مو أنه المشي فاطمه تمشيني ** شما ضعــف حيلي ترجع تقـويني | خادم العتره الطاهره عبد الجليل المالكي

مو أنه المشي فاطمه تمشيني ** شما ضعــف حيلي ترجع تقـويني
رحمه العلي مخليها ** ألف أنعم الله عليها
----------------------------------------
1= جـن مثـل ضلي بالـدرب تــبرالي ** أكثر أمن أمي تحبني تحرس حالي
زينب غـــريبه بالمـشي تقرالي ** تكلي أنه أحـــــــبك يالتحب الغالي
--------------------------------------------------------------------
أبرد وأحـــسن فاطمه تغــــطيني ** بيا بيــت أبات تكضني ودلــيني
متفضله حيل أدريها ** ألف أنعم الله عليها
**********
2= أتهفـــيلي فـــاطم بالمشي بالرايه ** أقــــره قــــصيده وهـــيه تقره ويايه
أمن الجنه تـنزل تحسب المشايه ** وتحضر مجالس ما تفــــــوت قرايه
-----------------------------------------------------------------------
كــواكــــــــم الله زينب أتانيكم ** هاي أنه أمها البل مشي تباريكم
درب السبي مأذيها ** ألف أنعم الله عليها
********
3= أحساب المواكب فـــاطمه تحسبها ** كلمـــــن مكــــانه كــــل سنه ترتبها
تـــنطيه هديه الخــادم اليعجبها ** أبشر تـــــــراك الجنه قبلي أطبها
---------------------------------------------------------------------
أتمسك جهـــــنم والله ما خليها ** دمعت عيونك كلبي ما ناسيها
دلالي ما ناســــيها ** ألف أنعم الله عليها


4= أم البنـــين أمكـــلفــــتها الزهـــره ** زاد الحســــــين أتجهــزه وتحضره
أمن البصره أريد الكربلاء السفره ** الــــــيزود منهم هذا حصت الفقره
------------------------------------------------------------------------
وفايه ولــــــدي مانسو وفايه ** مسئوله أنـــــــتي بدولة المشايه
جنة عــدن سويها ** ألف أنعم الله عليها
**********
5= كـــواكم الله عالتعـــب يولادي ** مـــن نوصل الباب الذبــــــيح تنادي
دمعة عــــــزاكم ماي بخ أفادي ** ألكم سلام أمن الرسول الهادي
----------------------------------------------------------------------
أيسلم علـــيكم والدي وصاني ** أمسح دمـــــوع التعزيه برداني
زينب سوه نواسيها ** ألف أنعم الله عليها
*******
خادم العتره عبد الجليل المالكي