ሰላም ዶ/ር ልጄ Geographic Tongue በሚባል የምላስ ችግር ወይም ጂኦግራፊያዊ የምላስ ቁስለት እተሰቃየች ነው። ስለሚያቃጥላት መብላት አትችልም። መፍትሔ ካለው ምን በደርግ ይሻላል? (የወላጅ ጥያቄ) ጥያቄ -1: ጂኦግራፊያዊ የምላስ ቁስለት ምንድን ነው? ጂኦግራፊያዊ የምላስ ቁስለት በምላስ አናት እና ጎኖዎች ላይ ካርታ በሚመስሉ ንጣፍ በሚመስሉ ቁስሎች ስሙን ያገኘ በሽታ ነው። በሌሎች የአፍዎ አካባቢም ሊኖር ይችላል። በሕክምና ቃል benign migratory glossitis በመባል ይጠራል። በቀናት፣ በሳምንታት ወይም በወራት ውስጥ በፍጥነት ሊጠፉ ወይም ሊቀያየሩ ይችላሉ። እስከ አንድ አመት ድረስ ሊኖሩ ይችላሉ ምንም አይነት ጉዳት የለውም። ከበሽታ ወይም ከካንሰር ጋር የተገናኘ አይደለም ወይም ተላላፊ አይደለም ስለዚህ ወደ ሌላ ሰው ማስተላለፍ አይችልም። ጥያቄ -2: ምልክቶቹ ምን ምን ናቸው? ያልተስተካከሉ ቀይ ነጠብጣቦች ሲሆኑ ብዙውን ጊዜ በምላስ ላይኛው ክፍል ይገኛሉ። ነገር ግን በድድ ላይ፣ በጉንጭ ላይ፣ በአፍ ጣሪያ ላይ ወይም በምላስ ስር ሊሆኑ ይችላሉ። እነዚህ ንጣፎች የሚከተሉትን ሊሆኑ ይችላሉ ዳር ዳሩ ነጭ ወይም ነጣ ያሉ መስመሮች ይኖሩታል እነዚህም በመጠን, በቅርፅ እና በቀለም ይለያያሉ በአንድ አካባቢ ይጀምሩ እና ከዚያ ወደ ሌላ ይሄዳሉ ብዙውን ጊዜ ምላስን የሚሸፍኑ ትናንሽ እብጠቶች (ፓፒላዎች) አይኖሩም። ጥያቄ- 3: እንዴት ማወቅ ይቻላል? በአፍ ምርመራ ወቅት በሐኪም እስከ አልታዬ ድረስ ጂኦግራፊያዊ ምላስ ቁስለት ላይታወቅ ይችላል። ይህ ችግር ካላቸው 10 ሰዎች ውስጥ አንዱ መጠነኛ ምቾት ማጣት ወይም የሚያቃጥል ወይም የሚያሰቃይ ስሜት ይኖራቸዋል። ይህ ብዙውን ጊዜ እንደዚህ ባሉ ነገሮች ምክንያት ነው ትኩስ፣ ቅመም የበዛባቸው ወይም አሲዳማ የሆኑ ምግቦች መውሰድ የሲጋራ ጭስ የጥርስ ሳሙና ጥያቄ-: 4: ምክንያቱ ምን ሊሆን ይችላል? ይህ ችግር የሚከሰተው የምላስ አበጥ ያሉ ክፍሎች የፓፒላዎች ሽፋን ሲጎድል ወይም ሲቀንስ ነው ለምን እንደጠፉ በትክክል እርግጠኛ ሆኖ መናገር አይቻልም። ነገር ግን በቤተሰብ ከዘር ጋር ግንኙነት ሊኖረው ይችላል። በብዛት በ psoriasis ወይም ስንጥቆች እና በምላሳቸው አናት እና ጎን (የተሰነጠቀ ምላስ) ባላቸው ሰዎች የመከሰት እድል አለው። በአለማችን ከ 1% እስከ 3% ሰዎችን ይጎዳል። በማንኛውም ዕድሜ ላይ ሊከሰት ይችላል, ነገር ግን ብዙውን ጊዜ በአዋቂዎች ላይ ነው በሴቶች ላይ ከወንዶች የበለጠ የተለመደ ነው ጥያቄ- 5: ሕክምናው ምንድን ነው? ማንኛውም ህመም(pain) ወይም ምቾት ማጣት ምናልባት በራሱ ይሻሻላል። ነገር ግን ከባድ ፣ የማያቋርጥ ህመም ካለብው መድሃኒት መውሰድ ሊያስፈልግ ይችላል በሐኪም የሚከተሉትን ሊታዘዙ ይችላሉ የህመም ማስታገሻዎች ፀረ-ብግነት(Antiinflammatory drugs) አፍን በማደንዘዣ ማጠብ በምላስ ላይ የሚቀባ ቅባት (Corticosteroids) ተጨማሪ ዚንክ መድኃኒቶች ምንም እንኳ በራሱ መጥፋ የሚችል ህመም ቢሆንም ለወራት ወይም ለአመታት ወይም እድሜ ዘመን ሊቆይ ይችላል። ጥያቄ- 6: የሚደረጉ ጥንቃቄዎች? እንደሚከተሉት ያሉ ነገሮችን መቀነስ ወይም ማስወገድ ያስፈልጋል፡- ሲጋራ ትኩስ፣ ቅመም የበዛባቸው ወይም አሲዳማ የሆኑ ምግቦች ወይም የደረቁ፣ ጨዋማ ምግብ የጥርስ ሳሙና እና የጥርስ ማንጫ ለተከታታይ የጤና ነክ መረጃዎች https://t.me/Doctormhomecare 119 views04:45
