2023-04-18 09:31:12
ተውሂድ በጣም ቀላል
እጅግ በጣም ጥልቅ ነው
==================
መስተካከልና መደላደል (ኢስቲዋእ) ለፍጡር (መኽሉቅ) እንጂ ለፈጣሪ (ኻሊቅ) ተገቢ አይደሉም::
አላህ ውሃን ፈጠረ, ዐርሹን (ዙፋኑን) በውሃ ላይ አደረገው:: ቀለምን ፈጥሮ ጻፊ አላት:: ሁሉንም ተከሳቾችን ጻፈች:: (ቀለም ካልገባችሁ አርክቴክቸራል ዲዛይን በሉት:: ግን ይህም አይገልጸውም)::
ከዚያ ልክ ቤት መሥራት ከመሬት እንደሚጀመረው የጠፈሩ ቤት ምድሮችን በመዘርጋት ተጀመረ:: ሰማያት ጭስ ነበሩ:: ከጭሱ አንስቶ ጣራ አደረጋቸውና ሕዋውን በከዋክብት (ፕላኔቶችም ጭምር) ፈጥሮ እንደ አምፖል አስጌጣቸው::
ሰማይም ምድርም ከዋክብትም በውድ ወይስ በግድ ትስተካከላላችሁ ብሎ ጠየቃቸው:: <<ቃለታ አተይና ጧኢኢን - ወደን ተደስተን ቦታ ቦታችንን እንይዛለን>> ብለው ልክክ አሉ:: ልክ እኛም ለሶላት ኢስተው ስንባል ቦታ ቦታችንን እንደምንይዘው:: እነዚያ እስካሁን አላመጹም:: እኛም አማፂ መሆን የለብንም::
ከቀደማቸው ከዐርሽ (ዙፋን) ጋር ተስተካከሉ:: ተደላደሉ:: በአላህ ዘለዓለማዊ የራኅመት (ርኅራሄ) ሥልጣን ስር ሆኑ:: አላህ ለፍጡሩ ሁሉ አዛኝ ነው:: የቁርአን 114 ምዕራፎቹ 113ቱ በአላህ ስም እጅግ በጣም ርኅሩህ በጣም አዛኝ በሚል ይጀምራሉ::
የአላህ ራህመት, ሥልጣን, መፍጠር, ማዘዝ መነሻና መድረሻ የሌለው, ዐርሹንም ሌሎች ፍጡራንንም የቀደመና አበዲይ (ጊዜና ቦታ የማይቀድመው, መጥፋት የማይከተለው) ነው::
ሥልጣኑ በፍጡሩ ዐርሽ የሚገደብ, የሚገመትና የሚመተር አይደለም:: ዐርሽም, ኩርሲይም, ሰማያትና ምድሮች ከመኖራቸው በፊት የነበረ, የሚኖር, ከየትኞቹም የማይፈልግ in respect of ፍጡር የማንመጥነው አምላክ ነው አላህ::
የደመ ነፍስና የሸይጧን የአዕምሯዊ <<ኸያል-ውልብታ>> ስዕሎቻችንና ጣዖታችንን ስንቀድ ወደ ተውሂድ መንገድ እንጀምራለን:: አላህን በእርሳስም ይሁን በጭንቅላት ግድግዳ አንስለውም:: የነፍሲያ ኸያል (Illusions) ማስወገድ ግድ ነው::
አላህ ዋሂድ (1) ሳይሆን አሃድ ነው:: ዋሂድ (1) ስንል ኢሥነይን (2), ሠላሳ (3), 4,...1,000 ቁጥሮች ይከተሉታል:: አሃድ ብለን ግን ከሗላው ኢሥነይን ከፊቱም ዜሮ የለም:: አሃድ አሃዱን አሃድ!
ለዚህም ነው ቁርአን <<ቁል ሁወሏሁ አሃድ - አላህ አሃድ ነው በል ...>> የሚለው:: ዐማርኛው ትርጉም ላይ አሃድም ዋሂድም <<አንድ>> ይላቸዋል:: የቋንቋው አለመስፋት ወይም የእኛ መግባባት ድክመት ሊሆን ይችላል::
ቁርአን ለምታውቁ ሰዎች:-
<<ዋሂድ>> ግን አላህን አስመልክቶ ሲመጣ ሌላ የአላህ ስሞችን ለማብራራት ነው:: ዋሂዱል ቀሃር እንደሚለው:: አላህ <<እኛ>> ሲል እና <<እኔ>> ሲል የተለያየ መልዕክት እንደሆነው:: <<እኛ>> ካለ አድራጊነታዊ ንግሥናና ኩራት ሲሆን <<እኔ>> ካለ አምልኮታዊ ብቸኝነት ሲነግረን ነው:: ሁለቱ በአንድ አጭር አንቀጽ ተያይዘው የመጡበት አለ:: እንዳይረዝም ልቋጨው::
-> አንድም የቁርአን አንቀጽ የሌለው መልዕክት አላስተላለፍኩም::
1.5K viewsedited 06:31