Mooraa Leenjii Sanqalleetti namootni ukkaamfaman dhukkuboota d | Tsegaye R Ararssa
Mooraa Leenjii Sanqalleetti namootni ukkaamfaman dhukkuboota daddarbaadhaan du'aa fi Jireenya gidduu jiraachu himame.
KMN:- Caamsaa 01/2023
======================
Sirni dhala Oromoof naasuu tokko hin qabne ilmaan Oromoo golee Oromiyaa mara jiran keessaa bakkee hedduutti ugguruun dararaa jira. Dhuma Amajjii 2023 Irraa eegaluun kutaalee Oromiyaa hedduu keessa namoota sabboonummaa qaban Manneen hidhaa Aanaaleetti erga dararaa turanii maqaa leenjii kennuu jedhuun mooraa leenji Sanqalleetti walitti qabanii turan.
Akka namootni mooraa leenjii sanqalleeti dararaa argaa jiran sagalee icciitiin nuun gahanitti namoota 2633 leenji kan galanii fi namootni kunniin leenji fudhachuun ‘jaarsa biyyaa/abbas gadaa' duratti gochaa isaaniitti akka hin deebine waada galchuun leenji Ji'a lamaan booda Jalqaba ji'a eebilaa gadhiisanii turan. Akka odeessa kanaatti namoota leenji galan kunnii namoota umuriin daa'ima waggaa 13 haga jaarsa waggaa 75 kan keessatti argaman yoo ta'u qotee bulaa, barattoota, daldaaltotaa fi hojjettootni mootummaa dhiiraa fi dhalaan keessatti argamu.
Namoota leenji kana keessa seenaan hedduu isaani gadhiisuun dubartoota 7 fi dhiira 157 walumaa galatti namoota 164 mooraa leenji sana keessatti hambisuun dararaa hamaaf saaxilamanii jiru. Akka odeessi keenya kun jedhutti namootni hedduun reebichaan, nyaataa fi qulqullina dhabuu mooraa irraan kan ka'e dhukkuboota daddarbaaf saaxilamanii jiru. Namootni kunniin hidhamuu isaani ija maatii fi sabqunnamtii jalaa dhoksuun cinaatti namoota dhukkubsatan kanniin mana yaala dhoowwachuun du'aaf nu qopheessa jiru jedhu.
Odeessi keenya kun nama fiixee du'aa irra jiru Qeerroo Ijaaraa Sanyii dhalataa Shaambuu kan ta'e godina addaa Oromiyaa Burraayyuudha erga hidhanii rerbicha hamaa irra gahe irratti dhukkuba isa mudateen Nyaata dhiisuun fincaanii fi bobbaa baatamee bahuu erga eegalee guyyoota kan lakkoofsisee fi qeerroo Abbuyyee Tesfaaye dhalata Shawaa Kaaba aanaa Darraa kan ta’e reebicha hamaa irra gaheen achumatti du’uu himuun hireen namoota 164n kanaa kanarra adda waan hin taaneef Oromoon nuuf dirmatee lubbuu keenya haa baraaru jechuun dhaammatan!
