ለቶማስ ዘጎጃም ጳጳስ ወማእምር
ለሮዳስ ፈላስፋው ለመንበር ዘጎንደር
በጽርሐአርያም ቅኔው እንዲህ ነበር
1. ታቦተ ሥላሴ ይእቲ ጽርሐ አርያም ጎንደር፣
ወዳግመ መሠረታቲሃ ቅዱሳን አድባር።
2. እግዚአ ሊቃውንት ቶማስ መልዕልተ ኩሉ ዘዐብየ፣
መንበሮ ልዑለ ጽርሐ አርያም ረሠየ።
3. እምኩሉ ትሤኒ ወትኤድም መጋቤሐዲስ ሠናይ፣
አምጣነ ኮከብ ዐይንክ እንዘ ገጽከ ፀሐይ።
4. ኢያፈቅር መነ ለእመ መነ ነጸረ፣
ሮዳስ ሮዳስ እስመ ፀሐየ አፍቀረ
5. ብዙኃን ይቤሉ ወለተ ኢያሱ ፀሐይ
ዐተወት ውስተ ልቡናሁ ለሮዳስ ሰማይ።
ዘአምላኪየ
ለገብርኤል ቶማስ በዘአንጎድጎደ ቃሎ፤
ይኩነኒ ከመትቤለኒ ይኩነኒ ትብሎ፣
ጽርሐ አርያም ድንግል ድንግለ ዘካርያስ ሴሎ።
ሚበዝኁ
ሕዝበ ምድረ አዜብ መጽኡ
ኀቤሃ ለቤቴል ጽርሐ አርያም ተጋቢዖሙ፣
ገብረማርያም ኮከብ እንዘ እምርኁቅ ይመርሆሙ፣
ዘረደሽት ሮዳስ በቃለ ትርጓሜ ሰሌዳ አምጣነ ከሠተ ሎሙ።
ዋዜማ
አብርሀም ደብረ ሶሪያ
ከመ በሃይማኖት አፍለሰ እመበሶሪያ ተነግረ ፣
ተነግረ በኢትዮጵያ ወኮነ መንክረ፣
ገብረማርያም አርታኢ ዘኢትዮጵያ ሀገረ፣
ከመበቃሉ ዐቀመ ላዕለደብር ደብረ፣
ወበቃሉ ገዳመ ፈጠረ።
መወድስ
ቃለ ወንጌለ ወልድ ይስብክ በኢትዮጵያ
ድኅረ እመንበሩ ተንሥአ ወተደለወ ቅድምና፣
ተፋጠነ ቶማስ ብእሴ ልእልና፣
ከመ ይመሀር በምድረ ሕንደኬ ለጎንደር መካና፣
ወከመ ትኩኖ በንጽሕና፣
ሕንደኬ ጎንደር መንበረ መንበር ዘጵጵስና።
ለዓለምሂ ወለዓለም
ተራከቡሂ በጎንደር ፍና ቴዎድሮስ ፍና፣
ሮዳስ በፀሐይ ወቶማስ በደመና
እስመ ትትኤዘዞ ለሮዳስ ለፀሐየ ዓለም ብርሀና
ወይትኤዘዝ በቶማስ ደመና ኤልያስ ቅድስና
