. ተስፋያጣችሴት ╰═════════════╯ እውነተኛ እና አስተማሪ ታሪክ #ክፍል_21 ... ሀና ቴድሮስን የሞት አፋፍ ላይ ጥላው ያለምንም ርህራሄ ወደ ቤትዋ ስትሄድ ኪሩቤል ልጇ ማክቤልን እያጫወተው ደረሰች ሀና ከባልዋ ምንም አትደብቅም እሱም ደግሞ አይኗን አይቶ አዲስ ነገር ካለ ያውቅባታል ... በዚም ሀና እህቷንና ወንድሟን ይዛ ስትገባ ኪሩቤል ተነስቶ እየተጠጋት ... "ሀኒ ውዴ ቴዲ ደና ነው?" ብሎ ጠየቀ ሀናም ባደረገችው ነገር ምንም የጥፋተኝነት ስሜት ሳይሰማት "ኪሩ ቴድሮስን ወደሚስቱ እንዲሄድ መንገድ አመቻችቼለት መጣሁ የእናቴ ብቸኝነት ስላሳሰበኝ ከነክፋቱም ቢሆን ይሂድላት..." አለች ኪሩቤልም ትከሻዋን በሁለት እጆቹ ይዞ "ይህን አንቺ አታደርጊም ውዴ ገደልሽው??" ብሎ ጠየቃት የሱን ድንጋጤ ስታይ ሀና ተርበተበተች ከዛም የሆነውን በቅደም ተከተል ነገረችው ... ኪሩቤልም "የኔ ፍቅር ቂምና በቀል እንዲሁም ጥላቻ የሴጣን ነው! እስቲ አስተውይ ውዴ እህትና ወንድሞችሽን እያቸው እሱኮ ለነሱ እጅግ በጣም ጥሩ አባታቸው ነው ሲያድጉ ይህን ማድረግሽ ስህተት በመሆኑ ያዝኑብሻል! በዛ ላይ አንቺ ከዚም በላይ ጥሩ ቦታ ቆመሽ አላማሽን አሳክተሽና እንደምኞትሽ ጥሩ ገጣሚ ሆነሽ... በመድረክ ላይ ትምህርት አዘልና አዝናኝ ግጥሞችሽን ስታቀርቢ ህዝቡ በአድናቆት ሲያጨበጭብልሽ ሲያይ ያኔ እሱ እራሱ ይሸነፍልሻል!! ቴድሮስን የሚቀጣው ጥንካሬሽና ጉብዝናሽ እንጂ ጭካኔሽ አይደለም!"... አላት ሀና ኪሩቤልን በስስት እያየችው እንባዋ መውረዱን እንኳ አላስተዋለችም እሱም ቀና አድርጓት "ሂጂ እራስሽ አድኝው እንዳታረፍጂ የኔ ልእልት" ...አለና እንባዋን ጠርጎ ግንባሯን ሳም አረጋት አናም ወንድሟን ይዛ በፍጥነት ወጣች ... ሀና ስለኪሩቤል ስታስብ ካቅሟ በላይ ይሆንባታል ኪሩቤል አክብሮቱና ለሷ ያለው ፍቅር ለራሷ ለሀና ይገርማታል ሴተኛ አዳሪ እንደነበረች ቢያውቅም እንኳን እሱ እሷን እንድትረሳው አድርጓታል ሀና ካሳለፈቻቸው ችግሮችና እናቷን ከማጣቷ የተነሳ ነጭናጫና ቶሎ የምትከፋ በዛ ላይ ቶሎ ተስፋ የምትቆርጥ አይነት ሴት ናት ሆኖም ግን ይህን አመሏን ችሎ አንድም ቀን እንዳይከፋት ይጥራል ለዚም ነው ልቧን ማሸነፍ የቻለው እንኳን ጥሩ ምክሮቹ ቁጣው በራሱ ለሀና ትርጉም አለው በቃ ታፈቅረዋለች ብል ቃሉ ያንሳል !!.... አንዳንዴ ፍቅር የለም ሲባል ስሰማና የዘንድሮ ፍቅረኛሞች ሳይ እውነትም ፍቅር የለም !! እላለው ከዛ ግን ኪሩቤልንና ሀናን ሳይ ፍቅር ቦታ አጥቶ እንጂ በትክክል አለ ብዬ እርግጠኛ እሆናለው... ሀናና ወንድሟ በግዜ ደርሰው ቴድሮስን አዳኑት ኪሩቤል ለቴድሮስ ማሳከምያ ሳይሰስት ነበር ገንዘቡን ያወጣው... ቴድሮስ ድኖ ከሆስፒታል ሲወጣ በኪሩቤል ግፊት ለ1ወር ሀና ቤቷ አስታመመችው ከዛም ሰራተኛ ቀጥራለት ልጆቹን ይዞ ቤቱ ገባ ሀና ሁሌም ስታየው ክፋቱን ታስታውሳለች ያሳለፈችው ስቃይ በጠቅላላ በሱ ጭካኔ የተመሰረተ ነው ልጇን ሲስመው ብትከለክለው ደስ ይላታል ምክንያቱም ያኔ በሆዷ እያለ ዲቃላ ብሎ ሰድቦባት ስለነበር... ይህ በእንዲህ እንዳለ ሀና ከፀጉር ስራዋ በተጨማሪ የግጥም ተሰጦዋን ለማዳበር ትምህርት ቤት ገብታ መማር ጀመረች ...ብዙ ግጥሞችንም መፃፍ ጀመረች በዚም ሀና የራሷ አስተማሪ የጥበብ ምሽት ላይ ስራዋን እንድታቀርብ ጋበዛት ይህም የህይወቷ ትልቁ እርምጃ ነበርና በደስታ እየቦረቀች ላባልዋ ልትነግረው ስትጣደፍ ከልጇ ትምህርት ቤት ተደወለላት ማክቤል ታሟልና ቶሎ ድረሽ ተባለች ሀናም የልጇ መታመም ከልክ በላይ አስደንግጧት ባልዋ ለልደቷ በሰጣት ቪትስ መኪና ስትበር ደረሰች... ሀኪም ቤት ገብቶ ወላጅ አባቱ ደም እንዲሰጥ ታዘዘ ይሄኔ ማመን የሚከብድ ጣጣ ገጠማት ኪሩቤል የማክቤል ወላጅ አባት አይደለም ኪሩቤል ይህን ሲሰማ ራሱን ሳተ... ይቀጥላል... ይቀጥላል ❥.................. ⚘ ...................❥ ከወደዱት ሼር ያድርጉ https://t.me/Arif_leboled // ,, https://t.me/Arif_leboled ━━━━━━━✦ ✿ ✦━━━━━━ 195 views19:21
