* እኔኮ ስወድሽ * ፡ እኔኮ ስወድሽ ቃላት ይደክማሉ፣ ፊደላት ሰልለው ድጋፍን ይሻሉ፣ ፡ ምን ቃል አለኝና ፍቅሬን ነግርሻለሁ፣ በልቤ ወድጄሽ ለፍቅርሽ ሞቻለሁ፣ ፣ አንቺን መተው ለኔ ይገርምሻል ውዴ፣ ከሞት ከቶ አያንስም እወቂው እንግዴ፣ ፡ አረ እንደውም መሞት ሳይሻል አይቀርም፣ የማፍቀር ሰቀቀን ጠባሳው አይሽርም፣ የናፍቆትን እከክ ጥፍር አያከውም፣ የመውደድን መሞት አይኖች አያዩትም፣ ፡ እናምልሽ ውዴ እራቀኝ ስትዪኝ፣ በቁም ሳለሁ በድን እንደሆንኩ እወቂኝ፣ ፡ በፍቅርሽ ሰንሰለት እግረ ሙቅ ታስሬ፣ አቅም የተቀማሁ የማልቆም ዳክሬ፣ የመከነ ልፋት ሰርክ ምድርን ዞሬ፣ የድጋይ ላይ ተክል የማይበዛ ዘሬ፣ እንዲ ነኝ አለሜ ካጣሁሽ አፍቅሬ፣ ፡ ዓሳ ከውሃ ወጥቶ ይኖር ዘንድ እንዳይችል፣ ንስር ምድር ወርዶ እንደማይሄድ ቁልቁል፣ እየተገረፈ እንደማይድን ቁስል፣ ለመርዶ ነጋሪ እንዳይባል እልል፣ እኔም አንቺን ካጣሁ ፍቅሬ ይከብደኛል፣ ፡ እኔኮ ስወድሽ ከገደቡ አልፌ፣ ጧት ማታ ሳልምሽ መውደድሽን ታቅፌ፣ ሌላ ምንስ አለኝ ፍቅርሽ ነዋ ትርፌ፣ ልተውሽ አልችልም ልቤ ላይ ሸክፌ፣ ፡ ውሰጂው ያለኝን ልሁን ነጭ ደሃ፣ ወይኑንም ተጎንጪ ለኔ ደሞ ውሃ፣ ፡ ከጮማው ቁረጪ አማርጪ ያሻሽን፣ እኔ ውዬ ልደር እየራበኝ ጦሜን፣ ፡ ላንቺ ነው Join & Share @yabutiiiiiiiiiiiii @yabutiiiiiiiiiiiii 3.2K views17:36