هـنــيالك يــزايـر ** خطــواتــك عــباده | خادم العتره الطاهره عبد الجليل المالكي

هـنــيالك يــزايـر ** خطــواتــك عــباده
تــــناديك المناير ** أبشر بالســــــعاده
----------------------------------------
1= يــمـــشاي - يـــوفاي - بــــارك الله بـــــعــــمرك
علي وياك - ميـنساك - أمـــــــــشي ثابت أجرك
هلا بــيك - تـــناديك - زينب تـــــشــــد صـبرك
تحيــــيك - تغلــــيك - الله رافـــــــــــــــع قدرك
-----------------------------------------------
ياأهـــلا وسهلا ** مشكوره جهودك
يابو الرايه مهلا ** تسعدني بوجودك
*********
2= روايات - بشـــارات - أتوضح أجمل صوره
يمأجـور - والـيـــزور - حجــــــه أله مبروره
يالتـنوح - بعــد نوح - عــــــــــبرتك مأجوره
والذنوب - تره تذوب - وأنته جاي تــــزوره
---------------------------------------------
زينب بنتضارك ** لا تـــبخل عليها
خليها شـــعارك ** أذاها بجـــــيها


3= تره أملاك - تجي وياك - بالطريــــق أتعــــينك
يالطمــون - يــحرسون - أبيسرتــــــك وأيمينك
يسجلــون - يكتـــــبون - خـطـــــــوتك الحسينك
يخدمــون - يحســـبون - أشكد دمـــــوع بعينك
------------------------------------------------
تسبيحـك صلاتك ** مقـــبوله وأجرها
مضمون وحياتك ** هالرحمه شكبرها
************
4= معـــازيب - تراتــــــيب - ماكــــو حـــــته أبــيـــتك
يضيفـــوك - يخدمــــوك - الله رافــــــــــــع صيتك
يشــيلـوك - عله الراس - هلــه والله بجيــــــــــتك
شنو تريد - ينفـــــذون - أتـــــــــوكل أعـكد نيتك
--------------------------------------------------
شرفنه نخدمك -- خطار وتشرف
ياهيل ونشمك -- بحسين نتعرف





5= وله تحــــير -- سكرتــير -- أبمكتب أبن الزهره
والأســــماء -- أبسجـلات -- بيها زينب تقـــــره
يــنـــضروك -- يعرفــوك -- زاير أشجــــــم مره
أمن الأنصار -- يحسبوك -- ألك حجه وعـــــمره
--------------------------------------------------
مقبوله الزياره ** والحـــــج وطــوافك
مابيها خساره ** مهدي الزهره شافك
*********
الخادم عبد الجليل المالكي