የፍቀር ነገር... 🔥😍😉

2022-06-10 13:26:48 30 አልሞላኝም..!


ሚስት ትታመም እና ሆስፒታል ትገባለች

ዶክተር: 'የመዳን ተስፋዋ አነስተኛ ነው የቻልነውን ግን እናደርጋለን'

ባል: 'እንባውን መቆጣጠር አቅቶት ገና እኮ 30 አመቷ ነው
ቤተሠቦቿን የምታስተዳድረው እስዋ ናት እባክህ አድናት'

በዚህ ጊዜ አንድነገር ተከሰተ የልብ ምቷን የሚቆጣጠረው ማሽን እንደገና መስራት ጀመረ እጆቿ መንቀሳቀስ ጀመሩ አይኖችዋ ተገለጡ ከዛም አንገቷን ወደ ባሏ ዘወር አድርጋ


ውዴ 30 አልሞላኝም ገና 29 አመቴ ነው


@yefekrneger ክፈት / አስተያየት ይስጡ

2022-06-10 13:26:48 እውነት Vs ውሸት..!

"አንድ ቀን እውነት እና ውሸት ይገናኛሉ። ውሸት ለእውነት “ዛሬ አስደናቂ ቀን ነው” ትላታለች። እውነት ወደ ሰማይ ቀና ብላ ትመለከትና እውነትም ቀኑ እጅግ ውብ መሆኑን ታስተውላለች። ከዚያም ቀኑን ሙሉ አብረው ያሳልፉና በመጨረሻ በአንድ የውኃ ጉድጓድ አጠገብ ይደርሳሉ ።

ውሸት እውነትን በድጋሚ “ውሃው በጣም ጥሩ ነው፤ አብረን እንታጠብ!” ትላታለች። እውነትም የጉድጓዱን ውሃ ባየች ጊዜ ጥሩ መሆኑን ተገነዘበች፡፡ በዚህም፣ እውነት የአብረን እንታጠብ ግብዣውን ተቀብላ ልብሳቸውን ከጉድጓዱ ዳር አስቀምጠው መታጠብ ይጀምራሉ።

መታጠቢያ ጉድጓዱ ውስጥ እያሉ ውሸት ከውሃው በድንገት ትወጣለች፤ የእውነትንም ልብስ ትለብስና ትሸሻለች። በሁኔታው በጣም የከፋት እውነት ከጉድጓዱ ትወጣና ውሸትን ለማግኘት እና ልብሷን ለመቀበል በየቦታው ትሯሯጣለች። በየመንገዱ የምታገኛቸው ሰዎች እውነትን እርቃኗን በማየታቸው በንቀት እና በንዴት ይመለከቷታል።

ውሸትን ሮጣ መያዝ ያልቻለችው ምስኪኗ እውነት ወደ ጉድጓዱ ተመልሳ የውሃው ጉድጓድ ውስጥ በመደበቅ ለዓለም ስትል እርቃኗን ለዘላለም ትሸፍናለች። እነሆ ከዚያን ጊዜ ጀምሮ ውሸት እንደ እውነት ለብሶ በዓለም ዙሪያ በመዘዋወር የኅብረተሰቡን ፍላጎቶች በማርካት ላይ ይገኛል፡፡

ዓለምም እውነትን የመፈለግ በጭራሽ ፍላጎት የለውምና የእውነት ለዘለዓለም በጉድጓዱ ውስጥ መቅረት አያስጨንቀውም። ዓለም፣ እውነት እርቃኗን ስትሆን የሚሸከምበት ሞራልም ስለሌለው በመደበቋ ደስተኛ ነው። ከውሸት የፀዳ፣ በእውነት ያሸበረቀ ቀን ተመኘሁ! መልካም ውሎ

@yefekrneger ክፈት / አስተያየት ይስጡ

2022-06-10 13:26:48 አስተዋዩ ሰው

አንድ ዓይነ ስውር ልጅ በህንጻ ደረጃ ላይ
በእግሩ ስር መለመኛ ኮፍያ አድርጎ ተቀምጧል።
“አይነ ስውር ነኝ እባካቹ እርዱኝ” ተብሎ የተፃፈበት
ምልክትም ይዟል። በዚህን ጊዜ በባርኔጣው ውስጥ
ጥቂት ሳንቲሞች ብቻ ነበሩ።

አንድ ሰው በአጠገቡ ሲያልፍ ከኪሱ ጥቂት ሳንቲሞች
አወጣና ኮፍያው ውስጥ አስቀመጠ።
ከዚያም ምልክቱን አንስቶ አንዳንድ ቃላትን ፃፈና
በአጠገቡ የሚሄዱ ሰዎች ምልክቱን
በሚያዩበት ቦታ አስቀምጦ ይሄዳል።

ሰውየው ከመሄዱ ብዙም ሳይቆይ ባርኔጣው
በሳንቲሞች መሙላት ጀመረ።
ብዙ ሰዎች ለዓይነ ስውሩ ልጅ ገንዘብ
እየሰጡት ያልፋሉ። የዚያን ቀን ከሰአት ላይ ምልክቱን የለወጠው
ሰው ሁኔታውን ለማየት ይመጣል። ልጁ የሰውዮውን
እግር አውቆ "ዛሬ ጠዋት ምልክቴን የቀየርከው አንተ ነህ አይደል?
ምን ነበር የፃፍከው?" ሲል ይጠይቀዋል።

ሰውየውም ''እውነቱን ብቻ ነው የፃፍኩት። ነገር ግን
የፃፍከውን ነገር እኔ በሌላ መንገድ ነው የፃፍኩት።"
ብሎ ይመልስለታል።

የጻፈውም "ዛሬ በጣም ደስ የሚል ቀን ነው።
እኔ ግን ላየው አልቻልኩም" የሚል ነበር።
የመጀመሪያው እና ሁለተኛው ምልክት ተመሳሳይ
ነገር የሚናገሩ ይመስላችኋል?

@yefekrneger ክፈት / አስተያየት ይስጡ

2022-06-09 21:48:47 ክፈት / አስተያየት ይስጡ