2021-07-03 10:56:55
የትርፍ አንጀት ህመም (Appendicitis)
ትርፍ አንጀት በቀኝ የታችኛዉ የሆድ አካባቢ ከትልቁ አንጀት ላይ ተንጠልጥሎ የሚገኝ ከረጢት መሰል የአንጀት ክፍል ነዉ፡፡የትርፍ አንጀት ህመም (Appendicitis) አጣዳፊ ከሚባሉት የህመም አይነቶች የሚመደብ ሲሆን የሚከሰተዉ የአንጀት ቱቦ ሲዘጋ በዉስጡ ባክቴሪያዎች ሲጠራቀሙ እና የአንጀት መቆጣት፣ እብጠት፣ መግል መያዝ ሲያመጣ ነዉ፡፡
የትርፍ አንጀት ህመም መንስኤዎች
ረዘም ላለ ጊዜ የቆየ ድርቀት
የአንጀት ትላትል
አንጀት ላይ አደጋ ከደረሰ
የአንጀት እጢ
የትርፍ አንጀት ህመም ምልክቶች
በቀኝ የሆድ ክፍል ድንገተኛ ህመም
እንብርት አካባቢ ጀምሮ ወደ ወደ ቀኝ የሆድ ክፍል የሚዘዋወር ህመም
የምግብ ፍላጎት አለመኖር
ማቅለሽለሽ እና ማስመለስ
የሆድ መነፋት
ትኩሳት
የትርፍ አንጀት ህመም ህክምና
ሊፈጠር የሚችል ኢንፌክሽን ለማከም ጸረ ባክቴሪያ መድሐኒቶች መዉሰድ
የተቆጣዉን ወይም ያበጠዉን የአንጀት ክፍል በቀዶ ህክምና ተቆርጦ እንዲወጣ ይደረጋል
ከትርፍ አንጀት ቀዶ ህክምና በኋላ ሊደረጉ የሚገቡ ጥንቃቄዎች
ፈሳሽ በደንብ መዉሰድ
ለመፈጨት ቀለል ያሉ ምግቦችን መመገብ
በቂ እረፍት ማድረግ/እንቅስቃሴዎችን ቀስ በቀስ መጀመር
ቢያንስ እስከ ሁለት ሳምንት ከበድ ያሉ እንቅስቃሴዎችን ከማድረግ መቆጠብ
በሚያስሉበት ጊዜ ሆድን ደገፍ ማድረግ
የህመም ማስታገሻ መድሐኒቶች መዉሰድ
የትርፍ አንጀት ህመም በወቅቱ ካልታከመ መግል በመያዝ ሊፈነዳ ይችላል፡፡ይህንን ተከትሎ ኢንፌክሽን ወደ ሌሎች የሆድ ክፍሎች በመሰራጨት እስከሞት ሊያደርስ የሚችል የከፋ ጉዳት ያስከትላል፡፡
ማነኛውም ህክምናና ክትትል አገልግሎት ከፈለጉ ይደውሉልን። ባሉበት መጥተን አገልግሎት እንሰጣለን።
https://t.me/rhomecare
16.6K viewsedited 07:56