ትናንትን በነገ
ትዳር የትናንት ፣ የዛሬ እና የነገ ድምር ውጤት ነው፡፡ ትናንተ የትዳር ህይወታችሁን ለማሻሻል ብዙ ነገር ሞክራችሁ ይሆናል፡፡ ዛሬ ላይ ቆማችሁ ስታስቡ የትዳራችሁ ነገ ጠፍቶባችሁ ወይም ደብዝዞባችሁ ሊሆን ይችላል፡፡ ነገር ግን አንድ እውነት አለ፡፡ ትናንትናም አልፏል ግን ብዙ ልትማሩበት ትችላላችሁ ፤ ዛሬ በእጃችሁ ነው ማለትም የትናንትን ስህተታችሁን አሻሽላችሁ ነገን መለወጥ ትችላላችሁ፡፡
ምናልባት ትናንት ስለጋብቻ መማር ወይም የተማራችሁትን ደጋግሞ መከለስ አላስፈላጊ ድግግሞሽ መስሏችሁ ከነበር ዛሬ ለመጀመር ትክክለኛው ጊዜ ነው፡፡ የትናንት ስህተታችሁን በእርግጠኝነት ለመረዳት እውቀት ያስፈልጋል፡፡ እንዲህ አይነት እውቀቶች ከመጽሐፍት ፣ ከጋብቻ አስተማሪዎች ወዘተ ማግኘት ይቻላል፡፡ ዋናው ጉዳይ በአስፈላጊነቱ ላይ መተማመን ነው፡፡ ከልብ ካለቀሱ እንባ አይገድምና!
