2022-04-04 09:31:14
እንደሌለህ የሚሰማህ ምንድነው?፨፨፨፨፨፨፨///////////፨፨፨፨፨፨፨፨
ብዙ ጊዜ ብዙ ነገሮች እንደጎደሉን እንዲሰማን የሚያደርጉ የተለያዩ ነገሮች ቢኖሩም ዋናው ነገር ግን የእኛን ህይወት ከሌሎች ህይወት አንፃር መቃኘታችን ነው።
ጎረቤታችን ያለውን እኛ ስላጣን ባዶነት የሚሰማን ከሆነ፣
ለጓደኛችን የተሰጠው ለእኛም ካልደረሰ፣
የቅርብ የምንለው ሰው የሚኖረውን የኑሮ ደረጃ እኛም ከልኖርን በማለት ከአምላክ መሟገት እስካላቆምን ድረስ ሁሌም የጎደለን ነገር መኖሩ አይቀርም። ጉድለቱ ግን ተጨባጭ ሳይሆን የእይታ ጉዳይ ነው። ጉድለቱ እውነት ሳይሆን ምናባችን የፈጠረው ነው።
አዎ! ጎረቤትህ ያለው እንዲኖርህ አንተ እርሱን መሆን ይኖርብሃል፤ ምክንያቱም ለእርሱ የተሰጠው ስለተገባው ነው፣ ላንተስ ስለምን እንዲሰጥህ ትፈልጋለህ?
ጓደኛህ ያለውን ከፈለክ አንተ ጓደኛህን መሆን አለብህ፤ ለእርሱ የተሰጠው ለህይወቱ ዋስትና ስለሆነ ነው፤ ላንተስ ስለምን ይሰጥህ?
የተሰጠን ሁሉ የእኛነታችን ማሳያ ምልክት ነው። ጎድሎናል ብለን የምናስበው ነገር ቢኖረን እኛ አኛን አንሆንም ነበር፤ ሌላ እንሆናለን፤ ዳግም ሌላ የሚጎድለንንም እንፈልጋለን።
አዎ! ጀግናዬ..! ህይወት ሙሉ እንደሆነች ካላሰብክ በየቦታው ቀዳዳ ማግኘትህ አይቀርም። የጎደለህን እያሰብክ፣ እንኳን ደስታ በቅጡም ህይወትን ማጣጣም ሊከብድህ ይችላል።
አዎ!
እንደሌለህ የሚሰማህ ምንድነው?
እንዲኖርህስ የምትጥረው ምንያክል ነው?
ደስተኛ አይደለሁም የምትልበት ምክንያትስ ምንድነው?
በእርግጥ እንደሌለህ የምታስበው ነገር የእውነት ስለሌለህ ነውን? ወይስ ሌሎች ኖሯቸው ስላየህ?
እንዳልተደረገልህ የምታስበው ነገር የእውነት ስላልተደረገልህ ነው ወይስ ለሌሎች ስለተደረገ?
እንዲሰጥህ የምትፈልገው የምር አስፈልጎህ ወይስ ለሌሎች ህይወት አስፈላጊ ሆኖ ስላየሀው?
አዎ! ጀግናዬ..! ያለኝ ይበቃኛል እስካላልክ የሚበቃህ ነገር የለም፤
በእጄ ያለው የፈለኩትን ለማድረግ ያበቃኛል፣ ያስችለኛል ካላልክ ሁሌም ለመጀመር እንደተንደረደርክ ትቀራለህ፤
በሌሎች ህይወት እጅግ ወሳኝ የሆነ ነገር አንተ ጋር ሲመጣ ተራ ውዳቂ ሊሆን እንደሚችል አስብ።
ሌላው ያለርሱ መኖር የማይችለው ላንተ ቢሰጥህ የህይወትህ መጥፊያ ሊሆን እንደሚችልም አስተውል።
አዎ! "ያለንን ብናውቅ የጎደለን የለም" የሚባለውም ለዚህ ነው።
የጎደለን ላይ እንደምናተኩረው ያለን ላይ ብናተኩር የት በደረስን፣ ህይወታችንስ ምነኛ በተዋበች፣ ምነኛ በጣፈጠች፣ ደስታችንስ ምንያክል በቀረበን?
አዎ! አሁን የሚያስፈልግህና የሚገባህ ነገር ሁሉ አለህና ደስ ይበለህ፤ ባለህ ስንደሰት ሌላው የሚያስፈልግህ፣ የሚጠቅምህ ብቻ እንደሚጨመርልህም እመን።
@Inspire_Ethiopia3
@Inspire_Ethiopia3
3.0K viewsedited 06:31