ገመናዬ

2022-02-26 22:11:36 ጥሩ ህይወት መኖር በቁሶች ብዛት የሚለካ ሳይሆን መልካም ስሜት ወደራሳችን ማምጣት መቻል ነው ክፈት / አስተያየት ይስጡ

2021-10-22 17:36:19 አንድ ምሽት ከዚህ በኋላ እንደዚህ መኖር የለብኝም ብዬ ወሰንኩ። በአንድ ምሽት አልተቀየርኩም እና በእርግጥም ቀላል አልነበረም። የመጀመሪያዎቹ ጥቂት ወራት ስቃይ ነበሩ - እያንዳንዱ ነገር ኮምፒውተሩ ወዳለበት ክፍል ሄጄ የምፈልገው ስሜት እንዳገኝ የሚያነሳሱ ነበሩ። በተከታታይ ለወራት ክፍት ቁስል እንዳለኝ ነበር የሚሰማኝ። ግን ከዛ በሚገርም ሁኔታ ቁስሉ መዳን ጀመረ።

አሁንም በወሲብ ፊልም ውጤቶች ጋር ነው የምኖረው። በባል እና ሚስት መካከል ያለው የወሲብ እና ፍቅር እይታዬ ተበላሽቷል። ግን እየተማርኩ ያለሁት የወሲብ ፊልም እውነት አልነበረም እና አይደለም - የቁም ቅዠት ነው። እና ወሲብን ካስቀመጥኩበት ትልቅ መደብ እያወረድድኩት ነው።

በወሲብ ፊልም የምትቸገሩ ከሆነ፤ ብቻችሁን እንዳልሆናችሁ እወቁ። እና ስለምታልፉበት ነገር የምታወሩት ሰው ቢኖር በእውነት ይረዳል።

@gemenayee ክፈት / አስተያየት ይስጡ

2021-10-08 20:13:22 ፀሀፊ፣ ኮሜዲያን፣ ዳንሰኛ ነኝ። ግን በእውነት እኔ ማን ነኝ? ገና እየፈለኩ ነው ያለሁት። ...ሁሉም ሰው የሆነ ጊዜ ላይ “እኔ ማን ነኝ?” ብሎ ጠይቋል። ማን ናችሁ ተብላችሁ ብትጠየቁ፤ ምንድን ነው የምትመልሱት?

የተጋፈጡት ችግር ማንነቶን መፈለግ እና በማንነቶ ላይ መተማመን ከሆነ፤ ከቡድናችን አንድ ሰው ቢያናግሮት ደስ ይለዋል። ብቻዎን አይደሉም።

@gemenayee ክፈት / አስተያየት ይስጡ

2021-10-08 19:52:18 ህይወትን እንደ ሙከራ አስቦ መኖሩን አቁም! ጊዜ የሚባል የፈጣሪ ታናሽ ወንድም አለ፤ ቆሞ አይጠብቅህም።

ዛሬ የመጨረሻ ቀንህ እንደሆነ አስበህ ጥግ ድረስ ተጠቀምበት፤ ወዳጄ ትላንት ላይመለስ አልፏል ነገም ቢሆን አስተማማኝ አይደለም!
Credit Inspire In Ethiopia

@gemenayee ክፈት / አስተያየት ይስጡ

2021-10-07 07:50:22 እኛ በእኛነታችን የማንታወቅ ከሆነ በእኛነታችን እንደተወደድን አይሰማንም። በዛውም ጊዜ እውነተኛ ማንነታችንን ከገለፅን የምንገፋ ይመስለናል። ይሄ አስጨናቂ ኡደት እውነተኛ ማንነታችን ጭምብል እንዲለብስ እና ከሰዎች ጋር ያሉን ግንኙነቶች ባዶ እና የማያሳደስቱ እንዲሆኑ ያደርጋቸዋል።

@gemenayee ክፈት / አስተያየት ይስጡ

2021-10-06 21:04:08 ራስን ለማጥፋት ማሰብ ማለት ስለ ህይወት እና የወደፊት ውሸትን ማመን ማለት ነው። ከድሮ ጀምሮ ብዙ ሰዎች በስጥመት ተሰቃይተዋል ግን ለስሜታቸው አልወደቁም ወይም ስሜታቸውን አላመኑትም። በሱ ፈንታ ለመቀጠል ጽናት ነበራቸው፤ የወደፊት ህይወታቸው የተሻለ እንደሚሆን በማመን ውስጥ ያለ ጽናት። አንተም ይሄ ጽናት ሊኖርህ ይችላል።


በቴሌግራም ከፈለጉ :

@gemenayee ክፈት / አስተያየት ይስጡ

2021-10-06 11:47:05 ይሄን የምታነበው ምናልባት ራስህን ለማጥፋት አስበህ ሊሆን ይችላል። ወይም ሊያጠፋ ያሰበ ሰው ታውቅ ይሆናል።

ምናልባት ለህይወት ተስፋ ያጣህ ሰው ብትሆን፤ እባክህን ማንበብህን ቀጥል በግል ከአንተ ጋር ማውራት ስለምፈልግ። ህይወትህን ለማጥፋት አስበህ ጨርሰሃል ወይም ሞክረሃል። ልታስብ የምትችለው ሁሉ ህይወትህ ምን ያህል ተስፋ እንደሌለው፤ ይሄን ህይወትህን እንደዚህ መኖር መቀጠል እንደማትችል ይሆናል። ስቃዩ በጣም ከባድ ነው። ማንም የተሸከምከውን ሸክም ወይም ውስጥህ ያለውን የስሜት ብጥብጥ አይረዳህም።

ግን አሁን እዚህ ነህ እና እዚህም ስለሆንክ እባክህን የሆነ ተስፋ ላካፍልህ ህይወትህ የተለይ እንዴት ሊሆን እንደሚችል እና ለህይወት ሌላ ዕድል ለምን መስጠት እንዳለብህ።

አማራጭ፡ ህይወትን ከማጥፋት ከመሞከር ውጪ ያለ ሌላ ነገር ለማድረግ እንድትሞክር በትህትና ጠይቅሃለሁ።

በ ነጻ እና ምስጢር የሚጠብቁ አማካሪዎች ከታች ባለው link ያግኙ::

At Gemenaye we are here to help you!
contact us at ክፈት / አስተያየት ይስጡ

2020-10-27 16:51:30 ካለምክ አይቀር ትልቅ ሕልም ይኑርህ!!!

“ቺክን ሱፕ ፎር ዘ ሶል” ("Chicken Soup For the Soul") ዝነኛ መጽሃፉ ላይ ጃክ ካንፊልድ (Jack Canfield) አንድን አስገራሚ እውነተኛ ታሪክ አስፍሯል፡፡ በካሊፎንያ ግዛት ውስጥ ሳን ሲድሮ በተሰኘ ስፍራ አንድ ሞንቴ ሮበርትስ (Monty Roberts) የተባለ ሰው ትልቅ ፈረስ የሚያረባበትና የሚያሰለጥንበት እርሻ አለው፡፡ የዚህ ባለሃብት ጅማሬ ድንቅ ታሪክን ያዘለ ነው፡፡

የሞንቴ አባት ከስፍራ ወደ ስፍራ እየተዘዋወረ ፈረሶችን በማሰልጠን የሚተዳደር ሰው ነበር፡፡ የሞንቴም ሕይወት ወዲህና ወዲያ ከሚዘዋወር አባቱ ጋር የተቆራኘ ስለነበር ትምህርት ቤቱን በማቋረጥ ደጋግሞ ከአባቱ ጋር ይዘዋወር ነበር፡፡

አንድ ጊዜ የአስራ ሁለተኛ ክፍል ተማሪ ሆኖ ሳለ አስተማሪያቸው ወደፊት መሆን የሚፈልጉትን ሕልማቸውን በጽሑፍ አቀናብረው እንዲመጡ የቤት ስራ ሰጣቸው፡፡

ሞንቴ ማታ እቤቱ በመግባት ሰባት ገጽ ሙሉ ወደፊት ማድረግና መሆን ስለሚፈልገው ነገር ጻፈ፡፡ ወደፊት የፈረስ እርባታና ማሰልጠኛ ያቀፈ ትልቅ እርሻ እንዲኖረው እንደሚፈልግና ያንንም ግቡን የሚገልጽ ጽሑፍ ነበር፡፡ ከዚህ ግቡ ጋር የእርሻውን ንድፍ በስእል መልክ በማስፈር ለተመልካቹ ግልጽ በሆነ መልኩ አስፍሮት ነበር፡፡ ከ80 ሄክታር ያላነሰ ስፍራን አልሞ ነበር፡፡ ይህ ሕልም ቀድሞውኑ በውስጡ ሲብላላ የነበረ ጉዳይ ስለነበረ ጊዜን ሰጥቶትና በጥራት በመስራት በሚቀጥለው ቀን ለአስተማሪ አስረከበው፡፡

ከሁለት ቀናት በኋላ ውጤት የያዘውን ወረቀቱን አገኘ፡፡ በወረቀቱ ፊት ለፊት ገጽ ላይ በቀይ “F” ተጽፎበታል፡፡ ከውጤቱ በታች ደግሞ፣ “ክፍለ ጊዜው ሲያልቅ ወደ ኋላ ቀርተህ አነጋግረኝ” ይላል፡፡
ሕልመኛው ሞንቴ ከክፍለ ጊዜው በኋላ አስተማሪውን ለማግኘት ሄደ፡፡ ገና አስተማሪውን እንዳገኘው፣ “F ያገኘሁት ለምንድን ነው?” በማለት ጠየቀው፡፡ አስተማሪውም በመመለስ፣ “እንዳንተ ላለ ወጣት ይህ ሕልም ትንሽ ቅጥ ያጣ ነው፡፡ ገንዘብ የለህም፣ ኑሮን ለመግፋት ወዲህና ወዲያ በመዞር የሚሰራ ቤተሰብ ነው ያለህ፡፡ ባጭሩ ምንም ነገር የለህም፡፡ የፈረስ ማርቢያ እርሻ ብዙ ገንዘብ የሚጠይቅ ጉዳይ ነው፡፡ መሬት መግዛት አለብህ፣ እርባታውን ለመጀመር ቅድመ ክፍያ ያስፈልግሃል፣ ለእርባታ የሚሆኑ ፈረሶችን ለማግኘት ገንዘብ ይጠይቅሃል” በማለት ሕልሙ ላይ መድረስ የማይችልበትን የምክንያት አይነት ደረደረለት፡፡ በመጨመርም፣ “ይህንን ምኞትህን እውን ልታደርግበት የምትችልበት ምንም መንገድ ሊኖር አይችልም፡፡ ቀለል ያለ ግብን ጽፈህ ከመጣህ የሰጠሁህን ውጠት አሻሽልልሃለሁ” በማለት ወረቀቱን ሰጠው፡፡

ሞንቴ እቤቱ በመሄድ አስተማሪው የነገረውን ነገር ለረጅም ጊዜ ቁጭ ብሉ በጣም አሰበበት፡፡ አባቱንም ሃሳብ እንዲሰጠው ጠየቀው፡፡ የአባቱ መልስ፣ “ልጄ ሆይ፣ በጉዳዩ ላይ የራስህን አመለካከት መወሰን አለብህ፡፡ ሆኖም፣ ይህ የምትወስነው ውሳኔ በጣም አስፈላጊ ውሳኔ እንደሆነ አስባለሁ” የሚል ነበር፡፡

ሞንቴ በነገሩ ላይ ለአንድ ሳምንት ብዙ ካሰበበት በኋላ ያንኑ ወረቀት ለአስተማሪው መለሰለት፡፡ በወረቀቱ ላይ እንዲህ ሲል ጽፎ ነበር፣ “ለቤት ስራዬ የሰጠኸኝን የ F ውጤት ከአንተ ጋር አቆየው፣ እኔ ከሕልሜ ጋር እቆያለሁ”፡፡

ይህ ታሪክ ከተከሰተ ከብዙ አመታት በኋላ በአሁን ጊዜ ሞንቴ ሮበርትስ በ80 ሄክታር ላይ ያረፈ ትልቅ የፈረስ ማርቢያ እርሻ አለው፡፡ በዚያም እርሻ ውስጥ 370 ካሬ ሜትር ላይ ያረፈ የግል መኖሪያ አለው፡፡ ያንን F ያገኘበትንና ሕልሙ የተጻፈበትን ወረቀት በፍሬም አድርጎ በሳሎን ቤቱ ግድግዳ ላይ ሰቅሎታል፡፡ ሞንቴ በውስጡ የነበረውንና ከልቡ ያመነበትን ሕልም ከአስተማሪው የግል አመለካከት የተነሳ ለመጣል እምቢ ያለ ሰው ነበር፡፡

ከላይ የተጠቀሰው ሞንቴ እና በአለማችን የሚገኙ ሌሎች በርካታ እሱን መሰል ሰዎች በተለያዩ ሁኔታዎችና ሰዎች፣ “ከዚህ ማለፍ አትችሉም” በመባል የተሰመረባቸውን የገደብ መስመር አልፎ ለመሄድ የቆረጡ ሰዎች ናቸው፡፡ ሰዎች ከራሳቸው እይታ በመነሳት ማድረግ ወይም መሆን የምንችለውንና የማንችለውን የመገመት መብታቸው የተጠበቀ ነው፡፡ በዚያ ገደብ ውስጥ የመቆየትና ያለመቆየት ውሳኔው ያለው ግን እኛው ጋር ነው፡፡ “አይቻልም” ሲሉን በውስጣችን “ይቻላል” በማለት፤ “ያንተ ነገር አከተመ” ሲሉን ለራሳችን “የእኔ ነገር አላከተመም” እያልን በመንገር ወደፊት የመገስገስ ሙሉ መብትና ብቃቱም አለን፡፡ በሌላ አባባል፣ ሊገታን የሚችል ገደብ እኛው ያበጀነው ገደብ ነው፡፡

የይቻላል እይታ ማለት በአንድ ሙከራ ሳንገታና ሰዎችና ሁኔታዎች በሚሰጡን “አትችልም” የሚል መልእክት ሳንገደብ ወደ ፊት ለመገስገስና የሚቻለውን ሁሉ በማድረግ አላማችን ጋር ለመድረስ መትጋት ማለት ነው፡፡ ሆኖም፣ አብዛኛውን ጊዜ አንድን ነገር ለማከናወን ሁሉ ነገር የተሟላልን አይነት ሰዎች መሆን እንዳለብን እንድናስብና ቀድሞውኑ ተስፋ ቆርጠን እንቀመጣለን፡፡ በሕይወታችን ግን ስኬታማ ለመሆን ሁሉ ነገር የተሟላ መሆን የለበትም፤ ያመንንበትን መልካም ዓላማ ለመከተል ውስጣችን ሙሉ መሆን ነው ያለበት፡፡ ይቻላል!!!

(እይታ ከተሰኘው የዶ/ር ኢዮብ ማሞ መጽሐፍ ውስጥ የተወሰደ)፡፡ ክፈት / አስተያየት ይስጡ