💫Getish💫

2022-08-13 11:08:28 ​​ የፍቅር ንቅሣት

ፀሀፊ፡ኮዜት ዳንኤል

ክፍል


በእውነተኛ ታሪክ ላይ የተመሠረተ ልብ አንጠልጣይ እና አሳዛኝ የፍቅር ታሪክ


ሁሉንም ፎቶዎች በቅርፅ ከቆራረጥኳቸው በኀላ ያዘጋጀሁት ማስታወሻ ደብተር ላይ ለጠፍኳቸው።የቀረው ቦታ ላይ የፍቅር ጥቅሶች በመፃፍ፣የተለያዩ ስዕሎችን በመሣል እና ለየት ያሉ ፅሁፎችን በመፃፍ ደብተሩን በደምብ ካስዋብኩት በኀላ ከጀርባው የቀረው ቦታ ላይ ከተዋወቅን ጀምሮ ያሣለፍነውን የማይረሣ ጊዜ ፅፌ ካሠብኩት ቀን ቀድሜ ጨረስኩ።ምንም እንኳን ከነ ሮቢ ቤት ብንወጣም አንድ ቀን እንኳን ርቀታችን እንዲሠማኝ አያረግም ነበር፤በቻለው ሁሉ ባገኘው አጋጣሚ ያገኘኛል።በስልክ ምናወራበት ሠአትም በጣም ብዙ ስለሆነ ሁለታችንም አብረነሸ ያለን ያህል ነበር ሚሠማን ግን ከኔና ከሡ ችግር ፍቅር የያዘው ይመስል ሁሌ አብሮን ነው።ጥቅምት ወር መጨረሻ አከባቢ እኔ ስልኬን ት/ቤት ተሠረኩኝ፤ያው ስልኬ ለኔ ስልክ ብቻ አልነበረችም ሮቢ አጠገቤ እንዳለ እንዳስብ ምታረግ ትልቅ ሀይልም ነበራት።ነገር ግን እናቴ ሁሉንም ነገር ስለምታውቅ በሷ ስልክ መደዋወል ጀመርን፤መቼም ከምንም ይሻላል።ህዳር 4 የሮቢ ልደት ነበር፤ምንም እንኳን ስልክ ባይኖረኝም ከሁሉም ሠው ቀድሜ ሮቢዬን መልካም ልደት የምልበት እድል አላጣሁም ነበር።የልደቱ ቀን እኔ ከቤት መውጣት ስላልቻልኩ እሡ እቤት መጥቶ ተገናኝተን በዛውም ያዘጋጀሁለትን ስጦታ ሠጥቼው ብቻውን እንዲያየው ነገርኩት።ሮቢ ስጦታውን እንዳየው ደውሎልኝ ብዙ አወራን፤በጣም ደስ ብሎት ነበር እኔም የሡ ደስታ ተጋብቶብኝ ደስተኞች ሆንን።ሰከንድ ሰከንድን፤ደቂቃ ደቂቃን፤ሠአት ሠአትን፤ቀናት ቀናትን እየተኩ ህዳር 15 ቀን ፍቅር ከጀመርን 9ወር ከ10 ቀን በኀላ ቀለበት አደረገልኝ።በጣም የተለየ ስሜት ነበር የተሠማኝ እንዴት ብዬ ላስረዳቹ በቃ ያላያችሁ ስታዩት ያያችሁ ደሞ የተሠማችሁን አስታውሣቹ ትንሽ ከገባቹም ተረዱኝ።ቀኑን ሙሉ ማታም ቁጭ ብዬ ቀለበቴን ሣየው አደርኩኝ።ሮቢ promise ካረገልኝ በኀላ ፀባዩ ቀስ በቀስ መለወጥ ጀመረ።



....ይ
......
.........ጥ
............ላ
...............ል



•.¸♡ ይ ጥላል ♡¸.• ክፈት / አስተያየት ይስጡ

2022-07-30 11:43:13 ​​ የፍቅር ንቅሣት

ፀሀፊ፡ኮዜት ዳንኤል

ክፍል


በእውነተኛ ታሪክ ላይ የተመሠረተ ልብ አንጠልጣይ እና አሳዛኝ የፍቅር ታሪክ


የኔና የሮቢ ፍቅር በድጋሚ ሊፈተን ነው፤የኔና የሮቢ እናት ተጣሉ።ሮቢ ነገሩ ስላስጨነቀው ሁሉቱን ለማስታረቅ የአስትን እናት ሊያመጣት ወደ አሠላ ሄደ።ሮቢ ስልኩ ተበላሽቶበት ስለነበር እሡ በሌላ ሠዉ ስልክ ሲደዉልልኝ ብቻ ነበር ማገኘው፤እናቴም ቤቱን ለመልቀቅ አስባ ለጊዜው እዛው ሠፈር አገኘች።ለሮቢ እንኳን ነግሬው እንዲያስቆማት ማድረግ አልቻልኩም ነበር ምክንያቱም ሮቢ አልደወለልኝም፤ሮቢ አርፍዶ ነበር ቤቱን ለቀን አዲሡ ቤት እቃውን አስገብተን ስንጨርስ ደወለልኝ።ሮቢ በጣም ባይናፍቀኝ ኖሮ ቀዛ ሠአት ባላወራው ደስ ይለኝ ነበር፤አነሳሁና አዋራሁት በጣም ቅዝቅዝ ብዬበት ስለነበር ምን እንደሆንኩ ሲጠይቀኝ ሁሉንም ነገር ነገርኩት ሮቢ ምንም አላለኝም ሣወራም አይመልስልኝም በጣም ጨነቀኝ ስሙን ደጋግሜ ብጠራውም መልስ የለም ከብዙ ዝምታዎች በኀላ ያለ ምንም መልስ ስልኩ ተዘጋ።ሮቢ በጣም ሲከፋው ምንም አይናገርም ዝምታን ነው ሚመርጠው፤ምንም አያጠያይቅም አሁን ሮቢ በጣም ከፍቶታል።እኔም ሀዘኔን ዋጥ አድርጌ እሡን እንዳላፅናናው እንኳን እንደ ሌላው ጊዜ አብረን አይደለንም ሌላው ቢቀር እንኳን ስልኩ አይሠራም።ሮቢ በነጋታው ከተረጋጋ በኀላ ደወለልኝ እዛ ምንም እንደማይሠራ እና ቶሎ እንደሚመጣ እቤትም መጥቶ እንደምንገናኝ ነገረኝ።ሮቢ በነገረኝ ቀን እቤት መጣ።ሮቢዬን ከ3 ቀን ናፍቆት በኀላ አገኘሁት፤ሁሉንም ሠላም ብሏቸው እኔ ጋ ሲደርስ ተያየን እና ተቃቀፍን።እስኪሄድ ድረስ አቅፎኝ ቁጭ አልን፤ማም እያየችን ትገረማለች ምንም ብንፈተን ፍቅራችን ይበረታል እንጂ ቀዝቅዞ አያውቅም ነበር።ከሮቢ ጋ በዚህ መንገድ እሡ እቤት እየመጣ መገናኘት ጀመርን።ከነ ሮቢ ቤት ነሀሴ 21/2010አ.ም ነበር የወጣነው፤ማም የተሻለ ቤት ስታገኝ ነሀሴ 28/2010አ.ም ጭራሽ ሠፈሩን ለቀን ወደ ሌላ ሠፈር ገባን።የገባን ቀን ለሮቢ በምልክት እየነገርኩት መጣ።ሮቢ አዲስ የተከራየንበት ቤት ሁሌ ይመጣል፤ቢያንስ አሁንም ሮቢዬን አገኘዋለው ለኔ ይሄ በቂ ነበር።እንግዲህ በዚህ ሁኔታ 2011 መጣው መጣው ተቀበሉኝ ማለት ጀመረ።መስከረም 1/2011አ.ም ሮቢዬ ወደ ከሠአት እቤት መጥቶ አብረን በአሉን ደስ ብሎን አሣለፍን።ለ10ኛ ክፍል ሁለታችንም መዘጋጀት ጀመርን፤ት/ትም ተጀምሮ እንደ በፊታችን ት/ቤት መገናኘት ጀመርን ቅዳሜ ቅዳሜ ደግሞ ሮቢ እቤት እየመጣ አብረን እንውል ነበር።የሮቢ ልደት ህዳር ወር ላይ ስለነበር እኔ ልሠጠው ያሠብኩት ስጦታ ደሞ ጊዜ ስለሚፈልግ ስልኬ ያሉትን ፎቶዋችንን ቶሎ በማሳጠብ ጀመርኩኝ።ሁሉንም ፎቶዎች በቅርፅ ከቆራረጥኳቸው በኀላ ያዘጋጀሁት ማስታወሻ ደብተር ላይ ለጠፍኳቸው።


....ይ
......
.........ጥ
............ላ
...............ል



•.¸♡ ይ ጥላል ♡¸.• ክፈት / አስተያየት ይስጡ

2022-07-23 09:54:19 ​​ የፍቅር ንቅሣት

ፀሀፊ፡ኮዜት ዳንኤል

ክፍል


በእውነተኛ ታሪክ ላይ የተመሠረተ ልብ አንጠልጣይ እና አሳዛኝ የፍቅር ታሪክ


ሁለታችንም ዝም ዝም ብቻ እንደምንም አፌን አላቅቄ ሮቢ አልኩት፤ መጥቶ አቀፈኝ።ይኸዉልሽ ርብቂ ሚም ፈቅዳለች አለኝ እየሣቀ እስካሁን እንዳዘነ ያስመሠለው surprise ሊያረገኝ ፈልጎ እንደሆነ ነገረኝ።ደስታዬ አሳብዶኝ ዘልዬ ተጠመጠምኩበት።ሁሉንም ነገር ያወሩትን አንድ በአንድ ነገረኝ፤ማምን ጠርቷት ውጪ እንደወጡ እሡ ምንም ሣያወራ<ሮቢ ይኸውልህ ለምን እንደፈለከኝ አውቃለው ያንተና የርብቃ ፍቅር ብዙ ተፈትኗል ግን የእናንተ ፍቅር እንኳን ሊቀንስ ይበልጥ ጨመረ፤የሁለታችሁንም ፀባይ እያስተዋልኩ ነበር እናንተን መለየት ፈፅሞ ማይታሠብ ነው እግዚአብሔር ያጣመረውን ማንም መለየት አይችልም>ብላው ፍቅራችንን እነሸደመረቀችልን እና እሡንም ብዙ እንደመከረችው ነገረኝ።
የዛሬው ደስታዬ ልክ አጣ፤ወደ ማታ አከባቢ የተጠራው ሠው ሁሉ ተሸኝቶ እኛ ተሠብስበን መጨዋወት ጀመርን።ሌሎቹ ምርቃቱን ሲያከብሩ እኔና ሮቢ ደግሞ የፍቅራችንን የነፃነት ቀን እያከበርን በጣም ተደስተን አሣለፍን።ከዛ በኀላ ያሉት ቀናቶች ሁሉ በጣም ደስተኛ እየሆንን የፍልሠታ ፆም ደረሠ።ፍልሠታን አብረን ማስቀደስ ጀመርን፤የ6 ወራችን ማግስት ጊዜ አልሄድንም ነበር ሳናስበው በጣም ለየት ባለ መንገድ አከበርነው፤ቤቱን ቀለም እየቀባን ደስ የሚል ቀን ነበር አንዴ ፊታችንን አንዴ ፀጉራችንን እየተቀባን ቤቱን ቀብተን ጨረስን።ነሀሴ 14/2010አ.ም እኔና ሮቢ መንገድ ላይ ቆመን እያወራን ሶስት ወንዶች ከፊታችን መጡ፤ልክ አጠገባችን ሲደርሱ ቆሙና አንዱ ልጅ እኔን ጎተተኝ ሮቢ እኔን ሊያስለቅቀኝ ሲሌ የቀሩት ሁለት ልጆች ከሗላ ይዘውት ቸመዞሪያ እንኳን ጊዜ ሣይሠጡት በጩቤ ወጉት፤ሮቢ አይኔ እያየ ከፊቴ ሲወድቅ ነበር ከዚ እውነት ከሚመስል አስፈሪና አስቀያሚ ቅዠት የነቃሁት፤ልክ እንደተነሳው የእውነት የሆነ ይመስል የሆነውን እያስታወስኩ አለቀስኩ።ከእናቴ ጋ ስለነበር የተኛሁት ሳለቅስ ተነስታ ምን እንደሆንኩ ስትጠይቀኝ ነገርኳት፤እሧም ሁኔታዬ አስገርሟት እየሣቀች ጠግቦ በልቶ ስለተኛ ነው አለችኝ፤እኔም የሠጠችኝ ምክንያት ፈገግ ቢያስብለኝም ሮቢን እስካገኘው እና ምንም እንዳልሆነ እስካረጋግጥ አላመንኩም።አይነጋ የለ ያ የጭንቅ ለሊት ነግቶ ሮቢን አገኘሁት፤ያየሁትን ህልም ስነግረው ሆዱን እስኪያመው በኔ እንደዛ መሆን እየሣቀ እሡም እናተሰ እንዳለችኝ ጠግቦ በልቶ ስለተኛ እንደሆነ ነገረኝ።እኔም እያሾፍኩ ሁለተኛ ጠግበህ እንዳትበላ አልኩት፤ሁለታችንም ተሣሣቅን።
ቀናቶችም እየበረሩ መቼም ህይወት ብዙ ስሜቶች ሚፈራረቁባት ናት፤ደስታ ሲኖር ሀዘን ይኖራል።የኔና የሮቢ ፍቅር በድጋሚ ሊፈተን ነው።


....ይ
......
.........ጥ
............ላ
...............ል



:..｡o○ ይ ጥላል .... .... ○o｡..: ክፈት / አስተያየት ይስጡ

2022-07-23 09:51:20 Join Us @Getish1 ክፈት / አስተያየት ይስጡ

2022-07-20 13:27:52 ​​ የፍቅር ንቅሣት

ፀሀፊ፡ኮዜት ዳንኤል

ክፍል


በእውነተኛ ታሪክ ላይ የተመሠረተ ልብ አንጠልጣይ እና አሳዛኝ የፍቅር ታሪክ



የምርቃቱን ዋዜማ ደስ ብሎን አሣልፈን ማታ ላይም ስራ ሲሰራ ስለነበር አብረን ብዙ አመሸን።ነገ እኔና ሮቢ የማም ባልን ልናስመርቀው ስለምንሄድ ተኛን።ቀኑ በጣም ደስ ይል ነበር አይነጋ የለ ነግቶ እኔና ሮቢ የማም ባልን ልናስመርቅ ሄድን።የማም ባል ወንድሙና እናቱም አብረውን ነበሩ።አብረን ብዙ ፎቶ ተነስተን እቤት ወደተዘጋጀው ዝግጅት ስንሄድ ድምቅ ብሏል ሁሉም ነገር ቦታ ቦታውን ይዞ ደስ ይላል።የተጠሩ ሠዎች መምጣት ሲጀምሩና ሁሉም busy ሲሆኑ ሮቢ ጠርቶኝ እነሡ ቤት ሄድኩ።እንዲህ ብቻችንን ከተገናኘን ስንት ጊዜ ሆኖን ነበር ሄጄ ጥምጥም ብዬ አቀፍኩት እሡም አቀፈኝና ይሄን ያሣለፍነው ጊዜ እንደማይደገምና በራሡ መንገድ እንደሚያስተካክለው ቃል ገባልኝ።በምን አድርጎ እንደሚያስተካክለው ግራ ቢገባኝም ሁሌም ሮቢ ላይ ትልቅ እምነት አለኝ።በተለይ የአባቴ ምትክ ነሽ ካለኝ በኀላ በምንም means እንደማይተወኝ እርግጠኛ ነበርኩ።እኔም አባቴን ካሉኝ ነገሮች ሁሉ አብልጬ ነው ምወደው ከአባቴ በኀላ በዚ መጠን የወደድኩት የመጀመሪያው ወንድ ሮቢ ነው።ማም ከፈለገችኝ እንዳታጣኝ ብዬ ቶሎ ወጣው፤እኔ እንደወጣው ሮቢም ትንሽ ቆይቶ መጣና ማም ጋ ሄዶ በጆሮዋ የሆነ ነገር ሲላት እሧም አንገቷን ወደ ላይና ወደ ታች ነቀኘቀችለት።
ከዛ ተከታትለው ከግቢ ውጪ ወጡ፤የዛን ጊዜ የተሠማኝ ፍርሀት እና ድንጋጤ መቼም አጋጥሞኝ አያውቅም ነበር።ቆይተው የገቡት ቢያንስ ከ10 ደቂቃ በኀላ ቢሆንም ለኔ ግን ከሮቢ ጋ በነፃነት ሣንገናኝ ያሣለፍነዉን 10 ቀን ያህል ነበር የረዘመብኝ፤ሮቢ ከማም ጋ አውርቶ ሲጨርስ በምልክት ወደ ቤት ጠራኝ።ሲጀምር ባይጠራኝም እኔም ልሄድ ነበር ወዲያው ሄድኩ፤ልክ ሣየው የከፋው ይመስላል ቃል ማውጣት አልቻልኩም በቃ መጥፎ ዜና ምሰማበት አቅም አልነበረኝም።ዝም ብዬ አየሁት እስካሁን እንዳቀረቀረ ነው ሁለታችንም ዝም ዝም ብቻ እንደምንም አፌን አላቅቄ ሮቢ አልኩት መጥቶ አቀፈኝ።


....ይ
......
.........ጥ
............ላ
...............ል



:..｡o○ ይ ጥላል .... .... ○o｡. ክፈት / አስተያየት ይስጡ

2022-07-17 10:36:19 ​​ የፍቅር ንቅሣት

ፀሀፊ፡ኮዜት ዳንኤል

ክፍል


በእውነተኛ ታሪክ ላይ የተመሠረተ ልብ አንጠልጣይ እና አሳዛኝ የፍቅር ታሪክ


አንዳንዴ ባልሄድ እንኳን አስት ፍቅርን እየላከቻት ትጠራኝ ነበር።ሀምሌ 5/2010አ.ም ከሮቢዬ ጋ 5 ወር ሞላን፤የአመቱ አቡኤ ስለነበር እኔ ሮቢ አስት እና ፍቅር ልናነግስ ቤተ ክርስቲያን ሄድን።ሮቢን የመጀመሪያ ልጃችን ስም ማን ቢሆን ደስ ይልሀል ስለው በጣም ነው የገረመኝ እኔም ያሠብኩትን ስም ነበር የነገረኝ "ቅዱስ" የሁለታችንም ምርጫ ነበር ደስ ሲል!ቀኑ የሠኔ ፆም መፍቻ ስለነበር ወደ ቤት ሄደን አስት ወጥ መሠራራት ጀመረች።እነ ማም ከስራ ሲመጡ ሁላችንም አንድ ላይ በላን።ሀምሌ 11/2010አ.ም(ርብቃ ምክንያቱን መጥቀስ አልፈለገችም) በድጋሚ እናቴ ከሮቢ ጋ እንድንለያይ ጥብቅ የሆነ ትዕዛዝ ሠጠችኝ።እናቴ ውሳኔዋ የሚሻር አይመስልም ነበር።የሚያፈቅሩትን ሠው ለማጣት ማሠብ በጣም ከባድ ነው።ለመጀመሪያ ጊዜ የእናቴን ትዕዛዝ ተላለፍ4ኩ፤ከሡ መለየት እንደማልችል ቃል በቃል ነገርኳት።እሧም በሠአቱ በጣም ተናዳ ስለነበር ያለችኝን ካላደረኩ ቤቱን እንደምትለቅ ነገረችኝ።ግን ማነው እስቲ እኔ በዛ ሠአት የተሠማኝ ስሜት የገባው ለማንም የማይገባ ስሜት ነበር።<መቼም ወጥተን አይኑን ከማላየው ያልሽኝን አደርጋለው ግን እሡን ከኔ ልታርቂው ምትችይው በአካል ነው ከልቤ ሊወጣ አይችልም>አልኳት።እናቴ ንዴቷ ጠፍቶ በንግግሬ እየተገረመች አንቺ እኮ ገና ልጅ ነሽ ብዙ ህይወት ይጠብቅሻል አለችኝ።የኔ ማዘን ቢያሣዝናትም በሠአቱ በሮቢ ተናዳበት ስለነበር ውሣኔዋን ሊያስቀይራት አልቻለም።ቀናቶች እየተቆጠሩ በመጡ ቁጥር እኔና ሮቢ በነፃነት የመገናኘት ፍላጎታችንና ሀዘናችን እየበረታ መጣ።እንደ በፊቱ አንድ ላይ መዋል የለ አብረን ምግብ መብላት የለ በቃ ለደቂቃ ያህል ግቢ ውስጥ እንገናኝና ሌላዉን በtg ነበር ምናወራው ለማያውቀው ቀላል ሊመስል ይችላል ግን እጅግ በጣም ከባድ ነበር ቢሆንም ከዛ ግቢ ወጥተን አይኑን ካለማየት እንዲህ ይሻል ነበር።እናቴ ከከለከለችኝ በኀላ ያመጣሁት የባህሪይ ለውጥ ቢያሣስባትም መሸነፍ ስለማትወድ በውሣኔዋ እንደፀናች ነው።እናቴ ግንኙነታችን እንዲቀጥል ባትፈቅድም ሮቢ ላይ ግን ምንም አልተለወጠችበትም ነበር።ሀምሌ 21/2010አ.ም የማም ባል ምርቃት ስለነበር ዛሬ ሽር ጉዱ ተጧጡፏል፤በዚ አጋጣሚ እኔና ሮቢም የቤቱን decor ስንሠራ ያለ ማንም ከልካይ አብረን ዋልን።ወደ ማታ ላይ ማም እና አስት ፕሮግራሙ እንዴት እንደሚያደርጉ እያሠቡ እኔና ሮቢን የተከራዩትን ድንኳን እንድናመጣ ሂዱ ተባልን፤አቤት ደስታ እንኳን ለቀናት የናፈቅነውን ነፃነት አግኝተን አይደለም ምክንያት እየፈለግን አብረን ስንሆን እንኳን ደስታ ልዩ ነው።ድንኳኑን ለማምጣት ስንሄድ ቦታውን ስለማናውቀው የማም ባል አብሮን ነበር የመጣው፤የምርቃቱን ዋዜማ እጅግ ደስ ብሎን አሣልፈን.............



....ይ
......
.........ጥ
............ላ
...............ል



:..｡o○ ይ ጥላል .... .... ክፈት / አስተያየት ይስጡ

2022-07-11 13:53:43 Only At @Getish1 ክፈት / አስተያየት ይስጡ

2022-07-11 13:53:43 Only At @Getish1 ክፈት / አስተያየት ይስጡ

2022-07-11 13:53:43 Only At @Getish1 ክፈት / አስተያየት ይስጡ

2022-07-11 13:53:43 Only At @Getish1 ክፈት / አስተያየት ይስጡ