South Radio And Television Agency

2022-04-24 12:11:41 ጠቅላይ ሚኒስትር ዐቢይ አህመድ ለ230 አቅመ ደካሞች የምሳ ግብዣ አደረጉ

የኢፌዲሪ ጠቅላይ ሚኒስትር ዶክተር ዐቢይ አሕመድ ለጎዳና ተዳዳሪዎች፣ ጧሪ ለሌላቸው አቅመ ደካማ አዛውንቶችና ቤተሰብ ለሌላቸው ህጻናት የትንሳኤ በዓልን ምክንያት በማድረግ የምሳ ግብዣ አድርገዋል፡፡

በምሳ ግብዣው የተሰተፉ 230 ዜጎች መሆናቸው ታውቋል።

እነዚሁ የህብረተሰብ ክፍሎች በትንሳኤ በዓል ምክንያት ተጠርተው የምሳ ግብዥ የተደረጋላቸው መሆኑን ያልጠበቁት መሆኑን በመግለጸ ጠቅላይ ሚኒስትሩን አመስግነዋል፡፡ ዘገባው የኢፕድ ነው ። ክፈት / አስተያየት ይስጡ

2022-04-24 11:53:57 የሴቶችና ማህበራዊ ጉዳይ ሚኒስቴር ከፌደራል ጉምሩክ ኮሚሽንና ብልጽግና ፓርቲ ማዕከላዊ ኮሚቴ አባላት ያሰባሰበውን ከ8 ሚሊዮን ብር በላይ የሚገመት የዓይነትና የገንዘብ ድጋፍ አስረከበ

ሚኒስቴሩ የትንሳዔ በዓልንና የረመዳን ጾምን ምክንያት በማድረግ በተለያዩ ምግባረ ሰናይ ማዕከላት ተጠልለው ለሚገኙ አረጋውያን፤ አቅመ ደካሞች፤ አካል ጉዳተኞች እና የአእምሮ ሕሙማን ነው ድጋፉን ያደረገው።

በድጋፍ መርሃ-ግብሩ ላይ የተገኙት የሴቶችና ማህበራዊ ጉዳይ ሚኒስትር ዶ/ር ኤርጎጌ ተስፋዬ የሀገር ባለውለታ የሆኑ አረጋውያን፤ ጧሪና ጠያቂ ያጡ፤ የአእምሮ ሕሙማንና አካል ጉዳተኞችን በአጠቃላይ በተለያየ ችግር ውስጥ ያሉ ወገኖችን መደገፍና የሚፈልጉትን ጤናማ ሕይወት እንዲኖሩ ማስቻል የሁላችንም ግዴታ ነው ብለዋል።

ጉብኝቱ የሴቶችና ማህበራዊ ጉዳይ ሚኒስትር ዶ/ር ኤርጎጌ ተስፋዬና ሚኒስትር ዴኤታዎች እንዲሁም የኢፌዴሪ ጉምሩክ ኮሚሽን ኮሚሽነር ደበሌ ቃበታና ሌሎች የስራ ኃላፊዎች ጋር በመቀናጀት የተከናወነ መሆኑን ከሚኒስቴሩ ያገኘነው መረጃ ያመለክታል። ዘገባው የኢዜአ ነው ። ክፈት / አስተያየት ይስጡ

2022-04-24 10:31:00 በአቶ አህመድ ሺዴ የተመራ ልዑክ ከቢልና ሜሊንዳ ጌትስ ፋውንዴሽን መስራች ጋር ተወያየ

በገንዘብ ሚኒስትር አቶ አህመድ ሺዴ የተመራ የኢትዮጵያ ልዑካን ቡድን ከቢል እና ሜሊንዳ ጌትስ ፋውንዴሽን መስራችና ሊቀመንበር ሜሌንዳ ጌትስ ጋር ውይይት አድርጓል።

ውይይቱ ፋውንዴሽኑ በጤና፣ ግብርናና ዲጂታል ዘርፎች ለኢትዮጵያ እያደረገ ባለው ድጋፍ ላይ ያተኮረ መሆኑ ተገልጿል።

የልዑካን ቡድኑ ውይይቱን ያደረገው በዋሺንግተን ዲሲ እየተካሄደ ከሚገኘው የዓለም ባንክና የዓለም አቀፉ የገንዘብ ድርጅት (አይኤምኤፍ) ስብስባ ጎን ለጎን መሆኑን ከገንዘብ ሚኒስቴር ያገኘነው መረጃ ያመለክታል። ክፈት / አስተያየት ይስጡ

2022-04-23 15:49:14 የኢትዮጵያ ፌዴራል ፖሊስ ማኔጅመንት አባላት በህክምና ላይ የሚገኙ የፖሊስ አባላትን ጎበኙ

ሀዋሳ፡ ሚያዝያ 15/2014 ዓ.ም (ደሬቴድ)የኢትዮጵያ ፌዴራል ፖሊስ ኮሚሽነር ጀነራል ደመላሽ ገ/ሚካኤልን ጨምሮ ሌሎች የተቋሙ ማኔጅመንት አባላት እንዲሁም የሆስፒታሉ ከፍተኛ አመራሮችና የጤና ባለሙያዎች በተለያዩ ግዳጅ ላይ ጉዳት ደርሶባቸው በፖሊስ ሆስፒታል በህክምና ላይ የሚገኙ የፖሊስ አባላትን ጎበኙ።

ከሸኔና ከህወሃት አሸባሪ ቡድኖች ጋር በተለያዩ ግንባሮች በጀግንነት ሲፋለሙ የአካል ጉዳት ደርሶባቸው በሆስፒታሉ በህክምና ላይ የሚገኙት የኢትዮጵያ ፌዴራል ፖሊስ አባላት፣ የአፋር ፖሊስ ልዩ ኃይል አባላት፣ የአማራ ክልል ልዩ ኃይል አባላት፣ የቤኒሻንጉል ጉሙዝ ክልል ፖሊስ፣ የኦሮሚያ ክልል መደበኛ ፖሊስና ልዩ ኃይል አባላት እንዲሁም የሌሎች የክልሎች የፖሊስ አባላት ይገኙበታል።

የማኔጅመንት አባላቱ ጉዳት የደረሰባቸውን የፖሊስ አባላት በሚታከሙባቸው ክፍሎች እየተዘዋወሩ ጎብኝተው በማፅናናትና በማበረታታት ለሀገር ሰላምና ደህንነት መከበር ሲሉ ለከፈሉት መስዋዕትነት አመስግነው፤ የፋስካን በዓል አስመልክቶ ያዘጋጁትን የገንዘብ ስጦታ በተቋሙ ስም ጉዳት ለደረሰባችው ለሁሉም የፖሊስ አባላት አበርክተዋል።

ከታካሚዎች መካከል ያነጋገርናቸው በተደረገው ጉብኝትና ስጦታ መደሰታቸውን ገልፀው የደረሰባቸው የአካል ጉዳት የሀገራችንን ሰላምና የሕዝባችንን ደህንነት ለመጠበቅ ስለሆነ የከፈሉት መስዋዕትነት እንደሚያኮራቸው ተናግረዋል።

ለዝርዝሩ ሊንኩን ይጫኑ https://www.facebook.com/southradioandtelevisionagency/photos/pcb.1477445409381387/1477444929381435/ ክፈት / አስተያየት ይስጡ

2022-04-23 15:34:54 "እንኳን ለብርሃነ ትንሣኤው በሰላም አደረሳችሁ!" - ጠቅላይ ሚኒስትር ዐቢይ አህመድ

ሀዋሳ፡ ሚያዝያ 15/2014 ዓ.ም (ደሬቴድ)ጠቅላይ ሚኒስትር ዐቢይ አህመድ ለትንሣኤ በዓል የእንኳን አደረሳችሁ መልእክት አስተላለፉ።

የጠቅላይ ሚኒስትሩ የእንኳን አደረሳችሁ ሙሉ መልዕክት እንደሚከተለው ቀርቧል፡-

የጌታችን የኢየሱስ ክርስቶስን ትንሣኤ ስናስብ ቀድሞ ወደ አዕምሯችን የሚመጣው ክህደት፣ ሤራና ፍርደ ገምድልነት ለጊዜው ያሸነፉ ቢመስሉም በመጨረሻ እንደሚሸነፉ ነው። ትንሣኤው ተበስሮ እውነትና ደግነት ድል አድርገው እስኪታዩ ድረስ፣ ክፋትና ውሸት እንደ ቋጥኝ ገዝፈው ታይተዋል፣ እንደ ተራራ የማይነቀነቁ ሆነው ቆይተዋል።

የኢየሱስ ክርስቶስ ትንሣኤ የአራት ወገኖችን ሤራ ያፈረሰ ነው። በቃሉ ትምህርት በእጁ ተአምራት ያልተደሰቱ፤ የአዳምን ጥፋት እንጂ የአዳምን ድኅነት የማይፈልጉ፤ በእነርሱ መንገድ ካልሆነ በቀር ምንም ነገር ለመቀበል ፈቃደኞች ያልሆኑ አራት ወገኖች የሠሩት ወጥመድ በትንሣኤው ተወግዷል። የሤራው ጠንሳሽ ጥንተ ጠላት ዲያብሎስ ነው። እርሱ የሰው ልጆች የጥንት ጠላታቸው ነው። ምንም ቢሆን በሰው ልጆች ላይ ያለውን አቋም አይቀይርም። የሰው ልጆች እርሱ በሚፈልገው የክፋትና የስሕተት መንገድ ቢሄዱለት እንኳን፣ ለሰው ልጅ ጠላት መሆኑን አይቀይረውም። ዓላማው የሰውን ልጅ ማጥፋት እንጂ ከሰው ልጅ ጋር ወዳጅነት መፍጠር አይደለምና።

ለዝርዝሩ ሊንኩን ይጫኑ https://www.facebook.com/southradioandtelevisionagency/photos/pcb.1477436929382235/1477436459382282 ክፈት / አስተያየት ይስጡ

2022-04-23 15:10:51 ፊቼ ጫምባላላ የአለም ቅርስ በመሆኑ ሁሉም ሊጠብቀውና በደስታ በደማቅ ሁኔታ ሊያከብረው ይገባል

ፊቼ ጫምባላላ የአለም ቅርስ በመሆኑ ሁሉም ሊጠብቀውና በደስታ በደማቅ ሁኔታ ሊያከብረው እንደሚገባ ተገለፀ።

የሲዳማ ብሔራዊ ክልላዊ መንግሥት ርዕሰ መስተዳድር አቶ ደስታ ሌዳሞ የሲዳማ ዘመን መለወጫ የፊቼ ጫምባላላ በዓልን በደማቅ ሁኔታ ለማክበር እንዲያስችል ለበዓሉ አከባበር ለቅድመና ድህረ ዝግጅት ሥራ የተዋቀረው አብይ ኮሚቴ ሥራን ገመገሙ።

የሲዳማ ብሔር የዘመን መለወጫ የሆነው ፊቼ ጫምባላላ የአለም ቅርስ ሆኖ የተመዘገበ ሲሆን በደማቅ ሁኔታ በአደባባይ በታላቁ ጉዱማሌ የሚከበር በዓል ነው፤ አባቶችም ከጥንት ጀምረው የዘመን መለወጫውን አድስ ዓመት በማክበር ለትውልድ ሲያስተላልፉ የኖረ ሲወርድ ሲወራረድ የመጣ በዓል ነው።

ይሁን እንጂ ላለፉት ለ2 ዓመታት በኮሮና ቫይረስ ምክንያት ህዝቡ በየቤቱ ያከበረ ቢሆንም በአደባባይ ሳይከበር አልፏል።

በዘንድሮው ዓመት ግን የፊቼ ጫምባላላ በዓልን በአደባባይ በታላቁ ጉዱማሌ በደማቅ ሁኔታ በሚያዚያ 20 እና 21 ለማክበር የተለያዩ ኮሚቴዎች ተዋቅረው የቅድመ ዝግጅት ሥራ ተጠናቅቋል።

የፊቼ ጫምባላላ በዓል ያለ ምንም ፀጥታ ችግርና በደማቅ ሁኔታ ለማክበር የክልሉ ርዕሰ መስተዳድር አቶ ደስታ ሌዳሞ የአብይ ኮሚቴ የደረሰበትን የቅድመ ዝግጅት ሥራ አፈፃፀም ግምገማ አካሂደዋል።

ለዝርዝሩ ሊንኩን ይጫኑ https://www.facebook.com/southradioandtelevisionagency/photos/pcb.1477425949383333/1477425466050048/ ክፈት / አስተያየት ይስጡ

2022-04-23 14:44:10 " ከጀግኖች የማዕከላዊ ዕዝ ብሔራዊ ኃይላችን አባላት ጋር ጊዜ በማሳለፌ ክብር ይሰማኛል። ብዙዎች ሀገራችንን ለማገልገል እና ታላቋን ኢትዮጵያ እውን ለማድረግ ሲሉ መሥዋዕትነት ከፍለዋል።" - ጠቅላይ ሚኒስትርና የጦር ኃይሎች ጠ/አዛዥ ዶ/ር ዐቢይ አህመድ

ሀዋሳ፡ ሚያዝያ 15/2014 ዓ.ም (ደሬቴድ)ከጀግኖች የማዕከላዊ ዕዝ ብሔራዊ ኃይላችን አባላት ጋር ጊዜ በማሳለፌ ክብር ይሰማኛል። ብዙዎች ሀገራችንን ለማገልገል እና ታላቋን ኢትዮጵያ እውን ለማድረግ ሲሉ መሥዋዕትነት ከፍለዋል።

መሥዋዕትነት፣ ትጋት፣ ዕውቀት፣ ርኅራኄ እና አንድነት ሀገራችንን ልትደርስበት ወደሚገባት ከፍታ ያሻግሯታል።

ምንጭ ፡ መከላከያ ሠራዊት ክፈት / አስተያየት ይስጡ

2022-04-23 14:41:56 የ2014 ዓ.ም የትንሣኤን በዓል ምክንያት በማድረግ በዝቅተኛ የኑሮ ደረጃ ለሚገኙ አቅመ ደካሞች፣ አካል ጉዳተኞችና አረጋውያን ማዕድ የማጋራት መረሃግብር ተከናወነ

ሀዋሳ፡ ሚያዝያ 15/2014 ዓ.ም (ደሬቴድ) የ2014 ዓ.ም የትንሣኤን በዓል ምክንያት በማድረግ በጌዴኦ ዞን የኮቾሬ ወረዳ አስተዳደር በዝቅተኛ የኑሮ ደረጃ ለሚገኙ አቅመ ደካሞች፣ አካል ጉዳተኞችና አረጋውያን ማዕድ የማጋራት መረሃግብር አከናወነ።

በመረሃ ግብሩ ላይ የተገኙት የወረዳው አስተዳዳሪ አቶ ብርሃኑ ማሩ የዓይነትና የገንዘብ ድጋፍ ላደረጉና ላስተባበሩ አካላት ምስጋና አቅርበዉ በበዓሉ የተለመደው ድጋፍ በሌላ ወቅትም ተጠናክሮ መቀጠል እንዳለበት ተናግረዋል።

በዓሉ የመደጋገፍና የአብሮነት በመሆኑ የወረዳው ነዋሪዎች በዓሉን ሲያከብሩ ካላቸው በማካፈል እና የሌላቸውን በማገዝ መሆን እንዳለበትም አስተዳዳሪው መልዕክታቸውን አስተላልፈዋል፡፡

ለተቸገሩ ወገኖች ማዕድ ለማጋራት የወረዳው አስተዳደር ከማህበራዊና ሠራተኛ ጉዳይ ጽ/ቤት ጋር በመተባበር የ2014 ዓ.ም የትንሳኤን በዓል ምክንያት በማድረግ በወረዳው በአስር ቀበሌያት በዝቅተኛ ኑሮ ደረጃ ለሚገኙ ኅብረተሰብ ክፍሎች ማዕድ ለማጋራት ሥራ 30 ሺህ ብር ወጪ መደረጉን የወረዳው ሠራተኛና ማህበራዊ ጉዳይ ጽ/ቤት ኃላፊ ወ/ሮ ዝናሽ ደሣለኝ ተናግረዋል።

ከአከባቢዉ ከሚገኙ ባለሀብቶችና መንግስት ሠራተኞች የገንዘብና የዓይነት ድጋፍ መገኘቱን ኃላፊዋ ወ/ሮ ዝናሽ ደሣለኝ ገልፀዋል።

ለዝርዝሩ ሊንኩን ይጫኑ https://www.facebook.com/southradioandtelevisionagency/photos/pcb.1477412616051333/1477412079384720/ ክፈት / አስተያየት ይስጡ

2022-04-23 14:34:56 አስተዳደሩ የትንሳኤ በዓል ምክንያት በማድረግ ለ300 አቅመ ደካሞች ድጋፍ አደረገ

ሀዋሳ፡ ሚያዝያ 15/2014 ዓ.ም (ደሬቴድ) በጌዴኦ ዞን የዲላ ዙሪያ ወረዳ አስተዳደር የጌታችን የትንሣኤ በዓልን በማስመልከት ድጋፍ ለሚሹ ለተለያዩ ህብረተሰብ ክፍሎች የምግብ ቁሣቁሶችንና የአልባሳት ድጋፍ ማድረጉን አስታወቀ፡፡

ወ/ሮ ምስጋና በቀለ የዲላ ዙሪያ ወረዳ ሴቶችና ህፃናት ጉዳዮች ጽ/ቤ ኃላፊ ከ500 በላይ ለሚሆኑ ለተለያዩ ህብረተሰብ ክፍሎች ድጋፍ ለማድረግ ታቅዶ ከ300 በላይ አቅመ ደካማ የሆኑ የህብረተሰብ ክፍሎች ድጋፍ ማድረግ መቻን ተናግረዋል፡፡

የወረዳው ዋና አስተዳዳሪ አቶ ተገኘ ታደሰ እንደገለጹት በዓሉ ጌታችን ኢየሱስ ክርስቶስ ራሱን ዝቅ በማድረግ ለሰው ልጆች የፍቅር ልክ የገለጠበት በመሆኑ ሁሉም የህበረተሰብ ክፍሎች አቅመ ደካሞችን በመደገፍ የትንሳኤ በዓል ማሣለፍ እንደሚገባ አሳስበዋል።

አክለውም ከ200 ሺህ ብር ወጪ በማድረግ ለ300 ድጋፍ ለሚሹ ህብረተሰብ ክፍሎች የበዓል መዋያ የዳቦ ዱቄት፣ ዘይት፣ የሳሙናና የአልባሳት ድጋፍ ማበርከቱን ገልጸዋል፡፡

መላው ህብረተሰብ በዓሉን ሲያከብሩ የተቸገሩ ወገኖችን በመርዳትና በመጠየቅ ይገባል ያሉት አስተዳዳሪው የእንኳን አደረሳችሁ መልዕክትም አስተላልፈዋል፡፡

ድጋፍ የተደረገላቸው የህበረተሰብ ክፍሎችም በድጋፉ መደሰታቸውን ገልጸዋል።

ዘጋቢ ፡ እምነት ሽፈራው - ከፍስሀገነት ጣቢያችን ክፈት / አስተያየት ይስጡ

2022-04-23 14:06:19 የፋሲካን በዓል ምክንያት በማድረግ ለተቸገሩ ወገኖች ለበዓል የሚያስፈልግ ድጋፍ ተደረገ

ሀዋሳ፡ ሚያዝያ 15/2014 ዓ.ም (ደሬቴድ) በኢትዮጵያ ቃለ ሕይወት ቤተክርስቲያን የሆሳዕና ቃለ ሕይወት ቤተከርስቲያን የፋሲካን በዓል ምክንያት በማድረግ ለተቸገሩ ወገኖች ለበዓል የሚያስፈልጉ ድጋፎችን አደረገች።

የሆሳዕና ቃለ ህይወት ቤተ ክርስቲያን መሪ አቶ ዮናስ ዱባለ በበዓሉ ስጦታ ወቅት እንደተናገሩት እምነቱ እንደሚያዘው የተቸገሩትን መርዳት የአምልኳችን አንዱ ክፍል በመሆኑ በተለይ በበዓላት ወቅት ቤተክርስቲያኗ ልዩ ድጋፍ ታደርጋለች ብለዋል ።

በጎነትንና ቸርነትን ማድረግ በበዓላት ወቅት ብቻ ሳይሆን የሁልጊዜ ተግባር መሆን አለበት ያሉት አቶ ዮናስ ቤተ ክርሰቲያኗ በተለያዩ የኑሮ ችግር ላይ ያሉትን ወገኖች በፍቅርና ርህራሄ አገልግሎት ዘርፍ ድጋፎችን በቋሚነት ታደርጋለች።

የደሃ ደሃ የሆኑና ተንቀሳቅሰው ሊሰሩ የሚይችሉ ሰዎችን በመለየት በራስ ማስቻል ኘሮግራም ስልጠና በመስጠት ና የገንዘብ ድጋፍም በማድረግ ተጠቃሚ እንዲሆኑ ቤተ ክርስቲያኗ እየሰራች ትገኛለች ብለዋል።

ለ2014 የፋሲካ በዓል ከ3 መቶ ሺህ ብር በላይ ወጪ በማድረግ የእህል ዱቄትና የቅርጫ ስጋ ድጋፍ መደረጉንም በመግለፅ።

በሆሳዕና ቃለ ህይወት ቤተ ክርስቲያን ፍቅርና ርሆራሄ አገልግሎት ዘርፍ አስተባባሪ አቶ ተፈራ ኤርገኖ በበኩላቸው የዘንድሮውን የፋሲካ በዓል ምክንያት በማድረግ ለ250 አረጋዊያን ፣አካል ጉዳተኞች ና በተለያዬ ችግር ላይ ላሉ ወገኖች የ25 ክ.ግ የእህል ዱቄትና የቅርጫ ስጋ ድጋፍ መደረግ መቻሉን ገልጸዋል።

ለዝርዝሩ ሊንኩን ይጫኑ https://www.facebook.com/southradioandtelevisionagency/photos/pcb.1477396089386319/1477395152719746/ ክፈት / አስተያየት ይስጡ