ዱአና ፀሎት """"""""""""""" አላህ የፈጠረኝ እኔም የሰላም ሰው፤ እግዜር የፈጠረህ አንተም የሰላም ሰው፤ ለምን ማን እንዳሻው? ከልባችን ኩሬ ፍቅርን ያደፍርሰው፤ ለምን ማን እንዳሻው? የእውነት ዋንጫችን ውሸት ይበርዘው፤ ለምን ማን እንዳሻው? የእምነት ገመዱን ገዝግዞ ይበጥሰው፤ በል ክንዴን ተንተራስ እኔም ተጠግቼ ክንድን ልንተራሰው! ተጣብቀን እንኑር እቅፍ አርገኝ ጓዴ...... ....... እቅፍ ላርግህ ጓዴ፤ እንዲህ ባንሆን ኖሮ በኛ ደም ከባሪ ሊፈጀን ወንበዴ! ማንም ከቀመረው አንገት ብሎ ደፊ የነገር ካራቴ፤ ማንም የሆድ መሪ ሰውነቴን ትቶ መድቦኝ በእትብቴ፤ በዘር ጎጥ ከፋፍሎ የትብታቡን ገመድ ቢከተው ባንገቴ፤ ዱአዬ ሸሸገህ ፀሎትህ መሸገኝ አወጣኝ እምነትህ አወጣህ እምነቴ! አብርሃም ፍቅሬ (የቅዳስ ልጅ) @getem 5.9K viewsedited 15:49