2022-05-05 07:35:02
የመንጃ ፍቃድ ትምህርት
ንድፈ ሀሳብ - ክፍል 2
የነዳጅ አስተላላፊ ክፍሎች
ሞተር በትክክል ሀይል የማመንጨት ተግባር እንዲያከናዉን ከሚያስችሉት ሀይል አጋዥ ክፍሎች መካከል የነዳጅ አስተላላፊ ክፍሎች ይጠቀሳሉ።
የነዳጅ አስተላላፊ ክፍሎች የምንላቸዉ ከነዳጅ ማጠራቀሚያ ጋን እስከ ኮምበስሽን ቻምበር ወይም ሲሊንደር ድረስ ያሉትን ክፍሎች ሲሆን በሚገኙበት የሞተር አይነት በሁለት ይከፈላሉ።@Ghionautomotive
እነርሱም:-
የቤንዚን ሞተር የነዳጅ አስተላላፊ ክፍሎችና የናፍጣ ሞተር የነዳጅ አስተላላፊ ክፍሎች ናቸዉ።
በቅድሚያ የቤንዚን ሞተር የነዳጅ አስተላላፊ ክፍሎችን በዝርዝር እንመልከት።
ሳልቫትዮ(የነዳጅ መያዣ ጋን):- ተሽከርካሪዉ ሀይል ማምረት እንዲችል የሚያደርገዉን ነዳጅ ማለትም ቤንዚን የሚይዝ የነዳጅ አስተላላፊ ክፍል ነዉ።@Ghionautomotive
fuel line(የነዳጅ መስመር):- ከነዳጅ ማጠራቀሚያ ጋን ወደ ፓምፕና ካርቡሬተር ነዳጅን የሚያስተላለፍ ነዳጅ አስተላላፊ ቱቦ ነዉ።
ፊልትሮ(የነዳጅ ማጣሪያ):- ወደ ካርቡሬተርና ሲሊንደር የሚገባዉን ነዳጅ የሚያጣራ ክፍል ነዉ።@Ghionautomotive
ፖምፔታ(የነዳጅ ፓምፕ):- ነዳጅን ከሳልቫትዮ በመሳብ በግፊት ሀይል ወደ ካርቡሬተር የሚያስተላልፍ ክፍል ነዉ።
ካርቡሬተር:- Carburetor በGasoline engine ወይም የቤንዚን ሞተር ላይ ብቻ የሚገኝ ሲሆን ዋና አገልግሎቱም አየር እና ነዳጅን መጥኖ በማዋሀድ ወደ ሲሊንደር እንዲገባ ማድረግ ነዉ።@Ghionautomotive
የካርቡሬተር ክፍሎች
ቾክ ቫልቭ:- በካርቡሬተር የላይኛዉ ክፍል በመገጠም የአየር ማስገቢያን ለመዝጋት ወይም ለመክፈት የሚያገለግል ሲሆን ጠዋት በቅዝቃዜ ጊዜ ሞተር ስናስነሳ የአየሩ መጠን አንሶ የነዳጁ መጠን መብዛት ስላለበት የአየር መተላለፊያዉን በመዝጋት ሞተር ቶሎ እንዲነሳ የሚያደርግ ክፍል ነዉ።@Ghionautomotive
ፍሎት ቦል(ተንሳፋፊ ኳስ):- በካርቡሬተር ዉስጥ መጠኑን የጠበቀ ነዳጅ እንዲኖር የሚቆጣጠር ክፍል ነዉ።
ቬንቹሪ:- በካርቡሬተር ዉስጥ አየርና ነዳጅ ተመጥነዉ የሚደባለቁበት ጠባብ የካርቡሬተር ክፍል ነዉ።
የventuri ወይም ጠባቧ የcarburetor ክፍል የአየሩ ፍጥነት እንዲጨምር እና ግፊቱ እንዲቀንስ በማድረግ ነዳጅና አየር እንዲቀላቀል ያደርጋል።@Ghionautomotive
ይህም carburetor በበርኖሊ ህግ ወይም Bernoulli's principle አማካኝነት እንደሚሰራ የሚያሳይ ሲሆን
Bernoulli's principle አየር ፍጥነቱ በሚጨምርበት ጊዜ ግፊቱ እንደሚቀንስ ያስቀምጣል።@Ghionautomotive
ትሮትል ቫልቭ:- ከነዳጅ መስጫዉ ፔዳል ጋር የተያያዘ ሲሆን በቬንቹሪ ዉስጥ የተቀላቀለዉ የነዳጅና የአየር ድብልቅ ወደ ሲሊንደር ዉስጥ ሲገባ መጠኑን ለመጨመርና ለመቀነስ የምንጠቀምበት ቫልቭ ነዉ።
የካርቡሬተር ፒስተን:- የventuri የጎን ስፋት እንዲጨምርና እንዲቀንስ ያደርጋል።@Ghionautomotive
main jet:- ነዳጅ ወደ venturi እንዲተላለፍ ያደርጋል።
idler channel:- ተሽከርካሪ በሚኒሞ እየሰራ አየር የሚያልፍበት ክፍል ነዉ።
Neddle jet:- እንደ carburetor ፒስተን እንቅስቃሴ main jet እንዲከፈት እና እንዲዘጋ የሚያደርግ ሲሆን ተሽከርካሪ በሚኒሞ ሲሰራ main jetን በመዝጋት ነዳጅ ወደ venturi እንዳያልፍ የሚያደርግ ሲሆን አየር ደግሞ በidler channel እንዲያልፍ ያደርጋል።@Ghionautomotive
ዲፕራተር(የአየር ማጣሪያ):- በካርቡሬተር የላይኛዉ ክፍል ላይ በመሆን ሶስት ተግባራትን ያከናዉናል:-
1, ወደ ካርቡሬተር(ሲሊንደር የሚገባዉን አየር ያጣራል።
2, በካርቡሬተር አናት በኩል የሚነሳዉን እሳት ያስቀራል።
3, ከሞተር አካባቢ ሊነሳ የሚችልን ድምፅ አፍኖ ያስቀራል።@Ghionautomotive
የናፍጣ ሞተር ሀይል አስተላላፊ ክፍሎች
ሳልቫትዮ(የነዳጅ ማጠራቀሚያ ጋን):- ሞተር ሀይል ለማምረት የሚያስችለዉን በቂ ነዳጅ የሚይዝ ክፍል ነዉ።@Ghionautomotive
ፊድ ፓምፕ(መጋቢ ፓምፕ):- ነዳጅን ከነዳጅ ማጠራቀሚያ ጋን ስቦ በፊልትሮ በኩል በአነስተኛ ግፊት ለኢንጀክሽን ፓምፕ የሚያደርስ የነዳጅ አስተላላፊ ክፍል ነዉ።@Ghionautomotive
ፊልትሮ(የነዳጅ ማጣሪያ):- ነዳጅን በማጣራት ወደ ኢንጀክሽን ፓምፕ እንዲደርስ የሚያደርግ ክፍል ነዉ።
በናፍጣ ሞተር ላይ ሁለት አይነት ማጣሪያዎች ያሉ ሲሆን እነርሱም:-
የመጀመሪያ ማጣሪያ እና የሁለተኛ ማጣሪያ ናቸዉ።@Ghionautomotive
በናፍጣ ሞተር ላይ ሁለት የነዳጅ ማጣሪያ ያስፈለገበት ምክንያት ናፍጣ ቆሻሻ የመሸከም ባህሪ ስላለዉ ነዉ።
ኢንጀክሽን ፓምፕ:- ከፊድ ፓምፕ(መጋቢ ፓምፕ) በአነስተኛ ግፊት የሚመጣዉን ነዳጅ ተቀብሎ በከፍተኛ ግፊት ወደ ኢንጀክተር ኖዝል(እኛቶሪ) የሚያስተላልፍ ክፍል ነዉ።@Ghionautomotive
ኢንጀክተር ኖዝል(እኛቶሪ):- ከኢንጀክሽን ፓምፕ በከፍተኛ ግፊት ተገፍቶ የመጣዉን ነዳጅ ተቀብሎ በጉም መልክ ወደ ሲሊንደር በመርጨት ሀይል እንዲፈጠር የሚያግዝ ክፍል ነዉ።
መላሽ መስመር:- በእያንዳንዱ ኢንጀክተር ኖዝል(እኛቶሪ) ላይ በመሆን በትርፍነት የሚገኘዉን ናፍጣ በማሰባሰብ ወደ ሳልቫትዮ የሚመልስ ክፍል ነዉ።@Ghionautomotive
ካንዴሊቲ(ግሉ ፕለግ):- በናፍጣ ሞተር ሲሊንደር ዉስጥ ተጨማሪ ሙቀት እንዲፈጠር በማድረግ ሞተር ቶሎ እንዲነሳ የሚያግዝ ክፍል ነዉ።
ለነዳጅ አስተላላፊ ክፍሎች መደረግ ያለበት ጥንቃቄ
የነዳጅ ክፍሎችን ንፅህና መጠበቅ
መስመሮቹ በጥብቅ የታሰሩና የማያፈሱ መሆናቸዉን ማረጋገጥ
ሳልቫትዮን ሁልጊዜም በትክክለኛዉ ክዳን መክደን
በሳልቫትዮ ምንጊዜም በቂ ነዳጅ እንዲኖር ማድረግ@Ghionautomotive
ማብራሪያዉ ግልፅ እንዲሆንልዎት ቨዲዮዉን በዚህ ሊንክ
ይመልከቱ!
ግዮን አዉቶሞቲቭ!
@GhionAutomotive
1.8K viewsSam Bob, 04:35