Bertat Com💬

2022-08-06 22:01:21 "የእኔ የቅርብ ጓደኛ ያላነበብኩትን መጽሐፍ የሚሰጠኝ ሰው ነው."

አብርሃም ሊንከን

#ንባብ #ልብወለድ #መጽሐፍት ክፈት / አስተያየት ይስጡ

2022-08-02 10:09:52 አንዴ ከሄዱ ብትለምኗቸው የማይመለሱ አራት ነገሮች!

ምንጩ ያልታወቀ አንድ ማስታወሻ፡-

በሕይወታችሁ እንደገና ለመመለስ የሚያስቸግሯችሁ አራት ነገሮች፡-

“እድል” - አንዴ ካመለጣችሁ በኋላ!

“ቃል” - አንዴ ከአንደበታችሁ ከወጣ በኋላ!

“ጊዜ” - አንዴ ሳትጠቀሙበት ካለፈ በኋላ!

“አመኔታ” አንዴ ከጎደለ በኋላ ለመመለስ አስቸጋሪ ነው፡፡

1. “እድል” - በአጋጣሚም ሆነ ጠንክራችሁ በመስራታችሁ የመጣን እድል መለየት፣ ማክበርና በተገቢው ሁኔታ መጠቀም፡፡

2. “ቃል” - ሁኔታዎች ሲገፋፏችሁም ሆነ እንዲሁ ስለለመደባችሁ በቀላሉ የምትናገሯቸውን ሰው ጎጂ ንግግሮች በሚገባ ማሰብና ራስን መግታት፡፡

3. “ጊዜ” - በሆነ ባልሆነ የምታባክኑትና አሁን ባላችሁ እድሜ ማድረግ የሚገባችሁን ነገር ባለማድረግ የምታባክኑትን ጊዜ በጥንቃቄ መያዝ

4. “አመኔታ” - ሰዎች ሲያምኗችሁና ራሳቸውንም ሆነ ነገሮቻቸው በእናንተ ላይ ሲጥሉ እምነት ከማጉደል መጠበቅ፡፡

በሉ እንግዲህ፣ ያለፈው አልፏል፣ የባከነው ባክኗል፡፡ የተራረፈውን እንሰባስበውና ሕይወትን እንደገና በአዲስ መልክ እንጀምር፡፡

Dr. Eyob Mamo ክፈት / አስተያየት ይስጡ

2022-08-01 13:01:19 የሰዓሊዉ ማስታወሻ!

ከስር የምትመለከቱት ስዕል በአርቲስት ‹ፌዶር› የተሳለ ሲሆን አንድ ልጅ ከትምህርት ቤት ወድቆ ሲመለስ እና ቤተሰቡም እሱን ተመልክቶ በወቀሳ፣ በትችት፣ በስድብና በማናናቅ ሲቀበሉት ያሳያል። ከምንም በላይ የታናሽ ወንድሙ ቤተሰቡን ተከትሎ መሳለቅና በጥላቻ ዓይን መመልከት እጅግ ልብ የሚነካ ነዉ..!

በዚህ ምስል ሠዓሊው እንዲህ ሲል ትልቅ መልዕክት አስተላልፏል። "ቢያንስ ውሻዉ ያዘነለትን ያህል እዘኑለት!"
ሲሳካለትም ሆነ ሲወድቅም ያለምንም ቅድመ ሁኔታ በሰዉነቱ ብቻ ይወደዋል። ልጆችዎን የሚጠብቁትን ያህል ባይሆንም የሚጠበቅባቸዉን ግብ እንዲያሳኩ ከፈለጉ ያለምንም ቅድመ ሁኔታ ይደዷቸዉ። ከስኬት ይልቅ በሽንፈታቸዉ ጊዜ የበለጠ support መደረጋቸዉ ለበለጠ ተነሳሽነትና ለተሻለና ዘላቂ ለዉጥ እንደሚያበቃቸዉ አይርሱ!።
وعَنْ أم المؤمنين عَائِشَةَ رضي الله تعالى عنها: أَنَّهَا قَالَتْ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «إِذَا أَرَادَ اللهُ عَزَّ وَجَلَّ بِأَهْلِ بَيْتٍ خَيْرًا أَدْخَلَ عَلَيْهِمُ الرِّفْقَ».
እናታችን ዓኢሻ(ረ.ዓ) እንዳወራችዉ: ሰይዳችን ረሱል(ሰ.ዐ.ወ) ተከታዩን ብለዋል..
"አላህ ለአንድ ቤተሰብ መልካምን በሻ ጊዜ መተዛዘንን በመሀላቸዉ ያሰፍናል!" (ኢማም አሕመድ በሙስነዳቸዉ ዘግበዉታል)
Via:- @hamudi_hamudi1988 ክፈት / አስተያየት ይስጡ

2022-07-30 07:48:31 ምንም አልጎደለህም!

እጅግ ውድ የሆነ መኪና ቢኖርህና ከፊቱ ሁለት ፈረሶች በገመድ አስረህ ብታስጎትተው መኪናው ሊንቀሳቀስ ይችላል፤ ግን የፈለክበት አያደርስህም! ቁልፉን አስገብተህ ብታስነሳውና ብትነዳው ግን የምትፈልገው ቦታ በፈለከው ፍጥነት ያደርስሀል።

መኪናው አዕምሮህ ነው፤ ቁልፉ ደግሞ አመለካከትህ ነው። ወዳጄ ምንም የጎደለህ ነገር የለም የፈለክበት መድረስ ትችላለህ! ፈጣሪ የሰጠህን ካልተጠቀምክበት ግን ውዱ መኪናህን በፈረስ እየጎተትከው ነው።

https://t.me/LiquismQLA ክፈት / አስተያየት ይስጡ

2022-07-29 18:35:48 አምና ራሱን ሊያጠፋ የነበረው አትሌት ዘንድሮ ሜዳሊያ አሸነፈ!

በዘንድሮው የአለም አትሌቲክስ ሻንፒዮና የ400 ሜትር የነሀስ ሜዳሊያ ተሸላሚው የእንግሊዙ ሀድሰን ስሚዝ ነው። ዛሬ ሜዳሊያ ለመቀበል በአለም ህዝብ ፊት የሽልማት ሰገነቱ ላይ ቢቆምም አምና በዲፕረሽን፣ በተስፋ መቁረጥና በከፍተኛ ሀዘን ውስጥ ለብቻው እየተሰቃየ ነበር።

ሀድሰን ከሽልማቱ በኋላ የአእምሮ ህመም ስቃዩን በግልፅ ተናግሯል። "በአእምሮ ህመም ምክኒያት ስሰቃይ ነበር። ሰዎች አያውቁም ግን ራሴን ለማጥፋትም ሞክሬ ነበር።" ብሏል።

ሀድሰን የማይታለፍ የሚመስለውን የሀዘን፣ የለቅሶ ምሽት ሲያልፍ ጠዋት ደስታ ሆኖለታል። ከጨለማ ባሻገር ብርሀን አለ። አንዳንዴ ጨለማው ጥቅጥቅ ያለ ይሆንና ተስፋ ያስቆርጣል። ተስፋ የመቁረጥ ስሜት፣ ሀዘን ወይም ዲፕረሽን ከተሰማችሁ የስነ ልቦና ባለሙያ ወይም የአእምሮ ሀኪም ማማከር ጥሩ ነው።

ያለ አእምሮ ጤና፤ ጤና የለም!!!

ዶ/ር ዮናስ ላቀው (የአእምሮ ህክምና ስፔሺያሊስት) ክፈት / አስተያየት ይስጡ

2022-07-20 19:08:32 ወጥነት (consistency)

ብርድ ነው ብለን እንቅልፍን አንመርጥም። ሠው አይኖርም ብለን ከመንገዳችን ወደኅላ አንልም።

ሁሌም ለአላማችን እንተጋለን። ለውጥ ሂደት ነው። ቀናት፣ ወራት፣ አመታትን ይፈልጋል። በዚህ ረጅም መንገድ ለመጓዝ የወጥነትን ባህሪ (consistency) ማዳበር ይገባናል። በህይወታቸው የፈለጉትን ያገኙ ሠዎች ትልቁ ባህሪያቸው ወጥነት ነው። የትኛውም ሁኔታ ከሀሳባቸው እንዲያስቆማቸው አይፈቅዱም።

በየትኛውም የህይወት ክፍላችን ላይ (በስራ፣ በግንኙነት፣ በመንፈሳዊነት ወዘተ) ወጥነትን ይኑረን። ያሰብነውን ውጤት እስክናገኝ ድረስ በመንገዱ ላይ እንቆይ። ወጥ እንሁን። (ሙና ጀማል)

መልካም ቀን!

t.me/posstivevision ክፈት / አስተያየት ይስጡ

2022-07-13 11:53:39 18ዓመት የሞላት ልጇን የቤት ክራይ እየከፈለች እንድትኖር ያስገደደችዉ እናት!:

በዩናይትድ ስቴትስ ኦፍ አሜሪካ አንዲት እናት 18ዓመት የሞላትን ልጇን ቤት ዉስጥ አብራ ለመኖር በየወሩ 100ዶላር ክራይ እንድትከፍል በማድረግ ይህንንም በግልጽ ፊርማ የሚጸና የዉል ስምምነት መፈጸሟ ዓለምን እያነጋገረ ይገኛል።

"The Independet" የተባለዉ የብሪታኒያዉ የዜና ምንጭ እንደዘገበዉ እናት ከልጇ ጋር የተፈራረመችዉን ዉል በቪዲዮ ከቀረጸች በኋላ "18ዓመት ዓመት የሞላት ልጅ በቤት ዉስጥ ለመቆየት ስትወስን" የሚል ርዕስ በመስጠት በማሕበራዊ መገናኛ ላይ አጋርታለች። ወደ ኋላም "ይህ ሁነት የማስተማርና ልጇን ለስኬት የማዘጋጀት አንዱ አካል ነዉ" በማለት ለማብራራት ሞክራለች።

ይህ ዉል ለአንድ ዓመት የሚጸና ሲሆን ልጅ የስምምነት ጊዜዉ እስኪጠናቀቅ በየወሩ የ100ዶላር ክራይ እንድትከፍል ያስገድዳል። የተጠቀሰዉን ወርሀዊ ኪራይ ወር በገባ 10ቀን ዉስጥ መክፈል ያለባት ሲሆን ከዚያ በላይ ካለፈ እንደዘገየ ተቆጥሮ ቅጣት የሚከተል ይሆናል።
ምንጭ #አልጀዚራ_ሙባሸር
Hamudi Hamudi ክፈት / አስተያየት ይስጡ

2022-07-12 17:07:41 ለአንተ ችግሮች ሌሎች መፍትሄ አያበጁም፤ብቻህን ችግርህን መፍታት ተለማመድ። በራስህ መንገድ የፈታሃቸው ችግሮች ዘላቂ የመሆን እድላቸው ሰዎች ከፈቱልህ በብዙ ይልቃሉ።ምክንያቱም ሰዎች የገጠመህን መሰናክል ያሻግሩሃል እንጂ ነገን አይዘውሩም።

Diya Nesre

join My Telegram channel
https://t.me/+UU4iOWnCOsEhe5Jo ክፈት / አስተያየት ይስጡ

2022-07-12 11:09:10 የነገዋን ኢትዮጵያ .....
የነገ ኢትዮጵያን መመልከት የፈለገ የዛሬ ልጆችና ታዳጊዎችን ይመልከት። ነገ የምንመኛትን ኢትዮጵያን ለማየት የዛሬ ታዳጊዎች ላይ እንስራ። ያልዘራነውን አናጭድም። ጥሩነትን ካላሳየነው ትውልድ መልካም ፍሬ አንጠብቅ። ትጉህ፣ በራሱ የሚቆም፣ ኃላፊነቱን የሚወጣ ፣ ለሌሎች አሳቢ እና ተነሳሽ አድርገን ያላሳደግነው ትውልድ በተዓምር ካልሆነ በስተቀር ምርጥ ዜጋ አንጠብቅ።
ወቅቱ ተማሪዎች የቀለም ትምህርት አጠናቀው ለእረፍት ወደ ቤት የተመለሱበት ወቅት ነው። አሁን ደግሞ ዘና እያሉ ስብዕናቸውን የሚገነቡበት ፤ ለወደፊት ህይወታቸው ክህሎት የሚያዳብሩበት ነው።
ለዚህ ደግሞ ጋላክሲ ዊዝደም ሁነኛ ቦታ ነው። ይምጡ፤ ልጅዎን ይላኩ፤ ልጅዎ እጅጉን በብዙ አትርፎ ይመለሳል።
ምዝገባ እያካሄድን ነው። ክፈት / አስተያየት ይስጡ

2022-06-27 21:31:00 ክረምቱን የልጅዎ ስብዕና ላይ በመስራት የነገ ማንነቱን ይገንቡ፡፡
ለልጅዎ የሚያወርሱት ትልቁ ነገር መልካም ማንነት የገነባ ፣በራሱ የሚተማመን እና ራዕይ ያለው ሰው ማድረግ ነው በለን እናምናለን፡፡
ልጆቻችን ትልቅ ስጦታችን ናቸው፡፡ ለትልቅ ስጦታ ደግሞ እንክብካቤ ያሻዋል፡፡
በበጋው ወቅት በቀለም ትምህርት የተገነባው አዕምሯቸው በክረምቱ ደግሞ በመልካም ስብዕና እና በህይወት ክህሎት ስልጠናዎች ይገንቡ፡፡

ራስን ማወቅ
በራስ መተማመን የራዕይ መኖር
መልካም ልምድ መገንባት
የአቻ ተጽዕኖን መቋቋም
የንግግር ክህሎት
የመሪነት ክህሎት
ስነምግባር እና ሌሎችም

እነዚህን እና ሌሎችም ርዕሶችን ባካተተ መልኩ ፣ ታዋቂ ሰዎች የሚጋበዙበት እና አዝናኝ ትምህርታዊ ጉዞ የተካተተበት ልዩ የክረምት ስልጠና ልጅዎእኛ ጋር ቢያሳልፍ በውጤቱ ይረካሉ፡፡ ክፈት / አስተያየት ይስጡ