─ _አንድ ቀን ይበልጣል_ አንዳንዴ ን...ፍ...ቅ ያልሽኝ ጊዜ አለ አደል ዝምብሎ ድንገት በሚመስል አስቤሽ አስቤሽ ሆዴ ብ...ብ...ት ሲል ወይም ... ፍጥረት አስጠልቶኝ ትዝታሽ ጎትቶኝ በናፍቆት መንጋጋ ልቤ ሲጎረመድ እጥፍ ያለ ጊዜ አንጀቴ እንደ ገመድ ካፊያ ያረጠባት ክብሪቴን ተርኩሼ ስትሄጅ የገዛሁት ማርቦሎ ለኩሼ ለካ አልነገርኩሽም ያኔ ስትሄጂ አቅም ያለኝ መስሎኝ ልቤን አባብዬ የሸኘሁበትን መንገድ ተከትዬ ቻው ብዬሽ ስመለስ አላስቀምጥ ብሎኝ አቦል ቡና ናፍቆት ያንጀቴን ስርጣስርጥ እየቦረቦረ ጭስ ያድነኝ መስሎኝ የገዛሁት ነገር ማርቦሎ ነበረ ብቻ ግን አንዳንዴ ን...ፍ...ቅ ያልሽኝ ጊዜ አለ አደል ዝምብሎ ድንገት በሚመስል አስቤሽ አስቤሽ ሆዴ ብብት ሲል ወይም... ፍጥረት አስጠልቶኝ ትዝታሽ ጎትቶኝ በናፍቆት መንጋጋ ልቤ ሲጎረመድ እጥፍ ያለ ጊዜ አንጀቴ እንደ ገመድ ካፊያ ያረጠባት ክብሪቴን ተርኩሼ ስትሄጅ የገዛሁት ማርቦሎ ለኩሼ እንደዚህ እላለሁ ለምን እኔ ብቻ እንድትመጪ ብዬ ያስቆመሸን መንገድ እቦረቡራለሁ እስከመቼ ድረስ ተስፋን እንደግጥም ሳነብ እኖራለሁ ? እባክሽ እቴ ሆይ እንደምንም ብዬ እንደምንም ብለሽ እንዴትም ሞክሬ እንዴትም ሞክረሽ ባክሽ እንገናኝ ላይነ ስጋ እንብቃ የኔና አንቺ ርቀት ከነጥብ አይስፋ አንድ እቅፍ ይበልጣል ከዘላለም ተስፋ ግጥም አማረ ዘውዱ 2014ዓ/ም @fonkabcha1 @fonkabcha1 194 viewsPassenger, 05:38
