Ethiopian Football Federation

2022-09-01 19:04:06 ብሔራዊ ቡድናችን ሩዋንዳ ደርሷል

በቻን ማጣርያ የመልስ ጨዋታ ሩዋንዳን የሚገጥመው ብሔራዊ ቡድናችን ያለፉትን ቀናት ቆይታ ያደረገበት ታንዛንያን በመልቀቅ ሌሊት 10:00 ላይ ወደ አዲስ አበባ ጉዞ ያደረገ ሲሆን ጠዋት ከደረሰ በኋላ በዛው ወደ ሩዋንዳ ጉዞውን ቀጥሎ ከቀኑ 8:00 ላይ ኩጋሊ ዓለም አቀፍ አየር ማረፍያ ደርሷል።

በስፍራው በሩዋንዳ የኢትዮጵያ ኤምባሲ እና የኢትዮጵያ ኮምዩኒቲ ተወካዮች በመገኘት ለቡድናችን አቀባበል ያደረጉ ሲሆን በአስፈላጊው ነገር ሁሉ ከጎናቸው መሆናቸውን ገልፀዋል።

ቡድናችን ኪጋሊ ከደረሰ በኋላ ጨዋታውን ወደሚያደርግበት ሁዬ ከተማ የ130 ኪሜ የመኪና ጉዞ በማድረግ 12:00 ገደማ ከተማው ደርሶ ማረፊያውን ክሬዶ ሆቴል አድርጓል።

የኢትዮጵያ ብሔራዊ ቡድን ነገ የመጨረሻ ልምምዱን በሁዬ ስታዲየም አከናውኖ ቅዳሜ ሩዋንዳን የሚገጥም ይሆናል። ክፈት / አስተያየት ይስጡ

2022-08-31 21:35:16 የኢትዮጵያ ብሔራዊ ቡድን በታንዛንያ ቆይታው የመጨረሻ ልምምዱን ዛሬ በኡሁሩ ስታዲየም አከናውኗል።

ከነሐሴ 18 ጀምሮ በታንዛንያ ቆይታ ያደረገው ብሔራዊ ቡድናችን ነሐሴ 20 ከሩዋንዳ ጋር የቻን ማጣርያ የመጀመርያ ጨዋታውን ማድረጉ የሚታወስ ሲሆን ከጨዋታው በኋላ ያለፉትን ቀናት በዛው በመቆየት ለመልሱ ጨዋታ ዝግጅቱን ሲያከናውን ቆይቷል።

ቡድናችን በዛሬው ዕለት የመጨረሻ የታንዛንያ ልምምዱን ያከናወነ ሲሆን ቆይታ ያደረገበት የአውራ ሲውት ሆቴል ማኔጅመንት እና ሰራተኞች በእራት ሰዓት ላይ ኬክ በማዘጋጀት ቡድኑ በመልሱ ጨዋታ ድል አድርጎ ወደ አልጄርያው ውድድር እንዲያልፍ መልካም ምኞታቸውን ገልፀዋል።

የቡድናችን አባላት ዛሬ ለሊት ወደ ሩዋንዳ የሚደርገውን ጉዞ የሚጀምሩ ሲሆን በአዲስ አበባ በኩል አድርገው በነገው ዕለት ሩዋንዳ የሚደርሱ ይሆናል ። ክፈት / አስተያየት ይስጡ

2022-08-30 21:07:30 የኢትዮጵያ ብሔራዊ ቡድን ከሩዋንዳ ጋር ለሚያደርገው የቻን ማጣርያ የመልስ ጨዋታ ዝግጅቱን በታንዛንያ አጠናክሮ የቀጠለ ሲሆን በኡሁሩ ስታዲየም ልምምዱን አከናውኗል።

ብሔራዊ ቡድናችን በታንዛንያ ነገ የመጨረሻ ልምምዱን ካከናወነ በኋላ ቆይታውን በማጠናቀቅ ጨዋታውን ወደሚያደርግበት ሩዋንዳ የሚያመራ ይሆናል። ክፈት / አስተያየት ይስጡ

2022-08-29 21:09:54 የኢትዮጵያ ብሔራዊ ቡድን ከሩዋንዳ ጋር ለሚያደርገው የመልስ ጨዋታ ዝግጅቱን ቀጥሎ ዛሬም በኡሁሩ ስታዲየም ልምምዱን አከናውኗል። ክፈት / አስተያየት ይስጡ

2022-07-07 22:44:38 በሀዋሳ ከተማ እየተካሄደ የሚገኘው የክልል ክለቦች ሻምፒዮና ጨዋታዎች ዛሬም ቀጥለው ተካሂደዋል።

የዛሬ ውጤቶች ፣ ቀጣይ ጨዋታዎች እና የደረጃ ሰንጠረዥ ሊንኩን ተጭነው ይመልከቱ

http://theeff.org/2022/07/07/447799/ ክፈት / አስተያየት ይስጡ

2022-07-07 21:23:27 የኢትዮጵያ ፕሪምየር ሊግ የመዝጊያ እና የውድድር ዓመቱ ምርጦች ሽልማት ስነ ስርአት ዛሬ በሸራተን አዲስ ሆቴል ሲካሄድ በክብር እንግድነት የተገኙት የኢትዮጵያ እግር ኳስ ፌዴሬሽን ፕሬዝዳንት አቶ ኢሳያስ ጂራ የዓመቱ ኮከብ ተጫዋች ሆኖ ለተመረጠው ጋቶች ፓኖም የተዘጋጀውን ሽልማት አበርክተዋል።


ጋቶች ፓኖም በኮከብ ተጫዋችነት ፣ አሰልጣኝ ዘሪሁን ሸንገታ በኮከብ አሰልጣኝነት ፣ ቻርለስ ሉክዋጎ በኮከብ ግብ ጠባቂነት ፣ አላዛር ማርቆስ በምርጥ ወጣት ተጫዋችነት ፣ ይገዙ ቦጋለ በከፍተኛ ጎል አግቢነት ፣ ኢ/ል ዳኛ ኃይለየሱስ ባዘዘው በምስጉን ዋና ዳኝነት ፣ ኢ/ል ረዳት ዳኛ ትግል ግዛው በምስጉን ረዳት ዳኝነት ኮከብ ሆነው የተሸለሙ ናቸው።

የኢትዮጵያ እግር ኳስ ፌዴሬሽን ለአክሲዮን ማህበሩ ዓመቱን በደማቅ ሁኔታ በማጠናቀቁ እንዲሁም በኮከብነት ለተሸለሙት በሙሉ እንኳን ደስ አላችሁ ሲል ልባዊ ደስታውን ይገልፃል። ክፈት / አስተያየት ይስጡ

2022-07-07 19:13:17 የኢትዮጵያ እግር ኳስ ፌዴሬሽን የዳኞች ልማት አስተዳደር ዳይሬክቶሬት በየሁለት ዓመቱ የካፍ ኮሚሽነርነት ምርጫ እንደሚያካሂድ ይታወቃል። ስለሆነም በዚህ ምርጫ ላይ መወዳደር የምትፈልጉ ኮሚሽነሮች ይህ ማስታወቂያ ከወጣበት ቀን ጀምሮ በአምስት (5) ቀናቶች ውስጥ በዳኞች ኮሚቴ ቢሮ በመገኘት እንድትመዘገቡ እናስታውቃለን።

የምዝገባውን መስፈርቶች በምስሉ ላይ ይመልከቱ ክፈት / አስተያየት ይስጡ

2022-07-06 16:17:16 ረድኤት አስረሳኸኝ በካፍ የኮከቦች ሽልማት በምርጥ ወጣት ተጫዋቾች ዘርፍ እጩዎች ውስጥ ተካተተች

የኢትዮጵያ ከ20 ዓመት በታች ብሔራዊ ቡድን የሴካፋ ባለ ድል እንዲሆን እና በዓለም ዋንጫ ማጣርያ እስከ መጨረሻው ዙር በዘለቀ አስደናቂ ጉዞ ላይም 7 ጎል በማስቆጠር ትልቅ ድርሻ የተወጣችው ረድኤት አስረሳኸኝ በካፍ የዓመቱ ምርጦች ሽልማት ላይ በወጣቶች ዘርፍ 10 እጩዎች ላይ መካተት ችላለች።

በሀዋሳ ከተማ እየተጫወተች የምትገኘው ወጣቷ አጥቂ ረድኤት በሽልማቱ ላይ በእጩነት በመካተቷ የኢትዮጵያ እግር ኳስ ፌዴሬሽን የተሰማውን ደስታ እየገለፀ በምርጫው መልካም ዕድል እንዲገጥማት ይመኛል። ክፈት / አስተያየት ይስጡ

2022-07-06 16:05:12 በተጫዋቾች ምዝገባ እና ዝውውር ዙርያ ስልጠና በመሰጠት ላይ ይገኛል

በኢትዮጵያ እግር ኳስ ፌዴሬሽን የኢንፎርሜሽን ኮምዩንኬሽን ዳይሬክቶሬት የተዘጋጀው በተጫዋቾች ምዝገባ (FIFA CONNECCT) እና የተጫዋቾች ዝውውር (FIFA TMS/DTMS) ላይ ያተኮረው ስልጠና ዛሬ በጁፒተር ሆቴል መሰጠት ጀምሯል።

የኢትዮጵያ ፕሪምየር ሊግ ተሳታፊ የሆኑ ክለቦች የወንድና ሴት ተጫዋቾች ምዝገባ እና ዝውውር ላይ ያተኮረው ይህ ስልጠና ነገም ቀጥሎ የሚደረግ ይሆናል።

ይህንን ስልጠና እየሰጡ የሚገኙት ወ/ሮ ዘውድነሽ ይርዳው የፕሪምየር ሊግ ክለቦች የተጫዋቾች ዝውውር እና ምዝገባ ከዚህ ሲስተም ውጭ ማድረግ እንደማይችሉና የተጫዋቾች ህጋዊነት የሚረጋገጠው በዚህ ሲስተም ሲያልፍ በመሆኑ ክለቦች እዚህ ላይ ትኩረት በመስጠት ሊሰሩበት ይገባል ብለዋል። ክፈት / አስተያየት ይስጡ

2022-07-06 11:16:26 የኢትዮጵያ ሴቶች ፕሪምየር ሊግ 19ኛ ሳምንት ሰኞ እና ማክሰኞ ተከናውነዋል።

ከተደረጉ ስድስት ጨዋታዎች መካከል ከፍተኛ ግምት አግኝቶ የነበረው የኢትዮጵያ ንግድ ባንክ እና መከላከያ ጨዋታን ሀይላይት በዩቲዩብ ቻነላችን ይመልከቱ



ክፈት / አስተያየት ይስጡ