2022-08-31 21:33:08
............. ምኞት ............
ምንጭ :- ፒያሳ መሀመድ ጋ ጠብቂኝ
ክፍል 2
ደራሲ ጥላሁን ተስፋዬ
.
.
.
ትንሽ መንገድ በዝምታ እንደሄዱ፡ አዲስ አበባን
እንዴት አየሻት? በቅርብ ግዜ ውስጥ መተሽ ታውቂያለሽ እንዴ
አላት አይ በቅርብስ አልመጣሁም የዛሬ እምስት አመት አከባቢ
ግን ካባቴ ጋር መጥቼ ነበር ያኔ ካየሁት
አንፃር ብዙ ለውጥ አለ ፡አለችዉ ፍቱ ላይ የምታ
የው ስሜት ግራ እያጋባት :
ጉዞው ሲረዝምባት ቤትህ እሩቅ ነው
እንዴ? ሚኪዬ። ስትለው እንዴት እንደሚነግራት ሲፈራ ሲቸር
የነበተውን የውሸት ምክንያት መናገር ግድ ሆነበት
እንዲያዱስልኝ የነገርኳቸው ሰዋች ተኝተው ከርመው ይገርምሻል
ዛሬ ነው ማደስ የጀመሩት
እያሳደስኩት ስለሆነ ሌላ ቦታ ነው ምንሄደው አላት
እሳን ወደቤት ላለመውስድ የፈጠረው
ምክንያት ካፉ አልላቀቅ ብሎት እየንተባተበ ።
ወይ ጓደኛቹ ጋር ወይ ዘመድ ጋር ሊወስደኝ ይሆን እያለች
ድታሰላስል
ኮንደሚንየም ደረሱ አንጪ ቆይ ሻንጣውን ላግዝሽ አራተኛፎቅ ላይ
ስለሆነ አለና ተቀበላት:በሩን ከፍቶ ሲያስገባት ብዙ ግዜ የተዘጋ
ቤት መሆኑን ገና ሲከፈት በጠረኑ አወቀች ። እሄን ግዜ ግራ
የመጋባት ስሜት ተሰማት ወደ ውስጥ ስትገባ ሳሎን እና መኝታ
ቤት ውስጥ ካሉት ሶፋና አልጋ በስተቀር ምንም አይነት እቃ በቤቱ
ውስጥ የለም ፡ እሄ የማን ቤት ነው? አለችው፡
ማለትም በቃ አለ አይደል በሳምንት እንድ ቀን ወይ ሁለት ቀን
እዚህ ያለውን ንፁህ አየር እየኮመኮምን አረፍ ለማለት ከጓደኛቼ
ጋር የተከራየነው ነው። አረፍ በይ መጣሁ የሚቀማመስ ነገር ይዤ
ልምጣ አለና ወጣ ምኛት ግራ ግብት አላት ።
ካልመጣሽ እቤቴ ላንድ ቀን እንኳን ብቻዬን ማደር አልቻልኩም
ያላት ሰው ከመጣች ቡሀላ ቤቴ እድሳት ላይ ነው ማለቱ ረበሻት
አምላኬ ሆይ እውነት ቤቱ ስለሚታደስ ነው እዚህ ያመጣኝ ወይስ
ወይስ እሚኖረው እዚህ ነው አለችና ሳሎኑ መሀል ለይ
ለደቂቃዋች ፍዝዝ ብላ ከቆየች ቡሀላ በቀስታ እየተራመደች
የቤቱን ክፍሎች ማየት ጀመረች ሽንት ቤቱን ከፍታ ስትገባ በቅርብ
ቀን ውስጥ ሰው እንዳልተጠቀመበት ያስታውቃል ወደ ማድቤት
አቀናች በሩን ገፋ ስታረገው በበሩና በግድግዳው ጠርዝ ያደራው
የሸረሪት ድር ተለጠጠ
በማድቤት ክፍሉ ውስጥ አንድ የተበላሸ ትልቅ ፍሪጅ ፣ አንድ
አሮጌ ጠረቤዛ፣ ፣ ቀን ያለፈበት ግማሽ ከረጡት ሲሚን እና የቤቱ
የወለል ሸክላ ሲነጠፍ የተራረፉ ስብርባሪ ሽክላዎች ከቆሻሻው ጋር
ተደምረው ቤቱ ከተሰራ ጀምሮ ክፍሉን ተጠቅመውበት
እንደማያውቁ ያሳብቃሉ።
ግራ እንደተጋባች ወጣችና ሳሎን ያለው ሶፋ ተደላድላ እንኳን
ሳትቀመጥ ጫፍ ላይ ተንጠልጥላ ሚኪን መጠባበቅ ጀመረች ።
ሙኪ እንደወጣ ከራሱ ጋር ተጋጨ ህሊናው ምን እያረክ ነው
እንደዛ ወትውተህና ተስፋ ሞልተህ ጨርቄን ማቄን ሳትል አንተን
ብላ የመጣችውን ልጅ እዚህ ስንት እማይታወቅ ሰው ቁልፍ
እየተቀባበለ ብልግና እና ሱሱን ተደብቆ ከሚፈፅምበት ቤት
ውስጥ ጥላሀት ልትሄድ ነው እያለ ሲሞግተው ችኩል እና
ስሜታዊ ማንነቱ ከስጋዊ ፍላጎቱ ጋህ ተባብሮ እንዱህ እንደሎሚ
ተመጣ ሳታልቅ የነበረ ውበታን አሳይታ የሸወደችህ እራሳ ነች
የራሳ ጉዳይ ነው እቺን እማ ወደ ቤትህ ይዘህ ከመሄድህ በፊት
እዚሁ አስቀምጠኋት በደንብ ልታስብበት ይገባል ይለዋል ወደ
አንዱ መሆን ተስኖት ሲወዛገብ አሸናፊውን ለመለየት ሌላ ድጋፍ
እንደሚያስፈልገው አሰበና እዛው ኮንደሚንየሙ አከባቢ ባለች
አንድ ግሮሰሪ ውስጥ በመግባት ባንድ ግዜ ሁለት ቀዝቃዛ ቢራ
አዞ አንዱን ባንድ ትንፈሽ ጨለጠው
ከቆይታ ቡሀላ በፌስታል ምግብና አንዳንድ ነሀሮች ይዞ ሲገባ
ምኛት ከተቀመጠችበት ብድግ ብላ መጣህ ሚኪዬ እሄ ሁሉ
ምንድን ነው አለችችው
ለጠየቀችው መልስ ሳይሰጣት ምኞትዬ ቤቱን የሚያዱስልኝ
ሰራተኛች የሆነ መግዛት ያለብዝኝ እቃ እንዳለ ደውለው
ነግረውኛል መሄድ አለብኝ እሄን ሰበብ አርገው እንዳያንጓቱቱብኝ
የቤቱ እቃ በሙሉኮ ደጅ ላይ ነው ያለው ሲላት
"እና አብረን ደርሰን እንምጣ እኔኮ አራበኝም ስመለስ እበላለሁ
ስትለው
ኧረ የኔ ሙሽራማ ቤቴ ሳይታደስ እና ተዝረክርኮ ማየት የለባትም
አልቆ አምሮበት ነው መግባት ያለባት " አላት በጥያቄዋ
መደንገጡ እንዳይታወቅበት ፈገግ ለማለት እየሞከረ
በማታውቀው ሀገር እና መንደር ገና ከመምጧታ ሰው የለለበት
ቤት ውስጥ ጥላት መሄድ እጅግ አስደነጉጣት ።የሆነ ችግር
ባይኖር መቸስ ተወልዶ ባደገበት ሀገር ዘመድና ጓደኛ እንደሌለው
ሰው እዚህ የሰው ድምፅ የማይሰማበት ጭር ያለ ኮንደሚንየም
ክፍል ውስጥ ጥሎም አይሄድም ነበር አለች ለራሷ።
ውስጧን የጥርጣሬና የፍርሀት ስሜት ሲቆጣጠረው ተሰማት
እና•••••እኔ••••ማለት
እዚህ ብቻዬን ጥለኸኝ ልትሄድ ነው አለችው
ቅዝዝ ባለ ድምፅ እንዴ ምኛትዬ አልቆይምኮ በልተሽ አረፍ በይ
እሺ ቶሎ መጣለሁ ቢበዛ ካአንድ ሰአት በላይ አልቆይም ብሏት
ዞሮም ሳያያት በሩን ከፍቶ ሲወጣ
የሆነ ግኡዝ ገር አናቷ ላይ የፈረሰ መሰሏት
ባንድ ግዜ ፍርሀት እና ስጋት መላ ሰውነቷን ጠራርጎ የወሰደው
መሰላት በቆመችበት ደርቃ ቀረች ሰውነታ ሲከዳት ውበታ ሲረግፍ
ኳልከዷትና ዛሬም ከሚያምሩት ውብ አይኖቻ የረገፉት የእንባ
ዘለላዋች በጉንጮቿ ለይ ቁልቁል ተንከባለሉ•••
✎ ክፍል ሶስት ከ100 Vote በኋላ ይቀጥላል... ቶሎ እንዲቀጥል አንብበው ሲጨርሱ30 Like ማድረግ አድርጉ
━━━━━━━✦✿✦━━━━━━━
share
238 viewstêsfãyè, 18:33
መ
