ነሀሴ 27 ልደታቸው ነው እንኳን አደረሳችሁ አደረሰን አቡነ ዘርአ ብሩክ ሼር በማድረግ ለወዳጆ አዳርሱ! ፣ተወዳጆች ሆይ ኢትዮጵያዊው ፃድቅ ባለ 12 ክንፉ አባታችን አቡነ ዘርአ ብሩክ ከእለታት አንድ ቀን በቅዱስ ሚካኤል በአል ታህሳስ 12 ቀን እግዚአብሔር ነፍሳትን ከሲኦል እንዲያወጡ አዘዛቸው። አባታችንም የፈጣሪያቸውን ትእዛዝ ተቀብለው ወደ ሲኦል ወረዱ። ወደ አስፈሪው ሲኦል ገብተው በእሳት ሰንሰለት ለዘመናት በሰይጣን የታሰሩትን ስፍር ቁጥር የሌላቸውን ነፍሳት አገኙ። ፃድቁም የእሳቱን ሰንሰለት በፈጣሪያቸው ስልጣን ፈተው እነዛን ምስኪን ነፍሳት ከስቃይ አወጧቸው። ግን አንድ አሳዛኝ ነገር ተመለከቱ። በሲኦል የተናቀች እና የወደቀች የአንድ የደግ መምህር የኤዎስጣቴኦስ ደቀ መዝሙር ስሙም አብሳዲ የሚባል ነፍስ ሰም ከፈትል እንደሚጣበቅ ተጣብቃ በሲኦል ባህር ውስጥ ስትሰቃይ አገኟት። አቡነ ዘርአ ብሩክም ያቺን ነፍስ "እግዚአብሔር በዚህ የስቃይ ቦታ የጣለሽ በምን በደልሽ ነው" አሏት። ያቺም ምስኪን ነፍስ "በጥቂት ነገር እግዚአብሔር በዚህ የመከራ ቦታ ጣለኝ ኃጥአቴም ""ቂም "" ናት" አለቻቸው። አባታችን አቡነ ዘርአ ብሩክም "በዚህ በመከራ ቦታ ምን ያህል ዘመን ኖርሽ" አሏት። ምስኪኗ ነፍስም "በዚህ በመከራ ቦታ ከተቀመጥኩ 500 ዘመን ሆኖኛል" አለቻቸው። አባታችንም ይህን ነገር ከዚያች ነፍስ ሰምተው አዝነው "ከቅዱሳን ጋር በገነት ትኖሪ ዘንድ ነይ ውጪ" አሏት" ያን ጊዜ ከሞት ጉድጓድ አውጥተው በዚያች ቀን ከሲኦል ከወጡት ነፍሳት ጋር በእግዚአብሔር ፊት አቆሟ። እግዚአብሔርም ያችን ነፍስ በፃድቁ ቃል ኪዳን በገነት ውኃ ተጠምቃ ከገብበት መውጣት፣ ካገኙ ማጣት ከሌለባት ገነት እንደገባች ድንቅ ገድላቸው ይነግረናል። ቸል የምንለው ቂም ምንኛ የነፍስ እዳና ፍዳ እንደሚያመጣብን፣ ለዓመታት በሲዖል እንደሚያኖረን ልብ እንበል ። የጻድቁ የአቡነ ዘርአ ብሩክ ጸሎት እና በረከት አይለየን። የዪቲዩብ ቻናል ስለከፈትኩ ለማበረታታት subscribers ያድርጉልኝ ✥ ✥ Bisrat negari kidus gebrel tube ብስራት ነጋሪ ቅዱስ ገብርኤል https://youtube.com/channel/UCzj1rOCD7-WVTFN7VU8RmZw 598 viewsDesalegn Dagne ✥ድንግል ሆይ ሁሉን ከሚያስብ ሁሉን ከማይዘነጋ ከልጅሽ አሳስቢ✥, 04:03
