TIKVAH-MAGAZINE

2024-04-04 14:47:08 #Update: 70 ሺ የሚሆኑ ኢትዮጵያውያን ዜጎችን ከሳውዲ አረቢ ወደ ሀገራቸው ለመመለስ ሁኔታዎችን የሚያመቻች ልዑክ ወደ ሳውዲ ሊያቀና ነው

የውጭ ጉዳይ ሚኒስቴር በአስቸጋሪ ሁኔታ ውስጥ የሚገኙ 70ሺህ ዜጎችን ወደ አገራቸው ለመመለስ ሁኔታዎችን የሚያመቻች በውጭ ጉዳይ ሚኒስትር ዴኤታ ክብርት አምባሳደር ብርቱካን አያኖ የተመራ የመንግሥት ልዑክ በቀጣይ ቀናት ወደ ሳዑዲ አረቢያ እንደሚያቀና ገልጿል።

የውጭ ጉዳይ ሚኒስቴር ቃል አቀባይ ክቡር አቶ ነብዩ ተድላ ዛሬ በሰጡት መግለጫ ልዑኩ በሳዑዲ በሚኖረው ቆይታ አስፈላጊውን ዝግጅት ካጠናቀቀ በኋላ በፍጥነት ዜጎችን የመመለስ ሥራ በቅርቡ እንደሚጀመር ገልጸዋል።

@TikvahethMagazine ክፈት / አስተያየት ይስጡ

2024-04-04 12:24:15 በቀጣይ ዓመት ብሔራዊ መታወቂያ የሌላቸው ነጋዴዎች የንግድ ፈቃድና ምዝገባ አገልግሎት አያገኙም ተባለ

በሚቀጥለው ዓመት የንግድ ፈቃድና ምዝገባ አገልግሎት ለማግኘት ብሔራዊ መታወቂያ ያስፈልጋል በማለት በቀጣይ ዓመት ብሔራዊ መታወቂያ የሌላቸው ነጋዴዎች አገልግሎት ማግኘት እንደማይችሉ የንግድና ቀጣናዊ ትስስር ሚኒስቴር አስታውቋል።

የንግድ ፈቃድና ምዝገባ አገልግሎት ማግኘት የሚፈልጉ ደንበኞች በአካል መገኘት ሳይጠበቅባቸው በኦንላይን አገልግሎት እያገኙ ነው ሲባል ሚኒስቴር መስሪያ ቤቱ የሚሰጣቸው አገልግሎቶች ከሌሎች ተቋማት ጋር የሚያገናኘው በመሆኑ ከተቋማቱ ጋር ሲስተም የማናበብ ስራ በፋይዳ መለያ የሚሰራ መሆኑ ተጠቁሟል።

ስለዚህ የንግዱ ማህበረሰብ ከ2017 በፊት ብሔራዊ መታወቂያ በማውጣት ራሱን ለነገሮች ዝግጁ ማድረግ ይጠበቅበታል ሲሉ በንግድና ቀጣናዊ ትስስር ሚኒስቴር የላይሰንሲንግ እና ሬጉላቶሪ መሪ ሥራ አስፈጻሚ አቶ ጅራታ ነመራ ተናግረዋል።

Credit : EPA

@TikvahethMagazine ክፈት / አስተያየት ይስጡ

2024-04-04 12:21:05 #Update: የግለሰቦች የግል መረጃ ያለፍቃድና ባልተፈቀደለት አካል ጥቅም ላይ እንዳይውል የሚያደርግ አዋጅ በፓርላማ ፀደቀ

የሕዝብ ተወካዮች ምክር ቤት ባካሄደው 3ኛ ዓመት የስራ ዘመን 20ኛ መደበኛ ስብሰባ የግለሰቦች የግል መረጃ ያለፍቃድና ባልተፈቀደለት አካል ጥቅም ላይ እንዳይውል የሚያደርግውን የግል ዳታ ጥበቃ አዋጅ መርምሮ አፅድቋል።

@TikvahethMagazine ክፈት / አስተያየት ይስጡ

2024-04-04 12:20:28 የኢትዮጵያ ሰነደ ሙዓለ ነዋይ ገበያ ከ48 ኢንቨስተሮች 1.5 ቢሊዮን ብር ካፒታል ማሰባሰቡን ይፋ አደረገ

የኢትዮጵያ ሰነድ ሙዓለ ነዋይ ገበያ በፋይናንስና ከፋይናንስ ዘርፍ ውጪ ባሉ መስኮች የተሰማሩ ከ 48 የሀገር ውስጥና የውጪ ባለሀብቶች 1.5 ቢሊዮን ብር ካፒታል ማሰባሰቡን ይፋ አድርጓል።

ገበያው 631 ሚሊዮን ብር ለመሰብሰብ አቅዶ የነበረ ሲሆን የተሰበሰበው ካፒታል 1.5 ቢሊዮን ብር እንደሆነና ከዕቅዱ በ240 በመቶ ብልጫ ያለው መሆኑ ተጠቁሟል።

@TikvahethMagazine ክፈት / አስተያየት ይስጡ

2024-04-04 12:20:03 በሀገራችን ስላምን ለማፅናት፣ ሁላችንም የራሳችን ድርሻ አለን። ለመሆኑ ሰለ አገራችን ሠላም ምን የሚሉት አለ? ስለ አጋራናችሁ  የሰላም ጥሪ መልዕክትስ የሚሰጡን አስተያየት ካለ @Utopiaadd ላይ ያጋሩን። ለሠላም ለመስራት መቼም ረፍዶ አያውቅም! ክፈት / አስተያየት ይስጡ

2024-04-04 12:20:03 ከቅርብ አመታት ወዲህ ዲጂታል ቴክኖሎጂ ለትምህርት አሰጣጥ ዘዴ መፍትሄዎችን ማምጣት ችሏል። ተቋማችንም ከዘመኑ ጋር አብሮ በመጓዝ የተለያዩ ቋንቋዎችን  በዘመናዊ ቴክኖሎጂ እድገት ተማሪና አስተማሪን በቀላል መንገድ በማስተሳሰር መማርን ቀላልና ተደራሽ አድርጎ መቷል።እርሰዎም ፈጥነው በመመዝገብ ፍላጎትዎን ያሳኩ!
   እንግሊዘኛ
   አረብኛ
   አፋን ኦሮሞ
   አማርኛ  ቋንቋን ባሉበት ሆነው ይማሩ!!

ለበለጠ መረጃ፦ 0933666662ወይም
                        0932878889 ይደውሉ

በአካል መምጣት ከፈለጉ
አ.አ፡ቤተል፡ AJ ሞል አራተኛ ፎቅ ላይ ያገኙናል

  ብራይት የስልጠና ማዕከል
  ለብርሀናማ ህይወት ትክክለኛ ቦታ!!

https://t.me/brighttraining90 ክፈት / አስተያየት ይስጡ

2024-04-03 23:10:32 ክፈት / አስተያየት ይስጡ

2024-04-03 20:35:20 የትራፊክ አደጋ መረጃዎችን በቴክኖሎጂ በመታገዝ ለመሰብሰብ የሚያስችል የመግባቢያ ሰነድ ተፈረመ

የኢትዮጵያ ፌደራል ፖሊስ እና የመንገድ ደኅንነትና መድህን ፈንድ አገልግሎት የመንገድ ትራፊክ አደጋ መረጃ አያያዝ ሥርዓትን ለመተግበር የመግባቢያ ሰነድ ተፈራረሙ።

በሀገራችን የሚደርሱ የመንገድ ትራፊክ አደጋዎች ዳታ አያያዝን በቴክኖሎጂ ለማገዝ ጥናትና ሶፍትዌር የማበልፀግ ሂደቱ አልቆ በተግባር ለማዋል ዝግጅት እየተደረገ መሆኑ ተገልጿል። ቴክኖሎጂው መረጃዎች በአግባቡ ተሰብስበው ፖሊሲዎች እንዲዘጋጁ እና አደጋን ለመከላከል የሚያስችሉ መፍትሄዎችንም ለማስቀመጥ እድል ይፈጥራል ተብሏል።

@TikvahethMagazine ክፈት / አስተያየት ይስጡ

2024-04-03 17:14:01 ጁምዓና ከተራን ጨምሮ አራት ቀናት ሥራ ዝግ ሆኖ እንዲከበሩ ጥያቄ ቀረበ

ጁምዓ፣ ከተራና ቃና ዘገሊላ የአደባባይ ሃይማኖታዊ ክዋኔዎች፣ እንዲሁም የካቲት 12 የሰማዕታት መታሰቢያ በዓላት ሥራ ዝግ ሆነው እንዲከበሩ በፓርላማ ጥያቄ መቅረቡን ሪፖርተር አስነብቧል።

በሕዝብ ተወካዮች ምክር ቤት ለጤና፣ የሕዝብ በዓላትንና የበዓላትን አከባበር ለመወሰን የተዘጋጀው ረቂቅ አዋጅ ላይ የሕዝብ ውይይት የተለያዩ የሃይማኖት ተቋማት ተወካዮች፣ ምሁራንና ሌሎች ተቋማት ተሳትፈዋል።

ተሳታፊዎቹ ምን ጥያቄ አቀረቡ?

- የኢትዮጵያ እስልምና ጉዳዮች ጠቅላይ ምክር ቤትን በመወከል የተገኙት ኡስታዝ አህመዲን ጀበል፣ በእስልምና አንድ ሰው 3 ተከታታይ ጁምዓ ካልተገኘ በመናፍቅነት የሚያስፈርጅ ከባድ ጉዳይ በመሆኑ፣ ዓርብ (ጁምዓ) ቀን ሥራ ዝግ እንዲሆን፣ ወይም ደግሞ አሁን በሥራ ላይ ያለውን ከአምስት ሰዓት ተኩል እስከ ሰባት ሰዓት ተኩል በአዋጁ መካተት አለበት ብለዋል።

- ከኢትዮጵያ ኦርቶዶክስ ተዋህዶ ቤተ ክርስቲያን መንበረ ፓትሪያሪክ የሕግ መምርያ ኃላፊ መምህር አባ ገብረ ሥላሴ ጌትነት፣ እየሱስ ክርስቶስ ከገሊላ ወደ ባህረ ዮርዳኖስ ሄዶ መጠመቁን የሚያሳየው የቃል ኪዳኑን ታቦት በመያዝ ጥር 10 ቀን የሚከበረው ከተራና ከጥምቀት በኋላ ጥር 12 ቀን የሚከበረው ቃና ዘገሊላ ክብረ በዓላት ከሥራ ዝግ መሆን አለባቸው ብለዋል፡፡

- በተጨማሪም የካቲት 12 የሰማዕታት ቀን ታስቦ ከመዋል ይልቅ ከሥራ ዝግ ሆኖ መከበር ይገባዋል ያሉት ደግሞ፣ የቅርስ ጥናትና ጥበቃ ባለሥልጣን ዋና ዳይሬክተር አበባው አያሌው (ረዳት ፕሮፌሰር) ናቸው፡፡

የተሰጡ አስተያየቶች ረቂቅ አዋጁን ለማጎልበት እንደሚያግዝ ሲገለፅ፣ አዋጁ ኢትዮጵያውያንን እንዲመስል ዘላቂነት ያለው ውይይት እንደሚደረግም ተጠቁሟል።

@TikvahethMagazine ክፈት / አስተያየት ይስጡ

2024-04-03 17:13:16 ክፈት / አስተያየት ይስጡ