Belay Bekele Weya

2022-09-01 14:38:06 "ኦሮሞ አቃፊ ነው
አማራ አቃፊ ነው
ትግሬ አቃፊ ነው
ጉራጌ አቃፊ ነው
አፋር አቃፊ ነው
ደቡቡ አቃፊ ነው
ምስራቁ አቃፊ ነው
ሰሜኑ አቃፊ ነው
ምዕራቡ አቃፊ ነው"
።።።
ሁሉም ብሔረሰብ..
"አቃፊ ነኝ" ይላል ፣ ሲናገር ሳደምጠው
እና ማን ገፍቷት ነው?
ሀገር በጦርነት ፣ ምትበጠበጠው ?!
።።
በላይ በቀለ ወያ አቃፊ ነው።
#ጢስ አባይ ክፈት / አስተያየት ይስጡ

2022-08-30 14:35:41 የበዛ እንደሆነ
እንኳንስ ጦርነት ፣ ይመር የለም ወይ ማር?
ወይ ታሪክ አልሰራሁ
ወይ ደሞ ጠይቄ ፣ ከታሪክ አልማር
ለሚሞት አላዝንም ፣ ላለነው "ነፍስ ይማር!" ክፈት / አስተያየት ይስጡ

2022-08-26 08:56:44 ስትፈልጉ እናንተ
በዓመት ዓንድ ጊዜ ፣ ተመሰጋገኑ
ብትችሉ መስክሩ ፣ ብትፈልጉ ቅኑ
በላይ ምርጥ ሰው ነው ፣ የክፍለ ዘመኑ ክፈት / አስተያየት ይስጡ

2022-08-18 17:11:32 "ጥቁር ሰው" አይደለም
"ነጭ ሰው" አይደለም
ከዘር ከቀለም ጋር ፣ የለውም ጋብቻ
እምዬም አብዬም ፣ ምኒልክ "ሰው" ብቻ!! ክፈት / አስተያየት ይስጡ

2022-08-18 16:52:40 ምርጥ ሰዎች ሳይሆኑ፤ ትክክለኛ ሰዎች ያስፈልጓችኋል። — ጃክ ማ

ትክክለኛ ሰዎች ስንፈልግ ደግሞ እኛ ትክክለኛ ሰዎ መሆንን አንርሳ።
____________________
ለጓደኞችዎ እንዲደርስ #SHERE
#AmharicQuotes
JOIN US ON TELEGRAM
@mesach_ababaloch ክፈት / አስተያየት ይስጡ

2022-08-17 19:39:13 ከወለዱስ አይቀር
ይወልዳሉ ጀግና ፣ ሞቶም ሚያደርግ ድል
ህልም መሠል እውነት ፣ ሚፃፍለት ገድል
ቂም በቀልን ሳይሆን
በባርነት ዘመን ፣ ነፃነት የሚያድል
ህዝቡን አስተባብሮ
በአብሮነት አቅም ፣ ጠላት ሚያንበረክክ
ንቆ የመጣውን ፣ አሳፍሮ ሚልክ
እምዬም አብዬም ፣ አንዱ ሰው ምኒልክ!
።።።።።

።።።።
መልካም የውልደት መታሰቢያ ቀን ለአጤ ምኒሊክ ለእቴጌ ጣይቱ እና ለፊት አውራሪ ገበየሁ!!! ክፈት / አስተያየት ይስጡ

2022-08-12 10:32:20 አቦ ጉራጌ
(በላይ በቀለ ወያ)
.
.
ስንቱ ሲቀልድ ፣ በብሔሩ ስም
"ተቀለደብኝ" ፥ ብሎ አያለቅስም !
።።።
ስንቶች ሲያሾፉ ፣ ጠርተው ብሔሩን
"ተናኩኝ ብሎ " ፥ ሳይጠላ ሀገሩን
ካሾፉበት ጋር ፣ አብሮ ይስቃል
ሥራን አክብሮ ፣ ወሬን ይንቃል።
።።።
ስንቶች ሲወድቁ ፣ ስንቶች ሲነሱ
ስንቶች ሲሻሩ ፣ ስንቶች ሲነግሱ
ስንቶች እርስ በርስ ፣ሲጨራረሱ
ስንቶች በታሪክ ፣ ሲወቃቀሱ
"እንዲህ ሆኛለው "
ብሎ ማይለው ፣ ሰብኮ ጥላቻ
ሀገር ያክላል ፣ ክልሉ ብቻ !!!
አቦ ጉራጌ
።።።
ጓድ Misbah Kedir Umer እንኳ ደስ አለህ። ክፈት / አስተያየት ይስጡ

2022-08-11 10:04:26 ህግ እና መንግስት ባለበት ሀገር ላይ አንድ መርማሪ ፖሊስ ከህግ አግባብ ውጪ ያለ መጥሪያ ያለ ፍርድ ቤት ትዕዛዝ በግል ስልኩ እየደወለ ወደጣቢያ "ና" እያለ ቀን በቀን እየዛተና እያስፈራራኝ ነው !!! ይሄ ህጋዊ ህገ ወጥነት ፣ ዛቻ እና ማስፈራሪያ በየ ቦታው በየቀኑ በተለያየ ቦታ እየገጠመኝ እንኳ ከመፃፍና ሀሳቤን በነፃነት ከመግለፅ ተቆጥቤ "ሁሉም በጊዜው ያልፋል!" ብዬ ለማለፍ ብጥር እንኳ ስልጣን ህዝብን ማገልገያ እንጂ ማስፈራሪያ እንዳልሆነ ያልተገነዘቡ አንዳንድ ግለሰቦች ከህግ አግባብ ውጪ መዛቱንና ማስፈራራቱን ተያይዘውታል!!! እንግዲህ በዚህ በደል እና ጭቆና ውስጥ ሆኜ ... "መንግስት የለም ወይ? ህግ የለም ወይ? ኧረ በህግ አምላክ!" የሚል ርዕስ ያለው ግጥም ፅፌ ብለጥፍ .."ይህን ለምን ፃፍክ?" ብለው ይከሱኛል።ያለኝ አንድ ሀገር ነው!!! የት ሔጄ ልኑር? ክፈት / አስተያየት ይስጡ

2022-07-30 14:43:01 አሁን እኔ ብሞት ፣ ከኔ ምን ይቀራል?
ስኖር "ክፉ" ያለኝ
"ደግ ሰው ነበረ " ፣ እያለ ያወራል።
።።።
"እሱ ሰው አይደለም" ፣ ሰይጣን ነው መሠሪ"
ሲለኝ የከረመ ፣
"መልካም ሰው ነበረ ፣ መልአክ መሥሎ ኗሪ
ብሎ ቀብሬ ላይ ፣ እንባውን ይዘራል
መቼም በዚህ ሀገር
ሲኖር የተናቀ ፣ ሲሞት ይከበራል ።
* * * *
የሚጠላኝ ሁላ
ተወዳጅነቴን ፣ ቀብሬ ላይ ያወሳል
መቼም በዚህ ሀገር
ሲኖር የሚነቀፍ ፣ ሲሞት ይወደሳል
ሲኖር የተረሳ ፣ ሲሞት ይታወሳል!!!
።።።

@BelayBekeleWeya ክፈት / አስተያየት ይስጡ

2022-07-29 14:42:01 "ለበጎ ነው" ያልኩት ፣ ባይሆንም ለበጎ
በሞላበት ሀገር
ፉንጋና ምቀኛ ፣ ፍረጃና ኢጎ
ለምን እኔን ብቻ ፣ ፈጠረኝ ቆንጆ አርጎ?!
እዝጎ
።።።
ልዑል እግዚአብሔር ምስክሬ ነው ፖለቲካ አይደለም !

@BelayBekeleweya ክፈት / አስተያየት ይስጡ