2022-06-15 23:30:41
ዛሬ በትላንት አይን
አየኋት.....እንዳየኋት ፈገግ አልኩ ለፈገግታዬ ተመሳሳይ መልስ አላገኘሁም አንገቷን አቀርቅራ ፈጠን ባለ አረማመድ አጠገቤ ደረሰች.......
'' ለምን ነበር የጠራኸኝ''
..(አልተቀመጠችም)..ድሮ ቆንጆ ነበረች..አሁን ደግሞ ቁንጅና እራሱን
''አትቀመጪም''
ወንበር ስባ በድጋሚ ጠየቀቺኝ
''እሺ..ለምን ነበር የፈለከኝ''..(ሰላምታ የለም)
አይምሮዬ እና ልቤ በጨለማው እኔነቴ ውስጥ በዳበሳ ተፈላለጉ(አልተገናኙም)
''አንቺን መፈለግ አቁሜ አውቃለሁ እንዴ?''
ፈገግ አለችልኝ ....ጥርሷ ድክመቴ ነው ትላንት ይህን ጥርሷን ለማየት ብዙ ድንጋይ ፈንቅያለው የዛሬው ግን የምወደው አልነበረም (ምፀት)
''ዛሬ አመት ከ 5ወራችን አይደል''
''መቁጠር አላቆምክም እንዴ እኔ እኮ ካቆምኩ ቆየው....3ወር ሞላኝ''
በባዶው እኔነቴ ውስጥ አይምሮዬ አስተጋባ 'በቃህ..እሷም እየቆጠረች ነው የፍቅራችሁን ሳይሆን የመናናቃችሁን ቀን'(ቻው በላት እና ውጣ)
ከሌላኛው የባዶነት ማዕዘን ድምፅ ሰማው ልቤ ነበር
'' ስለ መልካሙ ትላንት ንገራት እርግጠኛ ነኝ በትዝታ አትጨክንም''
(አንደበቴ ለልቤ አደላ)''ይቅርታ(ሳላጠፋ)..ግዜአት በሄዱ ቁጥር ምን ያህል እንደምታስፈልጊኝ እየገባኝ ነው....የተዋቡ ቀኖቻችንን ባሰብኳቸው ቁጥር ከጥፋቶችሽ ይልቅ..(በደል፣ክህደት፣ውሸት) ፍቅራችን ዋጋ እንዳለው ይሰማኛል።
''ኤኤኤኤኤኤጭ ጀመረህ ደሞ''
-አዎ ጀመረኝ
-የቀን ሀሳብ የሌት ቅዠት
የከሸፈ ተስፋ የነተበ ትዕግሥት
አዎ ጀመረኝ
-ባዶ ምኞት ጀመረኝ
ይቀጥላል~
661 views፬#muሂiti#$፯, 20:30