. ተስፋያጣችሴት ╰═════════════╯ | ኑ እናንብብ ከ ዮኒ😍
. ተስፋያጣችሴት
╰═════════════╯
እውነተኛ እና አስተማሪ ታሪክ
#ክፍል_24
... የሀና አባት እራሱን መሳቱ ለሀና ደስ አላላትም
ምክንያቱም እሷ የፈለገችው ለአባቷ ቴድሮስ "ስምህን
ሊያጠፋው ነው ሀጥያትክን ለልጆችህ ሊናገርብህ ነው!"
ብላ ነግራው አባቷ ደግሞ ቴድሮስን አፉን እንዲያዘጋው
ለማድረግ ነበር ግን አባቷ ቀድሞ ራሱን ሳተ ሀናም
በፍጥነት አምቡላንስ ጠርታ አባቷን ሀኪም ቤት
ካስገባችው ቡሃላ ለኪሩቤል ደወለችለት ኪሩቤልም
ያለችበት ድረስ በፍጥነት ደረሰ...
ሀናም ልክ ኪሩቤልን ስታይ እሩጣ አቅፋው ማልቀስ
ጀመረች ኪሩቤል በሁኔታዋ ግራ ተጋብቶ ምን እንደሆነች
ጠየቃት ከዛ ሀና አንድ ባንድ መናገር ጀመረች ... "
" ... ቴድሮስ በልጅነቴ ያደረገው ሳያንስ አሁንም ገላዬን
ተመኘ እናም የእናቴ ባል እኔ ህሊና ቢስ ስለመሰልኩት
ስሜ እንዳይጠፋ ስል አብሬው እንድጋደም ፈለገ እምቢ
ካልኩ ቅድሚያ ለአባቴ ልጆች ከዛ ደግሞ መነጋገርያ
እንድሆን መፅሄት ላይ ከአባቴ ጋር አብሬ ማደሬን
እንደሚያስወራብኝ አስፈራራኝ እኔም አባቴን አግኝቼው
እንዲያስቆመው ፈልጌ ነበር ግን ለካ ችግረኛ ሴት
በመጨረሻ የምታሸንፈው ፊልም ላይ ብቻ ነው! ለካ
የእውነተኛው አለምላይ ይሄ የለም" ... ይህን ስትናገር
ሀና በንዴትና በቁጭት እየጮኸች ነበር ኪሩቤል
ካወራችው ሁሉ ውስጡ ዘልቆ የገባው ቴድሮስ ሀናን
መመኘቱ ነበር ኪሩቤል ደርቆ ቀረ ሀናም "በቃኝ ከዚ
ቡሃላ መኖር አልፈልግም እራሴን አጥፍቼ እገላገላለው
ተስፋዬ በሙሉ አልቋል ተስፋ ቢስ ሴት ነኝ!!" አለችና
ትታው ልትሄድ ስትል እጇን ይዞ ..."ሁለተኛ ይሄን ቃል
እንዳትደግሚው ለእኔና ለልጄ እጅግ በጣም
ታስፈልጊናለሽ ውዴ እኔ ቅጣት ለሚገባው ቅጣቱን
እሰጥልሻለሁ!" አለ ኪሩቤል እንዲ ለበቀል ጥርሱን
ሲነክስ የመጀመርያው ነበር...
የሀና አባት ተሽሎት እቤቱ ገባ ሀናም ከቤት መውጣት
አትፈልግም የፃፈቻቸውን ግጥሞች በሙሉ ቀዳደቻቸው
ኪሩቤል በሀና ሁኔታ ያዝናል ! እሁድ ደረሰ ቴድሮስ ያን
ቀን ካላገኛት ምን እንደሚፈጠር መገመት ለሀና ቀላል
ነበር ጭንቀቷን ያየው ባልዋ ያን ቀን እሱ እስከሚደውል
ድረስ ከቤት እንዳትወጣ በማስጠንቀቅ ከቤት ወጣ
እህትና ወንድሟ ደግሞ እሷ ቤት ነበሩ ።
ኪሩቤል ከቤት እንደወጣ ሳይመለስ ምሽት 4:00 ሞላ
ይሄኔ ሀና በጭንቀት ልታብድ ደረሰች ልክ 4፡ 15 ላይ
ስልኳ ጠራ አነሳችው ኪሩቤልም ቴድሮስ ቤት ነኝ ቶሎ
ነይ አላት ሀናም ምን እንደተፈጠረ እንኳ ለመገመት ግዜ
አታ በፍጥነት ደረሰች ኪሩቤል ቴድሮስን በጣም
ቀጥቅጦት ነበር ሀና ይሄን ያደረገው ባሏ ባይሆን
የቴድሮስን ሞት ለማየት ትቀመጥ ነበር ግን ኪሩቤል
ይህን ማድረጉ እጅግ በጣም አስፈራት ቴድሮስም በደም
በተለወሰው አፉ "ይቅርታ አርጊልኝ ሀና ክፉ የሆንኩት
ወድጄ አይደለም እኔንም የእንጀራ እናት ነበረችኝ ክፉ ቃሉ
የማይገልፃት እናም ሁሌም በአባቴ ላይ ትማግጥ ነበር
በዛ ላይ ምግብ አትሰጠኝም ግን ቤታችን ውሃ ባለመኖሩ
ውሃ ከእሩቅ ቦታ እየቀዳው የማመላልሰው እኔ ነበርኩ
ሴት ልጅ እያለቻት እቃ ስታሳጥበኝና ቤት ስታፀዳኝ
የምትውለው እኔን ነው እርሃብና መድሎ ተደማምረው
ጭካኔዋ ውስጤ ጭካኔን ዘራ...በቃ ክፉ ሆንኩ" አለ
ለመጀመርያ ግዜ ቴድሮስ በሀዘን ተውጦ በአይኖቹ እምባ
ሲፈስ ሀና በአይኗ ተመለከተች የሰራው ሀጥያት ቢበዛም
መሰረቱ ሌላ መሆኑን አወቀች ...
በዚ ቅፅበት ከየት መጣ ሳይባል የሀና አባት በሩን በርግዶ
ገባ በያዘው መሳርያም ቴድሮስን እዛው ከተንጋለለበት
መሬት ሳይነሳ በጥይት ግንባሩን አለው ሀናና ኪሩቤል
በድንጋጤ ጮሁ እዛው ባሉበት ደርቀው ቆመው ሳላ
አካባቢው በሰው ተሞላ ከደቂቃዎች በኋላም ፖሊስ
መጥቶ ሶስቱንም ይዟቸው ወደጣብያ ሄደ ሀና በነጋታው
ጠዋት ብትፈታም ባሏና ወላጅ አባቷ ግን እስኪጣራ
በሚል ሳይፈቱ ቀሩ...
#ይቀጥላል...
ከወደዱት ሼር ያድርጉ
,,,,, ,,,,,
••●◉Join us share◉●•• https://t.me/Arif_leboled
// ,, https://t.me/Arif_leboled
━━━━━━━✦ ✿ ✦━━━━━━━
