የ ሼን ግጥሞች እና እይታዎች ♥

2023-02-09 16:48:17 ክፍል 2 ክፈት / አስተያየት ይስጡ

2023-02-09 16:46:30 ክፍል አንድ 1 ክፈት / አስተያየት ይስጡ

2023-02-09 16:42:13 #ለሰላም_ከሆነ_አዎ_አሽቃብጣለሁ
ሲናቅ ዝም ካልኩኝ ያብሮ አደጌ ማተብ
ሲጣስ ዝም ካልኩኝ የቤተስኪያን  አደብ
ያ ሰው ሰነባብቶ  ሴራ በመሰብሰብ
የኔንም መስገጃ  ይቀማኛል  በደንብ

አየህ አይከብደኝም ነግበኔዬን ማሰብ

በዳይ  ቢሆኑ እንኳ እናትና አባቴ
ከተበዳይ ጎን ሁን ብሎኛል እምነቴ
ታዲያ
ቤተ እምነት ታውኮ ሀዘን ባጠላባት
ኦርቶዶክሱ ጓዴ  አንገት በደፋበት
በዚህ የቀን ጥቁር
በምችለው ካልቆምኩ ካልሆንኩኝ ከጎኑ
        ምኑ ላይ  ሰው ሆንኩኝ
ብሶቱ ካልባሰኝ  ካልገባኝ  ሀዘኑ
እናም እልሀለሁ......
በኔ ካልደረሰ ምን አገባኝ  እኔ
ብዬ ዝም አልልም ይሄን አረመኔ
ህመሙ ያመኛል ኦርቶዶክስ ወገኔ
ደግሞ.....
ሰላም ከጠፋኮ  ግማሽ ወገን ታሞ 
ለኛም ይቸግራል
ከመስጊድ  ለመስገድ በጀመአ ቁሞ
#ሼን ክፈት / አስተያየት ይስጡ

2023-02-09 16:34:27
በምነቴ ሙስሊም ነኝ_ በማንነቴ ሰው
         ኦርቶዶክስ ወንድሜን 
ሲከፍው የማልወድ _ ሆዴን የሚብሰው
" አዎ ሰው ነኝ እኔ "
ግፍን ለመቃወም _ በደልን ለማውገዝ
በኔ ካልደረሰ _  ብዬ ዘር የማልመዝ
ያንተ ቤት ሲንኳኳ _ ይሰማል እኔም ቤት
ነው እና ከድሮም _ ያገሬ ሰው  ተረት
ዛሬ የኦርቶዶክስ _ ቤተ እመነት ሲታመስ
ዝም ብዬ ባልፍ _  ደርሶ በማድበስበስ
ነገ ይቀጥላል _  የኔ _መስጊድ ድረስ
እናም እጮሀለሁ ...
ስቃይ እንግልቱን  _ ግፉን ተቃውሜ 
ኦርቶዶክስ ወገኔን _ አግዛለሁ ባቅሜ
ቤተ እምነት መተንኮስ _ ነውና አገር ማፍረስ
እባካችሁ ተው  _  ብዙ ደም እንዳይፈስ
#ሼን ክፈት / አስተያየት ይስጡ

2023-02-09 16:34:24 ክፈት / አስተያየት ይስጡ

2022-11-29 15:41:39 #የውድድሩ_አጠቃላይ_መግለጫ
ስታነቡ ከፈለጋችሁ በቃላችሁ አልያም ወረቀት ይዛችሁ በሁለቱም ይቻላል
ግጥሙን በቪዲዮ ስትሰሩ ሌላ የሚረብሽ ድምፅ ባይገባና ጥራት ያለው ቢሆን ይመረጣል
  ማጀቢያ ሙዚቃ( ክላሲካል) ብትጠቀሙ ይበልጥ ሀሪፍ ነው
የምትመርጡት ግጥም አጪር ቢሆን
የተሻለ ነው

ግጥሙን አንብባችሁ ስትጨርሱ  ይሄን ማለት ግድ አለባችሁ    ___ እባላለሁ #የሼን ግጥሞችና እይታዎች የቲክቶክ ገፅ ተወዳዳሪ ነኝ
ግጥሙን የምታስገቡት እስከነገ ማለትም ረቡዕ  10 ሰአት  ድረስ ነው
የሰራችሁትን ቪዲዮ ከስር ባስቀመጥኩት የኔ የቴሌግራም  አካውንት ነው የምታስገቡልኝ
@gitmsetim
@gitmsetim
@gitmsetim

ያልገባችሁን ነገር ለመጠየቅ @gitmsetim ላይ ታገኙኛላችሁ ክፈት / አስተያየት ይስጡ

2022-11-29 14:56:23 አንዳንዶች ከመሄዳቸው በላይ የሄዱበት ምክኒያት ነው እጅጉን የሚያመው ......
ሁሉ ነገርሽን ሳትሰስች ሰጥተሻቸው እነሱ ህመም ብቻ አስረክበውሽ ይሄዳሉ ፣ለሳቃቸው ደፋ ቀና እያልሽ እየደከምሽ እነሱ በምላሹ የምታለቅሽበት ምክኒያት አስረክበውሽ ይሄዳሉ ፣አንቺ ለነሱ ብለሽ ሁሉን ነገር ትተሽላቸው እነሱ ለአንድ ተራ ነገር ሲሉ ጥለውሽ ይሄዳሉ ፣ በቃ አንዳንዶች እንዲህ ናቸው እየኖርሽላቸው ከእድሜሽ ላይ ቀን ሰርቀው ይሄዳሉ ....... ክፈት / አስተያየት ይስጡ

2022-11-29 14:55:52 "እመንና ሸኜኝ"
አብሬህ መሆኔ _ ደስታህን ካጠፋ
ከጎንህ ማደሬ _ ውስጥህን ካስከፋ
የሰጠሁህ ቦታ _ ካልጎላ ለልብህ
የሴትነት ምስሌ _ ካነሰብህ ላይንህ
እቅድህ ካልሆንኩኝ _ ለነገው ሂወትህ
አድሜዬን አልፍጅ እኔም _ አንተም አትቸገር
" አልወድሽም ብለህ "
እመንና ሸኜኝ _ እውነቱን ተናገር
#ሼን ክፈት / አስተያየት ይስጡ

2022-11-29 14:55:29
ልቡ እንደሚወዳት _ እያወቀች በደንብ
ልብሱ ስላደፈ _ ስለሌለው ገንዘብ
ብ...ር ብላ ሄዳ _ ከሱ ተለይታ
የማይወዳትን ሰው _ ለንብረቱ አግብታ
ፍቅርን ተርባ _ ጮማ የጠገበች
አንዳንድ እንከፍ አለች
#መኪናው_የኔ_አይደለም
#ሼን ክፈት / አስተያየት ይስጡ

2022-11-29 14:55:01 ...... አላጋጠማችሁም.......
ድንገት ወደ ሂወታችን ይገቡና አርፎ የተኛ ልባችንን ይቀሰቅሱታል ፣ በተስፋ ይሞሉናል ፣በምኞት እሩቅ ያሳዩናል ፣ምርኩዝ የሆኑ መስለው እጃችንን አጥብቀው ይይዙታል ፣ያን ሰሞን ሆን ብለው ቀድሞ የማናውቀውን አለም ያሳዩናል ያው ሰው አይደለን እኛም ቀን ቀንን እየተካ ሲሄድ ያ አርፎ የተኛ ልባችን ዳግም ይቀሰቀሳል ፡ትናንትናውን ረስቶ አዲስ የሂዎት መንገድ ይጀምርና ፡ አሻግሮ ነገውን ያልማል፡ አጥብቆ የያዘን እጃቸው የማይለቀን የማይተወን መስሎን ሙሉ እኛነታችንን እነሱ ላይ እንጥላለን ፡ እነሱን እንደገፋለን .... ያን ጊዜ ድንገት እንደመጡት ድንገት ምስስ ብለው ከሂወታችን ይወጣሉ... ውረድ ብንለው በዋዛ የማይወርድ የትዝታ ጓዝ አሸክመውን ፡ የማይመለስ ጥያቄ ሰጥተውን እንዲህ ነው ብለው እንኳ ምክኒያታቸውን ሳይነግሩን ድንገት እንደገቡት ድንገት ጥለውን ይወጣሉ ... ክፈት / አስተያየት ይስጡ