⛪✥HUNDEE AMANTAA✥⛪ — Telegrami kanal

Sooma Duukaa bu'ootaa fi Sooma Fayyinaa

Ayyaana Phiraaqilxoos [guyyaa 50ffaa] booda soomawwan gurguddoon lama eegalu. Isaanis sooma duukaa bu'ootaa fi sooma fayyinaa [Roobii fi Jimaata] yammuu ta'an soomawwan torban keessatti ni lakkaawamu.

Kitaabolee qulqullaa'oo irratti barreeffamee akkuma argannu kakuu moofaa keessatti raajicha Museen seera oriitii Waaqayyoo irraa fudhatee osoo uummata osoo hin barsiisiin dura soomeera. (S. Bah. 34:28). Qulqulloonni raajonnis raawwii jecha waadaa sana akkaa eeggatan Waaqayyoodhaan bu'i dhaladhu, akkaa jedhan soomaa kadhachaa turan.

Gooftaan keenya qorichi keenya Iyyessuus Kiristoos soomni jalqabbii hojii hundumaa ta'uushee nu barsiisuuf osoo wangeela hin barsiisiin dura soomeera. (Mat 4:1-14). Duukaa bu'oonnis erga ayyaana phiraaqilxoositti Afuurri Qulqulluu isaaniif bu'ee booda seera wangeelaa uummataaf osoo hin barsiisiin dura soomaniiru. Nuyis isaanirraa barannee; sirna isaaniin qajeelfamnee; Afuurri Qulqulluun isaanirra bule nurras akka buluuf waggaa waggaatti sooma duukaa bu'ootaa fi sooma fayyinaa, soomawwan biroos kabajnee soomuu akka qabnu qannoonaa mana kiristaanaatiin murtaa'eera. (Haqa Moototaa 15:586)

Soomni duukaa bu'ootaa sooma duukaa bu'oonni Afuura Qulqulluu erga fudhatanii booda addunyaa hundarra naanna'anii wangeela barsiisuun dura soomanidha. Soomni fayyinaa immoo akkuma moggaasni isaa ibsu 'sooma fayyinaa' jechuu yoo ta'u, kunis soomawwan kakuu moofaa sooma Asterii fi sooma Yoodit kan bakka bu'u sooma kakuu haaraati. Kakuu moofaa keessatti sababa Haamaatiin duuti Israa'el irratti labsamee ture sooma Asteeriin akkuma hafe, kakuu haaraattis marii guyyaa Roobii gooftaa keenyarratti raawwateen xaxaan seexanaa waan kufeef bakka sooma Asteer guyyaa Roobii ni soomna.

Kakuu moofaatti sababa sooma Yooditiin Holoohornis akkuma moo'ame, kakuu haaraatti immoo aarsaa qorichi keenya guyyaa Jimaataa fannoo irratti kanfaleen Diyaabiloos waan moo'ameef bakka sooma Yooditii guyyaa Jimaataa ni soomna. Guyyaan Roobii guyyaa itti mariin du'aa gooftaa keenyarratti taasifame, guyyaan Jimaataas guyyaa gooftaan keenya itti fannifame waan ta'eef, aarsaa fannoorratti nuuf kanfalame yeroo hunfa yaadachuun waan nurraa eegamuuf yeroo hunda akka soomnu qulqulluu Sinoodoosiin sirni nuuf hojjetameera. Soomni guyyaawwan lamaan kanaa [Roobii fi Jimaata] sooma fayyinaa jedhama.

Walumaagalatti soomni duukaa bu'ootaa fi soomni fayyinaa akkuma sooma Nanawee fi sooma guddaa lakkoofsa guyyaa ayyaanotaa fi soomawwanii eeguuun kan dhufan fi soomawwan torban keessatti kan ramadamanidha. Xumurri sooma duukaa bu'ootaa guyyaa yaadannoo boqonnaa Qulqulluu Phaawuloos fi Qulqulluu Pheexiroos [Adoolessa 5] yoo ta'u, soomni fayyinaa garuu waqtii du'aa ka'umsaa irraa kan hafe waggaa guutuu kan soomamu waan ta'ee xumurri isaa ayyaana du'aa ka'umsaati.

Bara kana soomi duukaa bu'ootaa waxabajjii 6; soomni fayyinaa immoo waxabajjii 8 ni jalqaba. Kana ta'uusaatiin kan fayyadamnu gocha gaarii matuma keenyaan, kan ceepha'amnus gocha badaa matuma keenyaan ta'uu isaa hubannee kun kan Lubootaati, kan monoksootaati sababa jedhu osoo hin uumiin hundumti keenya tokkummaadhaan yoo soomne qabeenyaabfi kennaan Waaqayyo irraa argannu nuuf baay'ataatii mataa keenya soomaaf of haa qopheessinu.

Galanni Waaqayyoof haa ta'u!

Madda:-Marsariitii Waldaa Qulqullootaa

https://t.me/DooniiNoh

Sirnoota Torbee Dhukkubbii

Uumaan uumamoota hundaa Waaqayyo dhala namaa kabaja gonka ta'een uumuun abboommii inni eeguu qabu waliin bakka kabajaa isa kaa'e. Addaamii fi Hewaanis osoo abboommii kana hin diigiin waggaa 7 fi guyyaa 47 eeganii jiraatan. Booda garuu dogoggora Seexanaan ajaja isaaniif kenname diigan. Waaqayyos Addaam akka cubbuu isaatti gaabbee dubbatuuf (nuzaazee) "Addaam eessa jirta" jedhe. Akkuma lubni cubbuu keenya akka himannuuf nu gaafatu jechuudha.

Addaamis cubbuu isaa dubbate (tanaazzaze). Waaqayyos guyyaa shanii fi walakkaaf (waggaa 5500'f) qannoonaa isaaf kenne. Addaamiinis bakka isaa Gannata irraa ari'e. Addaamis bakka gammachuu kana irraa yommuu ari'amu boo'ichaan gara lafaa kana dhufe. Akkuma har'a daa'imman bakka gammachuudhaan jiraatan garaa haadha isaanii keessaa gara biyya lafaa kana yommuu dhufan boo'an jechuudha.

Torbeen gidiraa kunis gidiraa waggaa 5500 torbee ittiin yaadannu dha. Kana ilaalchisee sirnootni torbee kana keessa hin raawwatamne ni jiru. Isaan keessaa muraasni:-
1. Guyyaa kamisaa irraa kan hafe kadhannaan qiddaasee hin gaggeeffamu. Gaafa kamisaas kan gaggeeffamu guyyaa itti iccitiin qurbaanaa hundaa'e waan ta'eefidha. Sirni kadhannaa qiddaasee guyyaa kanaas kanneen guyyaa biraa irraa adda dha.
Lubootni sagalee isaanii gadi qabuun qaddasu. Kunis Ayihuudotni sagalee isaanii gadi qabuun (asaasuun) fayyisaa keenya akka qabatan agarsiisa. Qaacilliin hin rukutamu. Bakka qaacillii tsinaatsilliitti fayyadamu.....

2. Cuuphaan Kiristaanummaa hin gaggeeffamu. Mat 3:16 irraa akkuma dubbisnu gooftaan keenya cuuphamee kan cuuphaa kiristaanummaa nuuf bu'uure kakuu haaraatti dha. Torbee gidiraa kana garuu kan yaadannu akka bara gidiraa (bara 5500tti) dha.

3. Kadhannaan hiikumsaa (Fitihaatii) nama du'eef hin gaggeeffamu. Waaqayyo aangoo hidhuu fi hiikuu kan lubootaaf kenne kakuu haaraatti dha. Mat 16:19 "Kan lafa irratti hiiktan samii irratti kan hiikame ta'a. Lafa irratti kan hiitan samii irratti kan hiikame ta'a." kan jedhaman kakuu haaraatti yoo ta'u torbeen gidiraa garuu bara gidiraa kan ittiin yaadannu dha. Namoota torbee kana keessa du'aniif dursamee gaafa hoosaa'inaa kadhannaan hiikumsaa ni gaggeeffama.

4. Torbee kana keessatti ayyaanotni kanneen biroo kam iyyuu hin kabajaman. Ayyaanotni kun dursanii ykn ayyaana du'aa ka'umsaa booda akka kabajaman ni taassifama.

5. Dubbisa afuurawaatiin walhin dubbisan. Rom 16:16 irratti qulqulluun Phaawuloos "Dubbisa eebbifamaan wal dubbisaa" jedheera.
Garuu torbee kana keessa Yihuudaan gooftaa keenya dhungachuudhaan dabarsee kennuu isaa yaadachuudhaan wal hin dubbisnu (wal hin dhungannu). Akkasumas yeroo gaddaa waan ta'eef fi wal dubbisuun immoo mallattoo gammachuu waan ta'eef.

6. Fannoo gooftaa luboota harkaa hin dhungannu. Gooftaan keenya kan fannifamu jimaata waan ta'eef.

7. Torbeen kun mana kiristaanaa ooluun kitaaba waa'ee gidiraa gooftaa keenyaa akkaa dhaggeeffanne, akkaa sagadne, isa duraa caalaatti (yoo danda'ame hanga galgala sa'aa tokkootti) akkaa tsoomne kan dabarsinu dha.

Madda: Fuul-barruu, Endalew Melese
15/08/2011 B.A

@DooniiNoh

https://t.me/DooniiNoh

GAARA EJERSAA (ደብረ ዘይት)=

Moggaasa

Tulluu Ejersaa (Dabra zayit) Dabra zaayit jechuun gaara mukni ejersa irratti argamu jechuudha. Gaarri kun Eyyrusalem irraa gara bahatti argama.
Gaara kanarrattii Gooftan waa’ee diigamuu maagaala Eyaarusalem fi darba addunyaa (dhufaati isaa) dubbate ture.Mar 13:3
Gaafa Hoosayinaatis gara Eyaarusalem kan deeme gaara kanarrayi. Mar 11:1
Gaafa kamisaas yihuudotaf dabarsee of kan kenne lafa gaara kana jalatti argamtu Geetasemaniti.Mat.26:30
Erga du’a ka’ee gara samiitti kan olbahe gaara kanarraati.Luq 24:51 fi HDB.1:12.

Barumsa

Torbeee kana keessa waa'ee bara dhumaatu barsiifama. Bara dhumaa yoo jennu, wantoota baay'ee of keessaa qaba. Innis:
➢Dhiyaachuu mootummaa Kiristoos (Ciniinsuu jalqabaa)
➢Dhufaatii Kiristoos fi
➢Du;aa Ka'umsa warra du'anii fi
➢Kennama murtootii.

Akkuma Iziraan jedhe garuu, “Dhufaatiin Mootummaa Waaqayyoo fi kennamuun mootummaa samii akka dhaloota Eesawuu fi Yaa'iqoobii dha" waan ta'eef kan walirraa fagaatu miti.

Yammuu sanattis duuka bu’ootni dhufaatii lamaffaa akkamitti fi yoom akka ta’e gaafachaa turan.Gooftanis mallatoolee bara dhuma kan itti hime gaara kanarratti waan ta’ef torbe bara dhuma fi murtii bara dhuma itti yaadannu dha.

Barri kessa jirru immoo barri dhuma dhiyaachuun isaa kan ittiin ibsamuu beelli, waaranni, jaalalli qorruu fi dhibeen cimuu daabalatee akkasumas raajotni sobduun baay’achuun ragaa dha.

Mallatooleen amma tarrefaman kun gooftan duuka bu’oota isaaf ibse ture. "Gooftan kabajaa fi simboodhaan ifatti ni dhufa hin callisuus abiddis fulduratti isatti ni boba’a” jedhee faarfataan Daawwit waa’ee dhufaatii Gooftaa dubbate ture. (faar 49:3). Kunis, Ifatti ni dhufa kan jedheef akka jalqaba nama ta’uuf dhufe sanatti dhufa osoo hin tane amala Waaqummaa isaa ifatti ibsa jechu yoo ta’u; hin callisu inni jedhe immoo akka yeroo duraa yihuudotni kaballan rukkutan fi hogganaa seexana Bii’elzebul jedhanii itti qoosan sana osoo hin tanee akka hojii isanitti ni kanfalaaf jechuudha.

Kana waan ta’eef torbee kanatti Iyyasus Kiristoos Mat 24:20 irratti yeroo hunda qophaa'aa jiraadhaa; goodansi kessan sanbataa fi ganna akka hin tanee kadhadhaa jedhe inni dubbatee ni lallabama. Kunis Qophaa'aa jechuun isaa gaabbii galaa fooni fi dhiiga koo isa fayyina bara baraaf isiniif kenname fudhadhaa jechuu ibsuufidha. Godaansi keessan sanbata hin ta’in kan jedheef sanbatni guyya boqonnaati waan ta’eef hojiif namni of qophessu hin jiruu waan ta’ee fi dha. Goodansi kessan ganna hin ta’in kan jedhef immoo :-

Ganni yeroo roobaa fi yeroo lafti dhoqqaawu waan ta’eef fiigani jala bahuu fi arii’anii qabuuf illee hin miijatu waan ta’eef, isinis dhufaatiin koo yeroo isinitti fiigicha afuuraa keessan dhaabdanii boodatti deebitanii jirtanitti akka hin taane of eeggadhaa jechuuf

Ganni yeroo baala qofaa malee firiiwwan muka irratti mul'atan waan hin taaneef, isinis yammuun dhufu firii kam hin qabne akka hin taane of eeggadhaa jechuuf.

Akka barumsa Gooftaa keenyaa fi raajii raajotaatti barri dhumaa kun hamaa kan ta'edha; keessa darbuufis tsoomaa fi kadhannaa cimaa kan gaafatu bara hamaadha. Bara kanas beeknee bituuf amantii cimaa, tsoomaa fi kadhannaa guddaa nu gaafata. Akkuma Phaawuloos, “Guyyooliin sun hamoodhaatii baricha bitaa" (Efe 5:16) jedhes bara amantiin cimnee bituun hamma xumuraatti dhaabbachuun barbaachisaa dha.

Kutaalee kitaaba qulqulluu dubbifaman

➢Luba dursaa: Mat 24:1-36
➢Luba gargaaraa: HDB 24:1-22
➢Daaqonii dursaa: 1Tas 4:13-18
➢Daaqonii gargaaraa: 2Phex 3:7-15

Faarfannaa Daawwit (Misbaakii)

Waaqayyoon ifatti ni dhufa
Waaqni keenyi hin callisuu
Ibiddis ni boba'a dura isaatii

( Faar Daw 49:3)

Qiddaasee (sirna galatoo)

➢Qiddaasee Atnaatewoos

"Maaloo Yaa Gooftaa yeroo dhufaatii keetti mootummaa keerraatti nu yaadadhu" #Kitaaba Qiddaasee


Torban gaarii!

Sooma guddaa @DooniiNoh waliin