መራቅ አለብን
አንዲት ሙሰሊም እህትህን ለምን አጅ ነብይ ወንድ ታወሪያለሽ ለምን ፎቶሽን ትልኪለታለሽ ለምን ከሱ ጋር በሃራም ታወሪያለሽ ብለህ ስጠይቃት እንዲሀ ብላ ትመልስልሃለች
ከቤተሰቦቸ የሚረዳኝ ማንም ሰው የለም አባቴም በእድሜ የገፋ ስለሆነ በጣም ያካብዳል አናቴም እንደዛው
ወንድሞቸም በጣም መቆጣጠርን ያበዛሉ
ስለዚህ የኔን ስሜት የሚረዳኝ የኔን ንግግር የሚረዳኝ ወጣት ፈልጌ ስወጣ አገኘሁ ለዚሀ ብየ ነው ሌላ አማራጭ ስላጣሁ ነው ትልሃለች። #ሱብሃናላህ
የሰራችውን ከባድ ወንጀል በማይሆን ምክንያት ለመሸፋፈን ትሞክራለች ግን እህቴ አልገባሽም እንጂ ግዜሸን እድሜሽን ወጣትነተሽን እና ክብረ ንፅህናሽን ሀላል ላልሆነና ለማይገባው ወንድ አሳልፈሽ እየሰጠሽ ነው
የሚገርመው ይህን ሁሉ ነገር እያወቀች ምክንያት እየፈጠረች እራሷን ትሸውዳለች።
ስሚ አንች እህቴ ስማ አንተ ወንድሜ
ታላቁ ነብዩላህ ዮሱፍን ወንድሞቻቸው ጉድጓድ ውስጥ ወርውረዋቸው ይህ ሁሉ በደል በወንድሞቻቸው ከደረሰባቸው በኋላ ከጉድጓዱም ከወጡን በኋላም የገዛ ወንድሞቻቸው በረከሰ ዋጋ ባሪያ አደርገው ሸጧቸው
ከዛም ይህ ሁሉ በደል ከደረሰባቸው በኋላ ባሪያ ሁነው በተሸጡበት ንጉስ ቤት ውስጥ የንጉሱ ሚስት ባቀረበችላቸው አስፀያፊ ሀራም የዚና ግብዣ
ምን እንዳሏት ታውቃላችሁ
ውስጣቸው ባለው ትልቅ ኢማን ድምፃቸውን ከፍ አድርገው #አላህን_እፈራለሁ በአላህም ካንች እጠበቃለሁ። ነው ያሉት
#አላሁ_አክበር
ይህ ታላቅ ነብይ ለወጣቱ አርአያ ሆኖ ተቀምጦ ሳለ ግን የኛ ወጣቶች ወንዶችም ሴቶችም ለምን ይመስላችኋል በሃራም ዙሪያ የሚሽከረከሩት
የአላህ ፍቅርና የአላህ ፍራቻ ከብዙ ወጣቶቻችን ልብ ውስጥ ስለጠፋ ነው።
አላህን እንፈራ አላህን እንፍራ ከማይፈቀድልን ሰው ጋ በማንኛውም አጋጣሚ ወሬ አናውራ በጋብቻ በሚል ሰበብ ቢሆን እንኳ ጠንቃቄ እናድርግ።
ከኒካህ በኋላ ነው እንደፈለግን ማውራት የምንችለው።
ልታገባት ከፈለክ ቀርበህ አንዴ ብቻ ፊቷንና እግሯን እንድታያት ተፈቅዶልሃል።
ከዛ ውጭ አላህ ቃል ገብቶልሃል በመሃከላችሁ መዋደድንና እዝነትን እንደሚያደርግላችሁ እና ከዚሀ በላይ ምን ትፈልጋላችሁ።
አንተ ውድ ወንድሜ አንች ውድ እህቴ ጋብቻ ትልቅ ነገር ነው አግብተን ደስተኛ መሆን ከፈለግን በሃራም ነገር አንነካካው በሃላል ነገር ብቻ እናጥራው።
አላህ ሆይ ልባችንን ባንተ ፍቅር ብቻ ሙላው
ወጣቶቻችንንም አንተው ጠብቅልን።
467 views Unit, 11:49