2022-08-18 12:46:52
የአመራር ዘይቤዎች ወይም አቀራረቦች
መግቢያ
የአመራር ዘይቤዎች ፤ መሪዎች በተቋም ውስጥም ሆነ ከተቋም ውጭ ከሌሎች(ከተከታዮች) ጋር ያላቸውን ግንኙነት ፣ ራሳቸውን እና የሥራ መደባቸውን እንዲሁም እንደ መሪዎች ውጤታማ መሆናቸውን ወይም አለመሆናቸውን የሚያዩባቸው አቀራረቦች ናቸው፡፡
በማንኛውም ሁኔታ እና ቦታ ሊያገለግል የሚችል ሁሉም ሰው የተስማማበት አንድ ወጥ የአመራር ዘይቤ
የለም፡፡ አንድ መሪ የተለያዩ የአመራር ዘይቤዎችን ለይቶ ማወቁ እንደ ሁኔታውና የአከባቢው ተጨባጭ ሁኔታ ዘይቤውን በመቀያየር የተሻለ ውጤትና ስኬት ሊያስመዘግብ ይችላል፡፡
መሠረታዊ የአመራር ዘይቤዎች
አምባገነናዊ የአመራር ዘይቤ
ዲሞክራሲያዊ የአመራር ዘይቤ
ታገሽ / ጣልቃ የማይገባ / የአመራር ዘይቤ
አምባገነናዊ የአመራር ዘይቤ
በመመሪያ እና በቁጥጥር የተሞላ ነው፡፡
አብዛኛውን ውሳኔ የሚወስነው መሪው ነው፡፡
አምባገነናዊ መሪዎች ግልጽ መዋቅር እና የማይለወጡ ሚናዎች ያስቀምጣሉ፡፡
የተከታዮቻቸውን ሚና የሚወስኑት እና የሚያደራጁት መሪዎች ናቸው፡፡
መሪዎች ከተከታዮቻቸው ጋር ከመገናኘት ይልቅ በአስተዳደራዊ ጉዳዮች የተጠመዱ ናቸው፡፡
የ “ካሮት እና ዱላ " አቀራረብ ነው፡፡
ጥቅሞቹ
ሁሉም ነገር በመሪዎች ቁጥጥር ሥር ስለሚሆን ፤ ጭንቀት ይቀንስላቸዋል፡፡
ተከታዮቻቸውን ስለማያማክሩ ውሴኔዎችን በአጭር ጊዜ ውስጥ ይወስናሉ፡፡
ውሳኔዎች ቶሎ በመወሰናቸው ሠራተኞች ጊዜያዊ ደስታ ያገኛሉ፡፡
ጉዳቶቹ
ለረጅም ጊዜ የሚያገለግል የአመራር ዘይቤ አይደለም፡፡
መሪዎች ሲኖሩ ሠራተኞች ሥራቸውን ይሠራሉ ፤ መሪዎች በሥራ ቦታ ሳይኖሩ ሲቀሩ ፤ ሠራተኞች
ሥራቸውን በአግባቡ አያከናውኑም፡፡
በጊዜ ሂደት የሠራተኞችን ክህሎት ይገድላል ፣ የሠራተኞችን ሞራል ይጎዳል ፣ በመጨረሻም ሠራተኛው
በመሪው ላይ ብቻ ጥገኛ እንዲሆን ስለሚያደርገው ራሱን ችሎ ውሳኔዎችን እንዳይወስን ያደርገዋል፡፡
መቼ ነው የምንጠቀመው?
ሠራተኞች በተቋሙ ላይ ከፍተኛ እምነት ሲኖራቸው፡፡
በተቋሙ ውስጥ የሚሠሩ ሥራዎች ቀጥተኛ ሲሆኑ፡፡
ውሳኔዎች በፍጥነት እንዲወሰኑ ሲፈለግ፡፡ ለምሳሌ ሀገር ሲወረር
ሥራውን መሪው እንዲመራው ኃላፊነት ሲሰጠው፡፡
ሠራተኞች ለሥራው አዲስ ሲሆኑ ፣ በቂ ሥልጠና ካላገኙ ፣ የሥራዎችን ቅደም ተከተል ካለወቁ እና
በአጠቃላይ ለሠራተኞች ግልፅ የሥራ መመሪያ ሲያስፈልግ፡፡
ዲሞክራሲያዊ ወይም አሳታፊ የአመራር ዘይቤ
መሪው ሥልጣኔ የሚረጋገጠው በምመራቸው ሰዎች ዘንድ ተቀባነት ሲኖረው ነው ብሎ ያምናል፡፡
የበለጠ አሳታፊ ሲሆን ፤ ፖሊሲዎች የሚወጡት በቡድን ውይይት እና በቡድን ውሳኔ አሰጣጥ ሂደት
ነው፡፡
መሪዎች ለእርስ በርስ እና ከተከታዮቻቸው ጋር ላላቸው ግንኙነት ትኩረት ይሰጣሉ፡፡
መሪዎች ውሳኔዎች እና ውሳኔዎች ለሚያስከትሉት ኃላፊነት ከተከታዮቻቸው ጋር ይጋራሉ፡፡
የተለመደ እና ለረጅም ጊዜ ሊያገለግል የሚችል የአመራር ዘይቤ ነው፡፡
ጥቅሞቹ
ውሳኔዎች በጋራ ስለሚወሰኑ ፤ ሠራተኞች በፈፁም መሰጠት ሥራቸውን ያከናውናሉ፡፡
በሠራተኛው ውስጥ የባለቤትነት ስሜት ይፈጠራል፡፡
መሪዎች ኖሩም አልኖሩም ሠራተኞች ሁል ጊዜ የተሰጣቸውን የሥራ ኃላፊነተ በታማኝነት ይወጣሉ፡፡
ጉዳቶቹ
ሁሉም ሰው በውሳኔ አሰጣጥ ሂደት ላይ ስለሚሳተፍ ፤ ውሳኔዎች ይዘገያሉ፡፡
ሁሉንም ሰው በውሳኔ አሰጣጥ ሂደት ላይ ማሳተፉ መልካም ነገር ቢሆንም ፤ ለእያንዳንዱ ጉዳይ
ሠራተኞችን ለውሳኔ መሰብሰብ ፤ በጊዜ ሂደት ማለቂያ ወደሌላቸው ስብሰባዎች ሊያመራ ስለሚችል፤
ሠራተኞች ሊሰላቹ ይችላሉ፡፡
መቼ ነው የምንጠቀመው?
ሠራተኞች በቂ የሥራ ዕውቀት ፤ ክህሎት እና ልምድ ሲኖራቸው፡፡
ሁሉም የቋሙ አባላት በእኩል ወይም ተቀራራቢ መጠን የራሳቸውን ፈጠራ እና ዕውቀት ለተቋሙ
የሥራ እንቅስቃሴ ማበርከት ሲችሉ፡፡
ለውጦችን ተቋማዊ ለማድረግ ፣ የቡድን ችግሮችን ለመፍታት እና መሪዎች ለአንድ ጉዳይ ግልፅ
አቅጣጫ ለማስቀመጥ ተጨማሪ ግብዓቶች ሲያስፈልጓቸው፡፡
. ታጋሽ / ጣልቃ የማይገባ / የአመራር ዘይቤ
አንዳንድ ጊዜ “አትንካ ዘይቤ " በመባል ይታወቃል፡፡
አብዛኞቹን ውሳኔዎች ለሠራተኞች በመስጠት ለውሳኔዎቹ ሠራተኞችን ተጠያቂ የሚያደርግ እና
በመሪው ዝቅተኛ ክትትል የሚደረግበት የአመራር ዘይቤ ነው፡፡
ሠራተኞች ራሳቸውን በማነሳሳት ለአብዛኞቹ አስተዳደራዊ ጉዳዮች ኃላፊነት ይወስዳሉ፡፡
ይህ የአመራር ዘይቤ ጠቃሚ የሚሆነው ሠራተኞች የተማሩ ፣ ስለ ሥራቸው በቂ ዕውቀትና ግንዛቤ
ሲኖራቸው ፣ ኃላፊነት የሚሰማቸው ሲሆኑና የራስ ተነሳሽነት ሲኖራቸው ነው፡፡
መሪዎች ለሥራ ውጤትም ሆነ ሥራውን ለሚሠሩት ሠራተኞች ደንታ የላቸውም፡፡
2.6K views09:46