ክፍል.......8 (በእውነተኛ ታሪክ የተመሰረተ) አዘጋጅ፦ ፍቅርን በቃላት . . . "እውነቱን ማወቅ ትፈልጊያለሽ?" አለኝ ካንጋጠጠበት ተመልሶ: የባሰ አጥብቆ እየያዘኝ:: "እጄን ልቀቀኝ" አልኩ እንደመታገል እያልኩ:: "እንግዲህ ምን የሚያደባብቀን ነገር አለ? ማወቅ ትፈልጊያለሽ ወይ?" በድጋሚ ጮሆ ጠየቀኝ: ፍርሀት ሰውነቴን አንዘፈዘፈው: በአዎንታ እራሴን አወዛወዝኩለት:: "ልጆቻችን ከመወለዳቸው በፊት የህይወትሽ እምብርት እኔ ነበርኩ: ትሰጪኝ የነበረው ፍቅርና እንክብካቤ....ኦህህ" አለ አይኑን አቡዞ "ከስራ ስገባ ፈገግታሽን ለማየት እንዴት እቸኩል ነበር" የትዝታ ፈገግታ ላፍታ ፊቱ ላይ ብልጭ አለች:: "ልጆቻችን ሲመጡ ግን ያ ሁሉ እልም ብሎ ጠፋ...በልጆቹ ታጠርሽ:: ሁልጊዜ ደክሞሽ: ሁልጊዜ ተኮሳትረሽ: ሁልጊዜ እራስሽን ጥለሽ ሆነ የማገኝሽ" መሬት መሬቱን አየ "የሚያሙዋሙዋኝ ፈገግታሽን የማየው ከልጆቻችን ጋር ስትጫወቺ ብቻ ሆነና እራሴን አገለልኩ: ለገዛ ቤተሰቤ እንግዳ ሆንኩ" ዝም አለ:: "ጨርሰዋ!" አፈጠጥኩበት:: "አህህህ...እናት... ሌላ ምን ልበልሽ? የማልወጣው ማጥ ውስጥ ገባሁና አረፍኩት" አይኖቹን ከአይኖቼ አሸሻቸው:: "የምን ማጥ? ፍቅር ያዘህ? ሌላ ሴት አስረገዝክ?" እንደው አፌ ለፈለፈ እንጂ እውነቱን መስማት አልፈለኩም: የቆሰለችው ነፍሴ ልትሸከመው አትችልም: እሱም አልመለሰልኝም:: እጄን ለቅቆ ጃኬቱን ከወንበሩ አንስቶ እየለበሰ "እንግዲህ ሁሉም በእጅሽ ነው" አለ ወረቀቱን እያየ "ስልኬን ብትሰጪኝ ደስ ይለኛል: ቁልፍሽ ይኸው" ጠረጴዛው ላይ አስቀመጠው:: ምንም አልተናገርኩም: ከቆምኩበትም አልተነቃነኩም:: "ልጠብቅ? ልሂድ?" አለ በሚለማመጥ ድምፅ...የመኪናውን ቁልፍ ከመስቀያው እያወረደ:: አመነታሁ: ስልኩን ያዝኩ አልያዝኩ ዋናው ሰው እየሄደ አይደል:: ባሌ ላይ አፈጠጥኩ...እንግዳ ሆነብኝ:: "የቤቱን ቁልፍ ስጠኝ...አንተ ጋ ያለውን" አልኩ እጄን ዘርግቼ:: "ም-ን?" "አሁን ሌላ ቤት አለህ: የቤቴን ቁልፍ ስጠኝ" እጄን አላጠፍኩም "ከዛ ስልክህ የት እንዳለ እነግርሀለሁ" ጭንቅላቱን እያወዛወዘ አንድ ቁልፍ እጄ ላይ አስቀመጠልኝ:: "የጉዋሮውንም" አልኩ እጄን ሳላጥፍ: ሌላ ቁልፍ አስቀመጠልኝ:: "ኦ እረስቼው...የመኪናዬንም" በረጅሙ ተነፈሰና ከቁልፍ መያዣው ጋር እየታገለ በትዝብት አይን አየኝ:: ቁልፎቹን ከተቀበልኩ በሁዋላ ስልኩ ያለበትን ነግሬው በሩ አጠገብ ቆሜ እስኪወጣልኝ ተጣደፍኩ:: "ልጆቼን ልሳም?" ሲቃ የተናነቀው ጥያቄው ከምጋልብበት የእልህ ፈረስ በድንገት አፈረጠኝ:: አህህ...ልጆቻችን! ምኑንም የማያውቁት: ምኑም ውስጥ የሌሉበት: ግን ደግሞ ከሁለታችንም በላይ የሚጎዱት ምስኪኖች:: ወደመኝታ ቤታቸው ሲሄድ እንባ ባቆሩ አይኖቼ ሸኘሁት:: ይቀጥላል ..... የመወያያ ግሩፑን ይቀላቀሉን @ethio_lifes_group @ethio_lifes_group @ethio_lifes_group ╔═══❖• •❖═══╗ @fkrn_be_kalat ╚═══❖• •❖═══╝ 4 any comment @fkrn_be_kalat_bot ❥❥________⚘_______❥❥ 306 views✧ زوجة الفيلسوف ✧, 17:41
