አስመሳዩ፣ አጭበርባሪው፣ ጨፍጫፊውና አስጨፍጫፊው፣ አሸባሪው የወያኔ ኩሊ አቶ አቢይ አሕመድ ሆይ እ | Gorgora Media

አስመሳዩ፣ አጭበርባሪው፣ ጨፍጫፊውና አስጨፍጫፊው፣ አሸባሪው የወያኔ ኩሊ አቶ አቢይ አሕመድ ሆይ እነኝህን ዘጠኝ ጥያቄዎች የመመለስ ብቃት፣ ሞራልና ድፍረት አለህ ወይ???

1ኛ. አሜሪካ ውስጥ የሽብር ጥቃት የሚፈጸመው የጥቃት ሰለባዎቹ የአሜሪካ መንግሥትን "በአሸባሪዎች ልንጨፈጨፍ ተከበናል ድረስልን!" እያሉ አስቀድመው የድረሱልን ጥሪ እያሰሙ የአሜሪካ መንግሥት ሳይደርስላቸው ቀርቶ ወይም ለጥቃት አጋልጦ ስለሰጣቸው ነው ወይ የሽብር ጥቃት የሚፈጸምባቸው???

2ኛ. የካውንቲ አመራሮች የሽብር ጥቃት ከመፈጸሙ በፊት ሁልጊዜ የነዋሪውን ትጥቅ ገፈው ነዋሪውን ለጥቃት አመቻችተው ሲያበቁ ካውንቲውን ለቀው ስለሚወጡ ነው ወይ በዜጎች ላይ የሽብር ጥቃቶች የሚፈጸሙት???

3ኛ. የአሜሪካ መንግሥት መዋቅር ከላይ እስከ ታች ከአሸባሪዎቹ ጋር ተባብሮ ስለሚሠራ ነው ወይ አሜሪካ ውስጥ የሽብር ጥቃት የሚፈጸመው???

4ኛ. የአሜሪካ መንግሥት የጸጥታ አካላት "አልታዘዝንም!" እያሉ እዚያው ቆመው እያዩ ዜጎችን በአሸባሪዎች ስለሚያስጨፈጭፉ ነው ወይ አሜሪካ ውስጥ የሽብር ጥቃት የሚፈጸመው???

5ኛ. የአሜሪካ መንግሥት አሜሪካ ውስጥ ከአሸባሪዎች ጋር ተባብረው የሽብር ጥቃት የሚያስፈጽሙ አመራሮችና የጦር መኮንኖች ስላሉና እነሱን ለፍርድ ስለማያቀርብ ወይም ተጠያቂ ስለማያደርግ ነው ወይ አሜሪካ ውስጥ የሽብር ጥቃት የሚፈጸመው???

6ኛ. አሜሪካ ውስጥ ዜጎችን "ክልላቹህ አይደለም!" ብሎ በገዛ ሀገራቸው ስደተኛ የሚያደርጋቸውና ለጥቃት የሚያጋልጣቸው ሕገመንግሥት ስላለ ነው ወይ አሜሪካ ውስጥ በዜጎች ላይ የሽብር ጥቃት የሚፈጸመው???

7ኛ. የአሜሪካ ሕገመንግሥት አንዱን ዘር ለይቶ ሐሰተኛ የጥላቻ ትርክት ስለሚነዛበትና የጥቃት ዒላማ ወይም ሰለባ ስላደረገው ነው ወይ አሜሪካ ውስጥ የሽብር ጥቃት የሚፈጸመው???

8ኛ. አሜሪካን ሀገር ውስጥ ወንጀልን በስሙ የመጥራት የሞራል ብቃት የሌለው፣ በዚህ ድርጊቱም ለአሸባሪዎች ሽፋን የሚሰጥ፣ ትጥቅ የሚያስታጥቅና የሽብር ጥቃቶችን ለመከላከል ቁርጠኛ ያልሆነ ሸፍጠራ፣ ሴረኛ፣ ፀረ ሕዝብ መንግሥት ስላለ ነው ወይ አሜሪካ ውስጥ በዜጎች ላይ የሚፈጸመውን የሽብር ጥቃት ማስቆም ያልተቻለው???

9ኛ. አገዛዙ እርስዎ እንዳሉት እየተፈጸሙ ባሉ የዘር ማጥፋት ጭፍጨፋዎች እጁ ከሌለበት ለምንድን ነው ታዲያ እነዚህን ሁሉ ክፍተቶች የፈጠረውና "የሚፈጸሙ የዘር ማጥፋት ጭፍጨፋዎችን በገልተኛ አካላት ይጣራ!" ሲባል "ከቶ እንዴት ተደርጎ? አንገቴ ይታረዳል እንጅ ፈጽሞ አይደረግም!" የሚሉት???

አዎ በእርግጥ አገዛዙ እየፈጸመውና እያስፈጸመው ያለውን የአማራን ዘር የማጥፋት ጭፍጨፋን እየተከላከለ ያለ መስሎ ለመታየት በሚያደርጋቸው የሴራ ውጊያዎች ውስጥ እንዲገቡና እንዲገደሉ የሚደረጉ ምስኪን የዋሃን ጸጥታ አካላት አሉ፡፡ እነሱ ግን ለእናንተ ቁማራቹህን የምትቆምሩባቸው በጦስ ዶሮዎች ሲሆኑ ለኢትዮጵያ ሕዝብ ግን መሥዋዕትነት የከፈሉ የግፍ ሰለባ ውድ ልጆቹ ናቸው እንጅ አገዛዙ ሰላምና ጸጥታን የማስከበር ፍላጎት ኖሮት ይሄንን ለማድረግ ሲንቀሳቀስ መሥዋዕትነት እንዲከፍሉ ያደረጋቸው ወታደሮች ወይም የጸጥታ አካላት አይደሉም!!! ይሄ ላለመሆኑ ከላይ የተነሡት የአገዛዙን አሻጥር፣ ቁማርና ሴራ የሚያጋልጡ መስቀለኛ ጥያቄዎች ያረጋግጣሉ!!!

እናም አሸባሪው፣ ጨፍጫፊውና አስጨፍጫፊው እናንተ እራሳቹህ ወያኔ/ኢሕአዴጎችና እንደ ኦነግ ያሉ አጋሮቻቹህ ናቹህ እንጅ ሌላ ማንም አይደለም!!!

ሠዓሊ አምሳሉ ገ/ኪዳን አርጋው

@GorgoraMedia