2023-05-03 09:46:03
Epistasis
• #በአፍንጫ ደም መፍሰስ ወይም ነስር
በአንዱ ወይም በሁለቱ የአፍንጫ ቀዳዳ ቀላል ወይም ከባድ ደም መፍሰስ ሲሆን ከጥቂት ሰኮንዶች እስከ 15 ደቂቃ ወይም ከዚያ በላይ ሊቆይ የሚችል ደም መፍሰስ ነው።
• አፍንጫ የውጨኛው ዋና የመተንፈሻ አካል ክፍል ሲሆን የአፍንጫ የውስጠኛ ግድግዳ በብዙ ደቃቅ የደም ቱቦዎች የተለበደ ነው። እነዚህ የደም ቱቦዎች ደግሞ በቀላሉ መጎዳትና መድማት የሚችሉ ናቸው።
• አፍንጫ አየርን ለማስገባትና ለማስወጣት እንድሁም ለማሽተት ወሳኝ ክፍል ሲሆን የምናስገባውን አየር ማሞቅ፡ ማርጠብና ማጠራት ዋና ስራው ነው።
• አፍንጫ በዋናነት በሁለት ምክናየቶች ይደማል።
1. ደረቅና ቀዝቃዛ አየር በብዛትና ተደጋጋሚ ሲያልፍበት እና
2. አፍንጫን ሲጎረጎር ነው።
#ተጨማሪ ለአፍንጫ መድማት እንደምክናየት የሚቆጠሩት
• የሳይነስ ኢንፌክሽን
• አላርጅ
• መድሀኒቶች እንደ አስፕሪንና ደም ማቅጠኛዎች
• አፍጫን የሚቆጠቁጡ ኬሚካሎች እንደ አሞኒያ
• ኮኬን መጠቀም
• የአፍንጫ ኢንፌክሽን
• ጋዝ መድሀኒቶች
• የአፍንጫ ምት/ግጭት
• የደም ካንሰር
• የፕላቴሌት ማነስና ችግር
• አፍንጫ ውስጥ የተፈጠሩ እብጠቶች
• እርግዝና እርጅና
• የአፍንጫ ቀዶ ጥገና
• ህፃን መሆን
• የአየር ፀባይ መቀየር
• ከፍታማ ቦታ
#ማሳሰቢያ
• በአፍንጫ ደም መፍሰስ የከፍተኛ ደም ግፊት ምክናየት ወይም ምልክት አይደለም። ነገር ግን ከፍተኛ ደም ግፊት የአፍንጫ ደም መፍሰስን ያባብሳል። የአፍንጫ ደም መፍሰስ ብዙዎችን ቢያስፈራም የከባድ ችግር ምልክት ወይም ከባድ ችግር ግን አይደለም። ብዙዎችም እዛው በቤታቸው እራሳቸውን ያክማሉ።
#ነስርን ለማቆም የሚከተሉትን መንገዶች ይጠቀሙ።
ማሳሰቢያ፡ ነስርን ለማቆም ወደ ሗላ ማንጋጠጥና አንዳዶች ደግሞ ፈሶ ይውጣ የሚለው ተግባር ፈፅሞ ስህተት ነው።
• ሲያንጋጥጡ ደምዎት ወደውስጥ እየፈሰሰ ነው።
• ፈቅደው ሲያፈሱት ደግሞ ደምዎትን እያጡነውና አያድርጉት።
#ቅደም ተከተል
1. መጀመሪያ ሰውነተወን ዘና አድርገው ምቹ ቦታ ላይ ቁጭ ይበሉ።
2. አየአፍንጫዎትን ላስላሳ ክፍል ወደአፍንጫዎት አጥንት ክፍል ጠጋ ብለው በአውራጣትና ሌባ ጣተዎ ጠበቅ አድርገው በመያዝ ወደፊት አንገተዎትን ያንጋጡ(ያግጥጡ)። ከ10-15ደቂቃም እንደያዙት ይቆዩ። ወደሗላ ማንጋጠጥና ወደታች ማቀርቀር አይደለም። በዚህ ወቅት በአፈዎ ይተንፍሱ።
3. ከግንባር ትንሽ ወረድ ብሎ ባለ ቦታ ላይ በፎጣ የተጠቀለለ በረዶ ያስቀምጡ።
4. ይህን ቢያንስ ሁለት ዙር ይሞክሩ። ብዙ ጊዜ ቶሎ ይቆማል። ግን ከ10-15 ደቂቃ ለመያዝ ትዕግስት ይኑረዎት!
5. በዚህ ካልቆመ ተጨማሪ ህክምና ፈጠን ብለው ያግኙ።
#ወደህክምና ቦታ መሄድ ያለባቸው
• ደም መፍሰሱ የማይቆም ከሆነ
• የደም ማቅጠኛ መድሀኒት ይወስዱ ከነበረ
• በተለምዶ ደም ማነስ የሚባለው አኒሚያ ከነበረ
• ህፃነት ከሆኑና ከባድ ከሆነ(ከ2 አመት በታች)
• በተደጋጋሚ አየመጣ የሚሄድ ከሆነ
• ለመተንፈስ ከተቸገሩ
• በጣም ብዙ ደም ከፈሰሰ
https://telegram.me/jossiale2022
2.6K viewsኢንፎ ሄልዝ ሴንተር Info Health Center (IHC), 06:46