ኢትዮ ልቦለድ

2022-07-05 08:34:44 ​​​​╔═══▣•ೋ° °ೋ•▣═══╗
". #እብዱ_ደራሲ ".
ፀሐፊ፦ መግፊራ ቢንት ፉላን
╚═══▣•ೋ° °ೋ•▣═══╝

. ልብ አንጠልጣይ ታሪክ
━━━━━━━━❪❐❫━━━━━━━━


╔════•| ✿ |•════╗
#ክፍል_አራት (➏)
╚════•| ✿ |•════╝

አረማመዳችንን ላየ ቶሎ ብለህ ና ተብሎ በማስፈራርያ የተላከ ህፃን ነው ምንመስለው ከእርምጃ በጣም በፈጠነ ከእሩጫ ባልተናነሰ እርምጃ ታክሲ መያዣው ጋር ደረስን ታክሲ ሰልፉ እንደዛሬ ረዝሞብኝ አያውቅም ደሞ ለእልሁ ታክሲውም የለም የምንሰራበት ድርጅት መሀል መርካቶ እንደመሆኑ መጠን በስራ መውጫ ሰአት በጣም ብዙ ህዝብ ነው የሚኖረው ያንን ሁላ ሀልቅ ደሞ ሲኖ ካልጫነው በስተቀር አያልቅም። ደሞ ሚጋፋው ህዝብ ብዛቱ ደና ሰልፍ ይይዙ እና ልክ ታክሲ ሲመጣ ሰልፍ የለ መጋፋት ና መራገጥ! አንዳንዱማ እርግጫው አህያ ያስቀናል!የመገናኛ ታክሲ ብዙ ቢመጣም ህዝቡ ሁላ እዛ ሚሄድ ይመስል ታክሲው አይበቃም ግማሹ በቅጥቅጥ፤ግማሹ በሀይገር ቢሄድም ህዝቡ ግን ምንም ያህል ሊቀንስ አልቻለም እንደውም የጫናቸውን በጀርባ እያመጣ ሚገለብጣቸው ነበር የሚመስለው። ብቻ አሰልቺ ነው እኔ ና ሰሙ ሌላ ጊዜ አደለም ልንራገጥ እና ልንጋፋ ይቅርና ብንገፋ ራሱ ይቅርታ እንጠይቅ ነበር፡ዛሬ ግን መቆም ሁላ ሰልችቶናል ተጋፍተን እንደማይሆንልን እያወቅን መጋፋትን መርጠናል ግን ምንም ሊሳካልን አልቻለም እንደውም አንድ አህያ የሚያስንቅ ሰውዬ እግሬን ረገጠኝ በጥፊ ብለው ሁላ በጣም ደስተኛ ነበርኩ! ደሞ ከሱም ብሶ እያየሽ አትጋፊም?አለኝ ሰሙ ሳቅ መቆጣጠር የሚባል ነገር አልፈጠረባትም ሳታስበው በሰማችው የሰውየው ንግግር ሳቋን ለቀቀችው ና እኔን ከመሀል ጎትታ አወጣችኝ እኔ ለራሴ እግሬን አሞኛል አንቺ ትገለፍጫለሽ አ።?ብዬ ግልምጥ አደረኳት!እሷ ግን አደለም አይዞሽ ልትለኝ ማውራት እስኪያቅታት ትንተከተካለች አሁን ከሰውየው እርግጫ እና ግልምጫ የባሰ የሷ ሳቅ አበሸቀኝ።ችግር አለብሽ ወላሂ አንዴ መሳቅ ከጀመርሽ አታቆሚም አ?ደሞ ምን አለ ሚሳቅበትን ቦታ እንኳን በስርዐት ብታውቂ?ኡሚ እንደዛ ሆና እየጠበቀችን አንቺ እዚ ታሽካኪያለሽ? ገደል ጊቢ ስፈልጊ !ብዬ ሰሙን ጥያት ወደ ታክሲው ሰልፍ ሄድኩ የተናገርኳት ሁሉ በንዴት እና በጭንቀት ብዛት ቢሆንም ጥፋተኛ ነች ብዬ ደምድሜያለው። እሺ በቃ ይቅርታ!ነይ ራይድ እንጥራ? እኔጋ ብር ስላለ እኔ ከፍላለው አለችኝ በተሰበረ ድምፅ ምንም መልስ አልሰጠውኋትም! ሰሙን አስከፍቻታለው ግን አሁን ከሷ በላይ የማሂር ነገር ነው ሚያሳስበኝ ስለዚ መለማመጥም ይቅርታም መጠየቅም አልፈለኩም። ራይዱ በ5 ደቂቃ ውስጥ ያለንበት መጣ እቤት እስክንደርስ በጣም ቸኩያለው የኔ ፍጥነት ደሞ የተለየ ነበር ሹፌሩን ቀይሬው ብነዳ ሁላ ደስተኛ ነኝ ይህን ያህል ያንገበገበኝ ግን ምንድነው? መመለስ ያልቻልኩት ጥያቄ!የትራፊክ መብራቱ 2 ደቂቃ ሳይሆን 2ሰዐት ሆነብኝ፧ ልጅ ጥላ እንደመጣች እናት ነበር ያደረገኝ ሰሙ ግን ተረጋግታለች ፊቷ ቢረበሽም ልቧ በጭንቀት ቢወጠርም የኔን ያህል አልቸኮለችም ግን የረበሻት የኔ ንግግር ይሁን የማሂር ነገር አላወኩም ዝም እንደተባባልን ሰፈር ደረስን ለምን እንደሆነ ባላውቅም ወደሰፈር መግቢያ ጋር ስንደርስ ሰሙ እዚጋ አውርደን አለችው ሌላ ቀን በራይድ ስንመጣ ቤት ያድርሰን የምትል ልጅ ዛሬ ጭራሽ ሰፈር መግቢያው ላይ በቃ ተናዳለች ወደ ቤቷ ልትሄድ ነው ብዬ ስላሰብኩ ምንም ሳልል ወረድኩ እሷም ሂሳቧን ከፍላ ተከተለችኝ። ወደነሱ ሰፈር መግቢያ ቅያስ ጋር ስንሄድ ትሄዳለች ብዬ ነበር ግን እንደፈራሁት አላደረገችም ትንሽ ቅልል አለኝ።ወደ እኛ ሰፈር ስንቃረብ ሰሙ እጄን ይዛ አስቆመችኝ እና እህቴ በጣም እንደጨነቀሽ የማሂርን ነገር ለማየት እንደቸኮልሽ አውቃለው ግን መጀመርያ እራስሽን አሳምኚው ሁሉንም የሚያደርገው አላህ ነው እናም ተረጋጊ ተረብሸሽ ኡሚን እንዳትረብሻት አለችኝ ከኡሚ ጋር በስልክ ያወሩት ነገር ሰሙ ፊቷ ሲቀያየር ኡሚ የኔን ድምፅ ስትሰማ የደነገጠችው ድንጋጤ የሆነ ነገር እንደተፈጠረ አሳመነኝ ሳላስበው ማሂር ሞቷል አይደል ሰሙ ብያት እንባዬ ያለ ገልጋይ መፍሰስ ጀመረ ሰሙ በጣም ደነገጠች ወላሂ ውዴ እንደዛ አደለም እኔ ምንም ማውቀው ነገር የለም የተፈጠረውን ነገር ስለማናውቅ እንጠንክር ብዬ ነው ብላ እሷም እንባዋን ያለ ከልካይ አፈሰሰችው።አሁን ስድቡም ሳቁም ተረስቶ ሁለታችንም በማሂር ሀሳብ ገብተናል ሰሙ ሁሉንም እንዳልተፈጠረ አድርጋ ትታዋለች። እንባችንን ጠራርገን ወደ ሰፈር ገባን ሰፈር ውስጥ ምንም አዲስ ነገር አላየሁም ምን አልባት ዘመድ ስለሌለው ይሆን? እቤት ስንገባ ኡሚ እቤቱን አጫጭሳ ቡና አፍልታ እየጠበቀችን ነበር ሱፍራ ላይ ሰሙ ምትወደውን የክትፎ ጥብስ በአንድ ሰሀን እኔ የምወደውን እሩዝ በአንድ ሰሀን ሻይ አድርጋ እየጠበቀችን ነው የማየውን ነገር ማመን አልቻልኩም ኡሚን የጠበኳት እያለቀሰች አዝና ምናምን ነበር ግን ከጠበኳት በተቃራኒ ነበር ያገኘውሀት እኔና ሰሙ ተያየን ብቻ የኡሚ እንደዚ መሆን ሁለታችንንም አረጋግቶናል ግቡ እንጂ ምን ይገትራቹሀል፤ እናንተን ስጠብቅ ቡናውን እኮ ቀቀልኩት አለችን ሁላታችንም ሰላም ብለናት ቦርሳችንን ጥለን እጃችንን ልንታጠብ ወደ ውስጥ ገባን ሰሙም እኔም ግራ ቢገባንም ኡሚ ስላቻኮለችን ምንም ሳንል ወደ ሳሎኑ ተመለስን በሱፍራው ዙርያ ተቀምጠን ምግብ መብላት ጀመርን ኡሚ ማሂርን ከነመፈጠሩ የረሳችው ትመስላለች እኔ እና ሰሙ ግን ማሂርን ማሰብ አላቆምንም ኡሚን መጠየቅም ፈርተናል ምን አልባት ማሂር እኛ እንደገመትነው ሆኖ ቢሆን እና ኡሚ እሱን ለመርሳት ቢሆንስ እንደዚ እያደረገች ያለችው? ኡሚ ቀኑን ሙሉ የሰራችውን ሁሉ እያወራችህን ነበር ግን አንዴም ቢሆን ስለ ማሂር አላነሳችም በጣም ግራ ገብቶኛል አሁን ግን ልጠይቃት ወስኛለው እኔ ምልሽ ኡሚ ወዬ አለችኝ በጣም እየፈራው ቢሆንም ማሂር እንዴት ሆነ? አልኳት የፈራሁት አልቀረም ኡሚ እንባዋን ያለከልካይ አወረደችው ሰሙ እና እኔ ድንጋጤ አደነዘዘን በተቀመጥንበት ደርቀን ቀረን ተነስተን እንኳ ኡሚን ለማማበል አልደፈርንም .............................

╔════•| ✿ |•════╗
#ክፍል_አምስት (❼) ይቀጥላል.....
╚════•| ✿ |•════╝

ቻናላችንን ለውዳጅ ዘመድዎ ሼር በማድረግ ስራዎቻችንን ያበረታቱ። ስለምትከታተሉን ከልብ እናመሰግናለን! ክፈት / አስተያየት ይስጡ

2022-07-03 18:28:51 ​​​​╔═══▣•ೋ° °ೋ•▣═══╗
". #እብዱ_ደራሲ ".
ፀሐፊ፦ መግፊራ ቢንት ፉላን
╚═══▣•ೋ° °ೋ•▣═══╝

. ልብ አንጠልጣይ ታሪክ
━━━━━━━━❪❐❫━━━━━━━━


╔════•| ✿ |•════╗
#ክፍል_አራት (❺)
╚════•| ✿ |•════╝

እኔና ሰሙ የደወለችው ኡሚ መሆኗን ስናውቅ በድንጋጤ ቆመን ቀረን መንገድ ላይ ስለሆነ ያለነው ስልኩን ማንሳት አልፈለኩም ኡሚ ስለ ማሂር ምንም አለችኝ ምን መንገድ ላይ ማውራቱን አልፈለኩትም ሰሙም ሀሳቤን ተገራታኛለች ኡሚ ደጋግማ ብትደውልም ቢሮ እስክንገባ ላለማንሳት ወስነናል ሌላ ቀን እያዘገመን ሚያጥርብን መንገድ ዛሬ ግን ረዝሞብናል ሁለታችንም ውስጣችን በፍርሀት ተሞልቷል እንዴትም ብለን ቢሮ ስንደርስ የቢሮውን በር ክፍት አገኘነው ሁለታችንም በድንጋጤ እና በመሰላቸት አይነት አስተያየት ተያየን በቃ ሰውዬሽ መቷል ማለት ነው አለችኝ በሹክሹክታ ይሆናል በቃ ኤጭ ካልጠፋ ቀን በዚ ሰዐት ይመጣል ምኑ ብሽቅ ነው በአላህ አልኳት ስንገባ የሚከተለንን የስራ ብዛት እያሰብኩኝ፤ አለቃችን ከእድሜ ብዙም ከኛ አይበልጥም ነገር ግን ነገረ ስራው ሁላ እንደሽማግሌ ነው መነጫነጭ በጣም ይወዳል ሰሞኑን እቃ ሊያመጣ ወደ ዱባይ ሄዶ ስለነበር ደህና ተገላግለነው ነበር ደሞ ሳይናገር ነው የሚመጣው እሱ እዚ ቢሮ አለ ማለት ማውራት የለ መሳቅ የለ ስልክ ማውራት የለ በፈለጉ ሰዐት መውጣት መግባት የለ ከእኔ ጋር ማ የሆነ ጂኒ አያይዞታል ሲሀም እንዲ ሆነ ሲሀም እንደዛ ሆነ ሲሀም በዚ ገባ ሲሀም በዚ ወጣ በደቂቃዎች ውስጥ 50ጊዜ ነው ስሜን ሚጠራው በሱ የተነሳ ስሜን ራሱ ጠልቼዋለው አንዳንዴማ እዛ ቢሮ ውስጥ ካለእኔ ሰራተኛ ያለ አይመስለውም ሰሙን ከነመፈጠሯ ረስቷቷል ሌላ ቅርንጫፍ ቢኖረውም እሱ ግን ካለዚ ቢሮ ያለው አይመስለውም አሁንማ ጭራሽ ከአጠገባችን ያለውን ቢሮ የራሱ ሊያደርገው እያሳደሰው ነው እሱ እዚ ቢሮ የገባ ቀን እኔ ወደ ሌላ ቢሮ ቀይሩኝ እላለው ወይም ከስራው እለቃለው ስላት ከትከት ብላ እየሳቀች ስለሚወድሽ ነው ኮ ትለኛለች ለዛም ነው ሰውዬሽ ምትለኝ ።እኔ ግን አሁን ከስራው እና ከአለቃችን በላይ የማሂር ነገር በጣም አሳስቦኛል ቢሮ ከገባን በውሀላ ለኡሚ መደወል እንደማልችል ብደውልም በስነስርዐት እንደማላወራት ስላወኩኝ ሰሙን ከመግባታችን በፊት እንደውልላት አልኳት ሰሙ ምንም እንኳን የማሂር ነገር ቢያስጨንቃትም ኡሚን በተጣደፈ አነጋገር ማናገሩን አልመረጠችም እሱ ለምሳ መውጣቱ ስለማይቀር በዛ ሰዐት እንደውላለን ባይሆን እንዳትጨነቅ አለቃችን እንደመጣ ንገሪያት ስራ እንደበዛብን ይገባታል ብላኝ ለኡሚ ደወልኩላት ግን ለማናገር ድፍረቱን ስላጣው ለሰሙ ሰጠውኋት ሰሙ የኡሚን ድምፅ ስትሰማ ፊቷ ተቀያየረ ግን እኔ እንድነቃባት ስላልፈለገች በግድ ለመሳቅ እየሞከረች ነበር ነገሩ ግራ ስለገባኝ ስልኩን ተቀብዬ ኡሚ ደና ነሽ አልኳት ኡሚ ድምፄን ስትሰማ እንደደነገጠች ድምጿ ያሳብቅባታል ከኡሚ ድምፅ ጀርባ ለቅሶም አይሉት ሳቅ የሚመስል ድምፅ ይሰማኛል አሁን ከቅድሙ የበለጠ ልቤ በፍርሀት ልፈነዳ ደርሳለች ደና ነኝ ሲሁ እንዴት ዋልሽልኝ እህትሽ እኮ አለቃቹ እንደመጣ ነገረችኝ ስራ ይበዛባቹሀል በቃ ጠንክሩልኝ ልጆቼ ደና ዋሉ በተመቻቹ ሰዐት ደውሉልኝ በቃ ካልሆነም ቤት ኑ አብራቹ ምትወዱትን ምሳ ሰርቼ ጠብቃቹሀለው ብላ ምንም መልስ እንዳልሰጣት በሚመስል መልኩ ስልኩን ጆሮዬ ላይ ጠረቀመችብኝ። ይሄ የኡሚ የሁልጊዜ ንግግር እንደሆነ ባውቅም የዛሬው ግን የሀዘን እና የስስት ነገር አለበት። አሁን የበለጠ ልቤ ፈርቷል ቦርሳዬ ውስጥ ባይሆን እና ይ የተመታ ሰውዬ ባይመጣ ኖሮ ወደቤት እሄድ ነበር አሁን ግን ግዴታ ነው መግባት እና ከሰሙ ጋር ወደ ውስጥ ገባን ገና ከመግባታችን እሺ ማጂላኖች በስራ ሰዐት እንኳን አትቀመጡም ብሎ በነገር ለኮሰን ምን አለ አሁን የመጣው ከዱባይ ነው ሰላምታው አይቀልም የተረገመ ሼባ ብዬ በውስጤ ተሳድቤ ወደ ቦታዬ ሄጄ ተቀመጥኩኝ ገና ከመቀመጣችን ይህን የስራ order ጀመረ በቃ እኔና ሰሙ የማሂርን ነገር ባንረሳውም ግን አሁን 75% የሚሆነው ሀሳባችን ስራው ላይ ሆኗል ሳናውቀው ሰዐቱ 9 ሆኗል ለካ አረ ዙሁር እንስገድ አለች ሰሙ በዛውም ምሳ እንብላ አይነት መልእክት በቃ በተራተራ ስገዱ ምሳ ደግሞ እኔ ነኝ ምጋብዛቹ እዚው አብረን እንብለላን ብሎ የኛን ፍቃድ እንኳ ሳይጠይቅ ደውዬ ልዘዝ ብሎ ወጣ ምሳ ሰዐት ላይ ኡሚ ጋር እንደውላለን ብለን የነበረ ቢሆንም ይሄ ሰውዬ ግን ምንም እረፍት ሊሰጠን አልቻለም ሁለታችንም በሰጨት ብለን የየራሳችንን ስድብ አወረድንበት እና በቃ ውዴ ተረጋጊ አላህ ያለው ነው ሚሆነው ብላ ግንባሬን ሳመችኝ እና ለኡዱ ወጣች በተራ በተራ ሰገድን እና ምሳችንን መቶ በልተን ወደ ስራችን ገባን አሁንም እንደቅድሙ በስራ ተወጥረን ሳናውቀው 12 ሰዐት ሆኗል ለካ ኡሚ ደወለች በድንጋጤ ቀና ብዬ ሰሙን አየውሀት አለቃችን ፊትለፊት ስለነበር ማውራት አልቻልንም ዝም ብዬ ስልኩን አንስቼ ወዬ ኡሚ አልኳት አሁን ከቅድሙ ድምጿ መረጋጋት አለው እናንተ ልጆች ቡናው ኮ ቀዘቀዘ አለችኝ መጣን መጣን ኡሚ ልንወጣ ነው አልኳት በዛውም ለሰሙ እንውጣ ለአዩብ ደግሞ ልንወጣ ነው የሚል መልእክት እያስተላለፍኩ ነው። ስልኩን ስዘጋው በቃ ሂዱ ጠዋት በጠዋት ኑ እና ትጨርሱታላቹ አለን ማስጠንቀቂያ መሆኑ ነው እሺ ደና እደር ብለን ተያይዘን ውልቅ ብለን ወጣን ሁለታችንም እቤት እስክንደርስ ቸኩለናል ኡሚ ስለማሂር ምን ትለን ይሆን ማሂር ምን ሆኖ ይሆን.......?


╔════•| ✿ |•════╗
#ክፍል_አምስት (❻) ይቀጥላል.....
╚════•| ✿ |•════╝

ቻናላችንን ለውዳጅ ዘመድዎ ሼር በማድረግ ስራዎቻችንን ያበረታቱ። ስለምትከታተሉን ከልብ እናመሰግናለን!

╔═══◈• •◈═══╗ ክፈት / አስተያየት ይስጡ

2022-07-03 18:27:59 ​​​​╔═══▣•ೋ° °ೋ•▣═══╗
". #እብዱ_ደራሲ ".
ፀሐፊ፦ መግፊራ ቢንት ፉላን
╚═══▣•ೋ° °ೋ•▣═══╝

. ልብ አንጠልጣይ ታሪክ.
━━━━━━━━❪❐❫━━━━━━━━


╔════•| ✿ |•════╗
#ክፍል_አራት (➍)
╚════•| ✿ |•════╝



እንደገመትኩት ነበር የሆነው ከድርጅቱ ደውለው ፈተናውን እንዳለፍኩ እና ስራ መጀመር እንዳለበኝ ተነገረኝ። የሀዘን እና የደስታ ስሜት ነበር የተሰማኝ፤ቀስ ብዬ ኡሚ ጋር ሄድኩ እና ነገርኳት ኡሚ በጣም ትጨነቅላታለች "በቃ አትንገርያት ይከፋታል ለሷ ካልተደወለላት ስራው ይቀራል ከፈለገ! እኔ እናታቹ እንድትለያዩብኝ አልፈልግም አሁን ሂጂ እና ቀስቅሻት ቁርስ ደርሷል"አለችኝ።ኡሚ እንደዛ ስትለኝ ቅልል አለኝ ወደ ክፍሌ ስገባ ሰሙ ነቅታለች "ሴትዬ ተነስተሻል እንዴ?ነይ በይ ቁርስ ቀርቧል" አልኳት እና ወጣው ሰሙ ፊቷ ልክ አደለም የተረበሸ ከተማ መስላለች ቁርሱንም በስነስርዐት እየበላች አደለም የሰሙን እንደዛ መሆን ስናይ የኔም የኡሚም ግምት አንድአይነት ነበር "ምነው ሰሙ ደና አይደለሽም እንዴ ፊትሽ ልክ አደለም?" አለቻት ኡሚ "አረ ምንም አልሆንኩም ኡሚ ስቃዥ ነበር ያደርኩት" አለቻት እየዋሸች እንደሆነ ሁለታችንም አውቀናል "አብሽሪ እህቴ ብዬ ሳብ አድርጌ አቀፍኳት" አንገቴ ውስጥ ተወሽቃ "ወድሻለው እሺ ምንም ይሁን ምን ካንቺ አይበልጥብኝም" ስትለኝ ሳላስበው እንባዬ ወረደ ኡሚ ብቸኛ ልጇ ስለሆንኩ እንደዚች አይነት እህት በማግኘቴ በጣም ደስ ብሏታል "አብሽሩልኝ እኔ እናታቹ እያለው ማንም አይለያቹም!"ብላ ሁለታችንንም ሳመችን እና የበላንበትን እቃ አንስታ ወደ ኩሽና ገባች ሰሙም ሱፍራውን ጥቅልል አድርጋ ኡሚን ተከተለቻት ኡሚና ሰሙ በሹክሹክታ ሲያወሩ ይሰማኛል፤ ኡሚ ለሰሙ እየነገረቻት ይሁን? ብዬ በጣም ፈርቻለው። ወሬያቸውን ጨርሰው ከኩሽና ሲወጡ ኡሚ ያለመደባትን "ሂዱ በሉ የሰሙን ቤት ፏ ፏ አድርጋቹ ኑ" ብላ ላከችን "ሰሙም አይ እኔ ብቻዬን እሄዳለው" አለች? "ከመች ጀምሮ? አለች" ኡሚ በመቆጣት ድምፅ እኔም ግራበመጋባት ቀና ብዬ አየውሀት እንደከፋት በጣም ታስታውቃለች ኡሚን በቁጣ አይነት አስተያየት ሳያት"ምን ታፈጪብኛለሽ?ተነሺ ደርሳቹ ኑ" አለችኝ አሀ ሌላ ቀን የሰሙን ቤት አፅድተን እንኳን እንመለስ ስንላት የምን ቤት ነው? የሷ ቤት እዚ ነው! እንደውም እቃውን ጭናቹ ኑ! ነበር የምትለን ዛሬ ምን ተገኘና ነው? በቃ ሰሙ ፈተናውን አላለፈችም!ኡሚም ነግራታለች ለዛ ነው ሰሙም ብቻዬን እሄዳለው ያለችው።ኡፍ ኡሚ ደሞ ምን አጣደፋት ደሞ ከፈለገ ይቀራል ብላኝ አልነበር እንዴ? ብቻ በፍርሀት ስሜት ውስጥ ሆኜ ከሰሙ ጋር ተያይዘን ወጣን። የሰሙ ቤት ከኛ ብዙም አይርቅም፤ሌላ ቀን በእግራችን ነበር ወደሷ ቤት የምንሄደው፤ ዛሬ ግን ሁለታችንም አይደለም እየተጓተትን በእግራችን የመሄድ ታክሲውም ቀርቶብን እቤት ብንቀመጥ ሁላ ደስተኞች ነበረን። ከኡሚ ጋር ላለመነታረክ ነው የወጣነው፤ምንም አላወራንም። አንዴ ብቻ ሰሙ "ሲሁ ከድርጅቱ ደወሉልሽ እንዴ? አለችኝ። በጣም ነው የደነገጥኩት "አይ አረ አልደወሉም ላንቺ ደወሉልሽ እንዴ?" አልኳት "አይ" አለችኝ ብቻ እንደዛ እንደደባበረን የሰሙን ሁለት ክፍል ቤት እንደነገሩ አፀዳድተን ያልታጠበውን እቃ አጥበን ወደቤት ተመለስን።
..........
እቤት ስንገባ ኡሚ ጓረቤት ሰብስባ ዳቦ ደፍታ ቤቱን በዐል አስመስላ ነበር የጠበቀችን።ገና ከበር ስንገባ በእልልታ ጊቢውን አቀለጠችው እኔም ሰሙም ተያየን ሁለታችንንም አቅፋን አለቀሰች ለካስ ሁለታችንም ፈተናውን አልፈን ኖሯል ደስታችን ልክ አልነበረውም ከሳምንት በውሀላ ሁለታችንም ስራችንን ጀመርን አንድ ድርጅት አንድ ቢሮ ላይ ሰሙ አንዳንዴ ቤቷ ብዙውን ጊዜ እኛ ቤት መኖር ጀምራለች።
..................
"ነይ በቃ ምግብ አልበላሁም እየሄድን እነግርሻለው" አልኳት እና የቢሮውን በር ዘግተን ወጣን። ወደ ምግብ ቤቱ ስንሄድ ጠዋት የሆነውን ከሀ እስከ ፖ ነገርኳት ሰሙ ማሂርን እኛ ቤት ስትመላለስ ታውቀዋለች የመጀመርያ ሰሞን ትፈራው ነበር አረ!ጭራሽ ወደሰፈሩ መምጣት አቁማ ነበር ከጊዜ ቡሀላ ግን ማሂር እብድ አደለም! ብላ ትሞግት ጀምራለች። በነገርኳት ነገር አዝናለች፤ የኔ ስሜት ተጋብቷባታል ፤ተፅናንታ ልታፅናናኝ ፈልጋለች:ግን ሁለታችንም ውስጣችን ፈርቷል ማሂር ሞቶ ይሆን? የሁለታችንም ጥያቄ ነው! ግን ማን ይመልስልን? ምግቡን አዘን እንደነገሩ ቀማምሰን ተውነው፤ "ምነው?ምግቡ አልጠፈጣቹም እንዴ?" የሚለው የእማማ ጥያቄ ነበር ከሀሳባችን ያባነነን፡ልክ እንደተመካከረ ሰው እኩል "አረ ይጣፍጣልእማማ!"አልን ንግግራችን ለራሳችን ፈገግ አደረገን እና ሂሳብ ከፍለን ወጣን የሁለታችንም ሀሳብ ማሂር ጋር ነበር ምንም ማውራት አልፈለግንም እናውራ ብንልስ ውስጣችን እየተረበሸ እንዴት ብለን ብቻ በሀሳብ ተጠምደን ወደ ቢሮ በዝግታ እየሄድን የኔ ስልክ ጠራ ኡሚ ነበረች....................

ታሪኩን Like በማድረግ ያበረታቱን።

╔════•| ✿ |•════╗
#ክፍል_አምስት (➎) ይቀጥላል.....
╚════•| ✿ |•════╝

ቻናላችንን ለውዳጅ ዘመድዎ ሼር በማድረግ ስራዎቻችንን ያበረታቱ። ስለምትከታተሉን ከልብ እናመሰግናለን!

╔═══◈• •◈═══╗

╚═══◈• •◈═══ ክፈት / አስተያየት ይስጡ

2022-07-01 09:34:03 ​​​​╔═══▣•ೋ° °ೋ•▣═══╗
". #እብዱ_ደራሲ ".
ፀሐፊ፦ መግፊራ ቢንት ፉላን
╚═══▣•ೋ° °ೋ•▣═══╝

. ልብ አንጠልጣይ ታሪክ
━━━━━━━━❪❐❫━━━━━━━━


╔════•| ✿ |•════╗
#ክፍል_ሶስት (❸)
╚════•| ✿ |•════╝


ሰዐቱ አምስት ሰዐት ሆኗል ሰሙ ጠዋት ስላረፈድኩባት እንደተኮፈሰች ኮምፒውተሯ ላይ አፍጥጣለች። እኔም የማሂር ነገር በጣም ስላሳሰበኝ ቢሮ ከገባው ጀምሮ ከማንም ጋር አላወራሁም እሷንም ቢሆን እንደ ሌላ ቀኑ አልተለማመጥኳትም። ሰሙ ልምምጥ ትወዳለች እኔ ደሞ ይህን ፀባዮን ስለማውቅ እለማመጣታለ፤ ዛሬ ግን ምንም አላልኳትም ቁርስ አለመብላቴን እንኳን ረስቼዋለው። ሰሙም እንደደበረኝ ገብቷቷል፤አስር ጊዜ ስልክ ስደውል በቆረጣ ታየኛለች አጠገቤ መታ ልታወራኝ ፈልጋለች፤ሄጄ አንዴ እንኳን ሰሙ በቃ Sorry ብላት እንደምትመለስ አውቃለው፤ግን በቃ ዛሬ ሙዴ አደለም! የማሂር ነገር አስጨንቆኛል፤ምን አለ ባልመጣው? እቤቴ ሆኜ ምን እንደተፈጠረ እንኳን አውቄ ነፍሴ ትረጋጋ ነበር!
"የኡሚ ስልክ አለማንሳት ደግሞ የባሰ ጭንቀቴን ጨመረው ""ማሂር ምን ሆኖ ይሆን መኪና ገጭቶት ነው? ሰዎች ደብድበውት ነው? ወይስ ሞቶ ነው?"ይህንን ሳስብ ሳላስበው እንባዬ ፈሰሰ።ሰሙ እያየችኝ እንደሆነ እንኳን አላስተዋልኩም "አሀ ሲሁ እያለቀሽ እኮ ነው" ብላ ከወንበሯ ላይ ተስፈንጥራ መታ አጠገቤ ተቀመጠች:እንባዬን ጠራርጌ"sorry ሰሙ" አልኳት "አሁን እሱን ተይው እና ምን ሆነሽ ነው? ኡሚዬ ደና አደለችም እንዴ?ከገባን ጀምሮ ኮ ልክ አደለሽም!" አለችኝ "ምንም ሰሙ ዝም ብዬ ነው" "ኡፍፍ አንቺ ደሞ ችግር አለብሽ ወይስ ሰውዬሽ ናፍቆሽ ነው?" ስትለኝ ሳቄን ለቀቅኩት።
..................................
ሰሙ የሳቄ ምንጭ፤ የጭንቀቴ ማቅለያ ነች። ትውውቃችን የቅርብ ጊዜ ቢሆንም ለሚያያየን የልጅነት ጓደኛሞች እንጂ የአመት ከ6 ወር ትውውቅ አይመስልም። ያወኳት እዚው መስሪያ ቤት ልቀጠር ሲቪ ላስገባ ስመጣ ነው እሷም እንደኔ ልትቀጠር መሆኑ ነው። ድርጅቱ የሚፈልገው ሁለት ሴት ብቻ ነው። እንደኛ ሊቀጠሩ የመጡት ግን ከ50 ይበልጣሉ፤ድርጅቱ የሙስሊም ስለሆነ ግማሽ ያህሉ ሙስሊሞች ናቸው።እኔና ሰሙ ወረፋችን ከፊት እና ከውሀላ ስለነበር ለመግባባት አልተቸገርን፤ የትት ማስረጃችንን የሚቀበለን ሰው አራት ሰዐት ቢሆንም ሚገባው እኛ ግን ወረፋ ለመያዝ ስንል ጠዋት አንድ ሰዐት በቦታው ተገኝተናል። ከሰሙ ጋር ብዙ አወራን፤ እዛ ቦታ ላይ የተገናኘን ሳይሆን አብረን የመጣን ነበር የምንመስለው፤ሰሙን ስላገኘውሀት ደስ ብሎኛል፤ የሚገርመው ደሞ ሁለታችንም የ Accounting ተመራቂ መሆናችን እና የተማርንበት ትት ቤት መገጣጠሙ ነው። ያልተዋወቅነው ሰሙ የማታ ተማሪ ስለሆነች እኔ ደሞ የቀን ተማሪ ስለሆንኩ ነበር።"እራሴ እየከፈልኩ ስለሆነ የማታ ነበር የምማረው"አለችኝ "ዋናው መማርሽ ነው ባክሽ!" አልኳት። እንደዛ እንደዛ እያልን ብዙ ብዙ ነገር አወራ፤ ሲበዛ ግልፅ መሆኗ አስገረመኝ፤ብዙ ጓደኞች ቢኖሩኝም ሁሌም አብሬያት መሆንን ተመኘው፡ አሁን ወረፋችን ደርሷል፤ ሁለታችንም ገብተን ወረቀታችንን አስገባን እና ተያይዘን ወጣን "ሁለታችንም አልፈን አብረን ብንሰራ ደስ ይለኛል" አለችኝ የኔም ፍላጓት ነበርና "ኢንሻአላህ" አልኳት ስልክ ተለዋወጥን እና ተለያየን። ከሰሙ ጋር ቅርርባችን በጣም ጠብቋል እቤት ትመጣለች ኡሚም ወዳታለች የትት ማስረጃ ያስገባንበት መስሪያቤት ስለፈተና ስንጠራ አብረን ነበር የሄድነው ውጤቱ ግን በጣም ዘግይቷል ሁለታችንም ተስፋ ቆርጠናል፤ ቢሆንም ግን አልደበረንም፤ አብረን እንውላለን፤አንዳንዴ ሁላ ሰሙ እኛ ቤት ታድራለች የምትኖረው ብቻዋን ስለሆነ ወደቤቷ ምትሄደው ለአዳር ነው። ቤተሰቧቿ እንደሞቱ እና ከአያቷ ጋር ክፍለ ሀገር እንደኖረች፤የ10ኛ ክፍል ውጤት ሲመጣላት በአጓቷ ልጅ እገዛ አ.አ እንደመጣች እና ከሱ ጋር እንደነበር የምትኖረው፤ ነገር ግን ሚስቱ ክፉ ስለነበረች የ12ኛ ክፍል ብሔራዊ ፈተና እንደመጣላት ስታውቅ ከሱ ጋር አጣልታ ከቤት እንዳባረረቻት እና እሱም ከሚስቱ ተደብቆ እንደሚረዳት፤ ስራ እንዳስጀመራት፤የቤት ኪራይ ይከፍልላት እንደነበር፤የማታ ትት ያስመዘገባት እሱ እንደሆነ፤ ከአመት በውሀላ ግን በልብ ህመም እንደሞተ ሁላ በመጀመርያው ቀን ነበር የነገረችኝ። ይህንን ሁላ ስቃይ በልጅነቷ ስለተሸከመች ታሳዝነኛለች ጥንካሬዋ ብርታቷ በጣም ይገርመኛል።አንድቀን እንዲ ሆነ ሰሙ እኛ ቤት ነበር ያደረችው በጠዋት ስልኬ ጠራ ና ተነሳው ሳየው ባለፈው የተፈተንበት ድርጅት ቁጥር ነው ምን አልባት ሰሙ ካላለፈች ሳወራ እንዳትሰማ ብዬ ኔቶርክ እንደተቆራረጠበት ሰው ሄለው እያልኩ ከክፍሌ ወጣው.....


╔════•| ✿ |•════╗
#ክፍል_አራት (➍) ይቀጥላል.....
╚════•| ✿ |•════╝

ቻናላችንን ለውዳጅ ዘመድዎ ሼር በማድረግ ስራዎቻችንን ያበረታቱ። ስለምትከታተሉን ከልብ እናመሰግናለን!

╔═══◈• •◈═══╗

╚═══◈• •◈═══╝


ቶሎ ቶሎ እንዲለቀቅ...
ላይክ ሼር ኮሜንት ክፈት / አስተያየት ይስጡ

2022-06-30 12:28:43 ​​​​╔═══❖•ೋ° °ೋ•❖═══╗
". #እብዱ_ደራሲ ".
ፀሐፊ፦ መግፊራ ቢንት ፉላን
╚═══❖•ೋ° °ೋ•❖═══╝
. ልብ አንጠልጣይ ታሪክ
━━━━━━━━❪❐❫━━━━━━━━



╔════•| ✿ |•════╗
#ክፍል_ሁለት
╚════•| ✿ |•════╝


"ሲሁ ሲሀም ተነሺ እንጂ ስራ ረፍዷል፡ እንደ ቀልድ ሱብሂ በሰዐቱ መስገድ ተውሽ አይደል? እሺ አሁን ብድግ በይ ውሀ ሳልገለብጥብሽ"ብላኝ ወደ ኩሽናዋ ሄደች በጠዋት እንቅልፍ ማልደራደረው እኔ ስልኬን ከአጠገቤ ሳብ አድርጌ ሰዐቱን አየሁት ምክንያቱም ኡሚ ሁሌ ሱብሂ ልትቀሰቅቀኝ ስትፈልግ ስራ ረፍዷል ነው ምትለኝ እንዴት እንደምበሳጭባት! አንዴ ከተነሳው እንቅልፍ ስለማይወስደኝ በተነሳው ሰዐት ነው መስገድ ምፈልገው: እሷ ግን አትሰማኝም "ሱብሂ መስገድ ቀንሽን ሙሉ ደስተኛ እንድትሆኚ ያደርግሻል" ትለኛለች ለኔ ደስታ ሚሰጠኝ የጠዋት እንቅልፍ መሆኑ አይገባትም ግን ላለመጨቃጨቅ ስል"እሺ"እላታለው ኡሚ ግን እሺ ማለቴ የባሰ ያናድዳታል። "ሁሌ እሺ ብቻ እስኪ አንድ ቀን እንኳን ተግብረሽ አሳይኝ" ትለኛለች አሁን አሁንማ ሰለቻት መሰለኝ በስራ ሰዐት ነው ምትቀሰቅሰኝ ግን ምንም ቢሆን ከ12:40 አታሳልፈኝም ነበር፤ዛሬ ግን ረፍዷል ስልኬን ሳየው 1:05 ይላል ውሀ እንደተረጨ ሰው ብርድልብሴን ወርውሬ "ኡሚ ግን ምን ሆና ነው?እስካሁን ያልቀሰቀሰችኝ" እያልኩ እየተነጫነጭኩ ሻወር ለመውሰድ ወጣው።ትላንት ስዞር ስለዋልኩ እና አምሽቼ ስለተኛው ሰውነቴ ዛል ብሏል ሻወር ስወስድ ከለቀቀኝ ብዬ ቀዝቀዝ ባለ ውሀ ሻወር ወሰድኩ ግን ምንምን ስራ የመሄድ ሙዱ ሊመጣልኝ አልቻለም ግን ደሞ ግዴታ ነው!ለሰሙ አልነገርኳትም፤ ይህን እያሰብኩ ስልኬ ጠራ ሰሙ ነበረች
"እ አንቺ ጨራረሽ" አለችኝ "ምን አለ ደና አደርሽ ቢቀድም?" አልኳት "ትላንት አብረን መስሎኝ ያመሸነው በይ ነይ ውጪ እየደረስኩ ነው" ብላ ስልኩን ዘጋችብኝ "ምን አለ እንዳወራ እንኳን እድሉን ብትሰጠኝ ኡፍ ሰሙ ደሞ አሁን ደውዬ አልሄድም ብላት ራሱ ቤት መታ ለኡሚ አቃጥራ ታስወጣኛለች ከነሱጋር ከምንዛዛ ደሞ ብሄድ ይሻለኛል"ብዬ ልብሴን መልበስ ጀመርኩ "አንቺ ልጅ አረ ባክሽ ነይ ውጪ! ሻዩ ቀዘቀዘ እኮ አረ ምን ይሻልሻል በአላህ? ሰው አንድ ቀን እንኳን አያልፍለትም? ጓደኛዬ ትታዘበኛለች እንኳን አትይም እንዴ? አረ ተይ ሲሁ ቀልብ ግዢ ተይ"ኡሚ ምክሯን ልጀምር ነው። "ጨርሻለው ኮ ኡሚ ደሞ ቁርስ አልበላም፤አራበኝም" አልኳት ከክፍሌ ውስጥ ሆኜ፤ "አራበኝም ማለት ምን ማለት ነው? ከእንቅልፍሽ አደል እንዴ የተነሳሽው? ነይ ውጪ እና ቢ!"ቁጣ እና ትእዛዝ የተቀላቀለበት ድምፅ!መልስ ልሰጣት ስል የውጪው በር ተንኳኳ "ይሀው ጓደኛሽ መጣችልሽ ስትንከራፈፊ"ብላኝ በሩን ልትከፍት ወጣች "ኡፈይ አልሃምዱሊላህ ገላገልችኝ"ብዬ ቦርሳዬን አንጠልጥዬ ከክፍሌ ወጣው። ጫማዬን እየፈለኩ እንዳለ ኡሚ መጣች ከውሀላዋ ጓረቤታችን ወይዘሮ አኢሻ ተከትለዋት ገቡ። ፊታቸው ልክ አደለም መርዶ ነጋሪ ነበር ሚመስሉት፤ ኡሚም ተረብሻለች፤አጠገቧ እንደቆምኩ እንኳን አላስተዋለችም፤ "ደሞ ማን ሞተ አይ እኛ ሰፈር አዝራኤል አንዴ ከገባ ካልጠራረገን አይወጣም አደል?"እያልኩ እያሰብኩ ጫማዬን ለብሼ እንደጨረስኩ ሰሙ ደወለች "አረ አንቺ ሴትዬ ነይ ውጪ ያምሻል አ ሰዐት ኮ ረፍዶል ወላሂ ጥዬሽ ነው ምሄደው" ብላ ስልኩን ዘጋችው። እንደተበሳጨች ስለገባኝ ኡሚን "ደና ዋይ ብያት"ልወጣ ወደ ሳሎን ስገባ እሷም ከሳሎኑ ስትወጣ በር ላይ ተጋጨን ግን ትዝም አላልኳት! "ኡሚ ደና ዋይ በቃ ልሄድ ነው" ብዬ እንደለመድኩት ግንባሯን ልስማት ጠጋ ስል አይኖቿ እንደ ጉድ እንባን ያዘንባሉ፤በጣም ነበር የደነገጥኩት "ኡሚ ምንድነው የሆንሽው?ማነው የሞተው!ማን ምን ሆኖ ነው?" መልሷን አልጠበኩም ነበር "ምንም ምንም አደለም ልጄ ሂጂ በይ ወደ ስራሽ በጊዜ ተመለሺ የጊቢውን በር ቆልፈሽ ሱቅ አስቀምጪልኝ።" ብላ ጉንጪን ሳም አድርጋኝ ከቤት ወጣች ጨራርሼ ስለነበር ተከትያት ወጣው።"አይ የኔ ልጅ፣ የኔ የዋህ፣አይ ማሂርዬ" የሚሉ ከአንደበቷ የሚወጣ የለቅሶ ድምፅ ይሰማኛል። ጓረቤታችን እትዬ አይሻም "በልጅነቱ እንደዛ መሆኑ ሳያንስ አይይይ የሰው ልጅ መከራ እናቱ ምን ትል ይሁን አይይ ማሂር" እያሉ ከኡሚ ጋር ተከታትለው ከጊቢ ወጡ............


╔════•| ✿ |•════╗
#ክፍል_ሶስት ይቀጥላል.....
╚════•| ✿ |•════╝


ቻናላችንን ለውዳጅ ዘመድዎ ሼር በማድረግ ስራዎቻችንን ያበረታቱ። ስለምትከታተሉን ከልብ እናመሰግናለን!

╔═══❖• •❖═══╗

╚═══❖• •❖═══╝

ቶሎ ቶሎ እንዲለቀቅ....
ላይክ ሼር ኮመንት ክፈት / አስተያየት ይስጡ

2022-06-28 21:45:15 ​​​​╔═══❖•ೋ° °ೋ•❖═══╗
". #እብዱ_ደራሲ ".
ፀሐፊ፦ መግፊራ ቢንት ፉላን
╚═══❖•ೋ° °ೋ•❖═══╝

. ልብ አንጠልጣይ ታሪክ
━━━━━━━━❪❐❫━━━━━━━━



╔════•| ✿ |•════╗
#ክፍል_አንድ➊
╚════•| ✿ |•════╝

ለመኖርም ለመሞትም አልታደለም በመኖር ውስጥ የሞተ፣ ሞተ እየተባለ የኖረ፣ ምስኪን ፍጡር ነው።የማያውቁት ሰዎች ከሩቅ ሲያዩት በፍርሀት ልባቸው ጥለው ይሮጣሉ ከፊሉ መንገድ ይቀይራል፣ከፊሉ በፍርሀት ይጨማደዳል፣ የሚያውቁት ደሞ ከፊሉ እያዘነለት፣ ከፊሉ እያዘነበት፣ በአጠገቡ ማለፍ ሳይሳቀቅ፣ እንዳላወቁት ሳይደነግጥ በአጠገቡ ያልፋሉ።ሁሌ ከእጁ ላይ የማትለየዋ ቡኒ ተስቢህ የማሂር መታወቂያ ነች ሲቀመጥ ሲነሳ ሲተኛ ሲበላ ሁሌም እጁ ላይ አለች። ሲዞር ሳንቲም ሲለቅም ይውል እና የሰፈሩ ወጣቶች በሸራ እና በማዳበሪያ የሰሩለት ቤት ውስጥ ሄዶ ይተኛል። የተቦጫጨቀ ልብሱ እላዩ ላይ ሊያልቅ ትንሽ ቀርቶታል ከማይታየው የሰውነት ክፍሉ የሚታየው ይበዛል ያለፈ ያገደመውን ሳንቲም ይጠይቃል። ግማሹ በሀዘኔታ,ግማሹ ብከለክለው ይመታኝ ይሁን በሚል ፍራቻ, ይሰጡታል። አንድአንድም አለ ሂድ ከዚ! ብሎ ቀልቡን ገፎ የሚያባርረው፧ ለነገሩ ማሂር ቀልብ የለውም! ቀልብ ቢኖረውማ የተቦጫጨቀ ልብሱን በቀየረ፤መንገድ ማደሩን ትቶ ወደቤቱ በገባ፤ ግን የት ነው ቤቱ? ከየትስ ነው የመጣው? ለምንድነው አብዛኛውን ጊዜ እዚህ ሰፈር የሚኖረው? እንደዚ ሲሆን ጠያቂ የለውም? ና ልጄ ብላ የምትሰበስብ እናት ወይ የሚሰበስብ አባት የለውም? ቤተሰቦቹስ? ዘመዶቹስ? የማን ልጅ ነው? ወደ ሰፈሩ የመጣ አዲስ ነዋሪ ፤ለእንግድነት የመጣ ሳይቀር የሚጠይቀው ጥያቄ ነው፤ግን መልስ የለም። ማሂር እዚ መንደር መቶ መዋል ማደር ከጀመረ አምስት አመታትን አስቆጥሯል አንዳንዴ ለተወሰኑ ቀናት ከመንደሩ ይጠፋል ግን እሰይ ተገላገልን የሚለው የለም፡፡ሁሌም አንድሳምንት ቆይቶ ይመጣል የት ይሂድ?ለምን ይሂድ? የሚያውቅ የለም! የመንደሩ ሰው እንደጎረቤቱ ለምዶታል፧ከአይናቸው ሲጠፋ ባይፈልጉትም ይጠይቃሉ የት ሄዶ ይሆን?ብለው ይጨነቃሉ! መኪና ገጭቶት ይሆን? እብድ ነው ብለው ቀጥቅጠውት ይሆን? ማሂር እኮ ግን እብድ አደለም! ሰው አይናካም የጫት ሱስ የለበትም ሰው አያሰቸግርም አይጮህም እንደ እብድ አይለፈልፍም! ትልቅ ሰው ይወዳል እቃ ተሸክመው ካየ ተቀብሏቸው የሚፈልጉበት ቦታ ያደርስላቸዋል። አሁን አሁንማ እነሱም ና እስቲ የኔ ልጅ ይሄን እቃ አድርስ!እያሉ ይልኩት ጀምረዋል። እንቢ አያውቅም አንገቱን እንዳቀረቀረ የተባለበት ቦታ ያደርሳል። የሰፈሩ ጎረምሶች እብዱ ደራሲ ይሉታል ያገኘው ነገር ላይ ይፅፋል ለሰው የማይገባ ለሱ እረፍት የሚሰጠው አይነት ፁሁፍ ወጣቶቹ ይወዱታል እሱም ሳንቲም እንዲሰጡት ስለሚፈልግ ሲያዙት ይታዘዛል እነሱም እጃቸው ለሱ ይዘረጋል ደሞ ብር አይቀበልም ሳንቲም ብቻ፤ ለሊት በሱ አጠገብ ያለፈ ሰው ሳንቲም ሲቆጥር ማየት የተለመደ ነገር ሆኗል፡ምን እንደሚያደርግበት ባያውቁም ይሰጡታል እሱም ይሰበስባል። ህፃናት የሚጫወቱበት ቦታ ላይ አይጠፋም አንድሰሞን ሲመጣ እየፈሩ ይሮጡ ነበር አሁን ይቀርቡት ጀምረዋል አንዳንዴ አብሯቸው ይጫወታል ያጫውታቸዋል አብሯቸው ይስቃል በሳቁ ውስጥ ግን ሁሌም እንባ አለ ቶሎ የማይደርቅ እንባ ሀዘን ስብራት እንዳዘለች የምታስታውቅ እንባ ያነባል ተስፋ የቆረጠ ናፍቆት ያጠቃው ብቸኝነት ያጎሳቆለው ሰው የሚያፈሰውን እንባ እንደጎረፍ ያዘንበዋል ማልቀስ ከጀመረ አያቆምም ግን እሱ እየሳቀ ነው ሚያለቅሰው! ሳቁ ደሞ ከጣራ በላይ ይሰማል፤ ሰዎች ሲያለቅሱ ደሞ ይስቃል፤ ሰፈር ውስጥ ለቅሶ ካለ እዛ ከአካባቢ አይጠፋም ሰዎች በሀዘን እንባቸውን ሲያወርዱ እሱ ግን በደስታ በሚመስል መልኩ ይስቃል በደስታ እንደሚቦርቅ ህፃን ይፈነድቃል እንግድነት ለመጣው ሰው አዲስ ነገር ቢሆንም መንደሩ ግን ይሄን ለምዶታል እና ተውት እብድ ነው ይባላል ።ሰዎች እብድ ነው የሚሉት እቤታቸው አስገብተው ሊያኖሩት የሚፈሩት ዋናው ምክንያታቸው ይሄ ነው። ዛሬ ግን ማሂር የለም እናቶች እንደህፃን የሚልኩት ህፃናቶች የጨዋታ ማድመቂያቸው ወጣቶቹን ሳንቲም እያለ የሚለምናቸው የፈለጉት ቦታ የሚልኩት ማሂር ዛሬ ቦታው የለም። እንደለመደው አንድ ሳምንት ቆይቶ ይመጣል ብሎ ሁሉም እየጠበቀ ነው። እሱ ግን የለም እናት ልጇ ወቶ እንደቀረባት ልጅ ከስራ ሲመጣ ብስኩት ገዝቶ እንደሚያመጣለት አባት ደጅ ደጁን እያዩ ነው አረ ባካቹ እብዱ ደራሲ እኮ ከጠፋ ሳምንት አለፈው እያሉ የወንድማቸውን ያህል የሚጨነቁለት ጎረምሶቹ ፍለጋቸውን ቀጥለዋል።ማሂር ግን የለም ........

╔════•| ✿ |•════╗
#ክፍል_ሁለት (➋) ይቀጥላል.....
╚════•| ✿ |•════╝


ቻናላችንን ለውዳጅ ዘመድዎ ሼር በማድረግ ስራዎቻችንን ያበረታቱ። ስለምትከታተሉን ከልብ እናመሰግናለን!


እንዲቀጥል react ኮሜንት ሼር ክፈት / አስተያየት ይስጡ

2022-06-28 05:47:58 #እብዱ_ደራሲ
እጅግ አሳዛኝ
እና ልብ አንጠልጣይ ታሪክ በቅርብ ቀን ክፈት / አስተያየት ይስጡ

2022-06-14 15:30:44 #ኢምሩ_ከቀብርህ_በላይ
ልብ አንጠልጣይ ምርጥ ተከታታይ ታሪክ
እንዴት ነበር?
የወደዳችሁት እስኪ ክፈት / አስተያየት ይስጡ

2022-06-13 22:46:29 #የታሪኩ_እርዕስ_ኢምሩ_ከቀብርህ_በላይ
#ፀሀፊ_በፎዚያ
#ክፍል_23_የመጨረሻዉ_ክፍል


"" ሀሲም አቀፈችኝ እኔ ግን ግራ ከመጋባቴ የተነሳ ደንግጫለሁ ለአማሬ ስል ደሞ የግድ ማድረግ አለብኝ ብዬ ማሰብ ጀመርኩ ሀሲም እንዳቀፈችኝ በዛዉ እንቅልፍ ያዘኝና ተኛዉ።

"""ቀናቱ ሁሉ አልፎ ኡሚ ሽር ጉድ ትላለች አባዬም እማዬም የመጀመሪያዉ የሀሲም ግፍ ቆጭቷቸዉ በጣም ተፀፅተዉ ነበር ይቅርታም የጠየቋት በእህቴ ደስታ እየተደሰትኩ ኡሚ በመሀል ደወለች

<<ሄለዉ ኡሚ አሰላም አለይኩም የኔ ዉድ እናት
-ወአሌይኩም ወሰላም ወረህመቱላህ ወበረካቱሁ የኔ ልጅ አንቺ ልጅ ግን የኮራሽ አልመሰለሽም
<<ኡሚዬ አፉበይኝ ስለጠፋዉ ግን ደሞ ያዉ ለአምሪያ ትምርት ሳዝመዘግባት ቢዚ ሆኜኮ ነዉ ደሞም አሁን ስለጨረስኩ እመጣለሁ ልጄን ይዤ።
-የኔ ልጅ ሀሲምምኮ ቤተሰቦቿ ጋር ሄዳ ጥፍት አለችብኝ
<<ኡሚዬ አፉ በይኝ እሷ አለመኖሯን ባዉቅ ኖሮ እኔ አንቺ ጋር እመጣ ነበር እሷኮ አለች ብዬ ነዉ የተወናጋሁት በቃ መጥቼ ዘይርሻለሁ
-እሺ ደሞ ዘንጠሽ ነይ የኔ ልጅ እንግዶች ስለሚኖሩ እንዳታሳፍሪኝ ብላ ኡሚ ቀለደችብኝ እኔም ያዉ የአማሬ አጎቶች ይሆናሉ ብዬ ስላሰብኩ የሰሞኑ ሽር ጉድ ለነሱ ይሆናል ብዬ በማሰብ ያዉ በጣም ተዘጋጅቼ አማር ለመጀመሪያ ጊዜ የገዛልኝን ዉብ ቀሚስ ለብሼ ወደ ኡሚ ቤት ሄድኩኝ በመሀል ሀሲም ደወለች የሰሞኑ መጥፋቷ ስላናደደኝ ዝም አልኳትና መኪናዬን እያበረርኩ መሄዴን ቀጠልኩ አሁንም ደወለች ግን ታላቅም ሆኜ መጨከን ስለከበደኝ አንስቼ ወቀሳዬን ጀመርኩ እሷም በዝምታ ከሰማችኝ ቡሀላ ቶሎ ነይ ብቻ ብላኝ ዘጋችዉ በዚ መሀል ልጄ ታወራኝ ጀመር
_ማማ
<<ወዬ አምሪ
_የኔ ማማ የቷ ናት
<<እኔም ሀሲምም ነን ምነዉ
_በጣምኮ ስለተደሰትኩ ነዉ
<<ለምን ልጄ
_እሷ ወልዳኝ አንቺ ደሞ ስለምቶጂኝ
<<ማነዉ እንደዚ ብሎ የነገረሽ
_እህቴ አስማ ናት
<<የኔ ሚጢጢ በዚ ጣፋጭ አንደበትሽ መናገር ያለብሽ ቁረአንና ሀዲስ ብቻ ነዉ እሺ አሁን ልጅ ስለሆንሽ የትልቅ ሰዉ ወሬ አታወሪም አይፈቀድልሽም እሺ
_እሺ ግን አስማ ባለፈዉ ለታ የአንቺ ማማ ሙሽራ ብላ ሳትጨርስ በድጋሚ ተደወለ ኡሚ ነበረች
<<ኡሚዬ እየመጣሁ ነዉ ብዬ ስላት
-ቆይ ከአሜሪካ ነዉዴ ልጄ የምትመጪዉ ቆየሽኮ ቶሎ በይ ስትለኝ እሺ ብዬ በመሀል መኪናዬ ቆመች ግራ ተጋብቼ ቆምኩኝ ኡሚ መኪናዬ ተበላሸች መሰለኝ ብዬ ስላት የቱ ጋር ነሽ አለችኝ ቦታዉን ነግሬአት ሀሲም በራሷ መኪና መጥታ እኔን ቀድማ ሸኘችኝ በነገራችን ላይ አባቢ ነዉ የገዛላት እናም የእንግዶቹ ነገር እያሳሰበኝ ወደ ቤት ደርሼ ጊቢ ከመድረሴ ልዩ ድባብ ይታየኝ ጀመር የዚ ድባብ ግን አልገባኝም ወደ ዉስጥ ስገባ አባቴ እናቴ ኡሚና ብዙ የማላዉቃቸዉ ሴቶች አሉ በቶሎ የማላዉቃቸዉ ሴቶች መጡና በጓሮ በኩል ወደ አማር ክፍ አስገብተዉ ያሰማምሩኝ ጀመር ቀሚሱን ሊቀይሩት ሲሉ እምቢ አልኳቸዉ ቀሚሱ ስለሚያምር ግን አልተቃወሙኝም ግን ግራ እየተጋባሁ ኡሚንና ሀሲምን ስጠብቅ መጡና ወደ ክፍሌ ገቡ ሀሲም በደስታ አለቀሰች ግራ ተጋብቼ ምንድ ነዉ አልኳቸዉ ሀሲምም ከዚ ቀደም ተዘጋጅቶልሻል ስላለችኝ ወንድ አስታዉሳኝ ዛሬ ከሱ ጋር ኒካህ እንድናስር አዘጋጅተዉ ጨርሰዉ አሁን የልጁ መምጫ ሰአት በመድረሱ አጣድፈዉ እንደጠሩኝ ነገሩኝ እኔ በአንድ በኩል ድንጋጤ በአንድ በኩል ፍርሀት ንዴት ተደበላልቀዉብኝ ሀሲም ላይ ለምን ቸኮልሽ ብዬ ስጮህባት ኡሚ ቀጥላ ተናገረችኝ
-የኔ ልጅ ሀዩ እኔ ነኝ እንድታገቢ የፈለኩት የኔን ፍላጎት ከተቃወምሽ ግን አዝንብሻለሁ የኔ እናትነት ደሞ ሁሌም እንዲኖር ከፈለግሽ የኒካሁን ነገር አስቢበት አለበለዚያ ብዬ በሀዩ ላይ አዝኜ ልወጣ ስል ሀዩ እያለቀሰች መናገሯን ቀጠለች
<<ኡሚ ከአንቺ ትእዛዝ ዉጪ እንደማልሆን እያወቅሽ ከኔ ጋር አብረሽ ተሰቃይተሽ ዛሬ ግን በዚች ቲኒሽ ስሜት ልትርቂኝ ነዉ ብላ አለቀሰች እኔም ፍቃደኛ ነሽ ወይስ አይደለሽም ብዬ ስጠይቃት
<<ኡሚዬ የኢምሩ ሞት አለቀ ብዬ ሳስብ የአማሬ ቀጠለ ሁለቱንም በተለያየ ጊዜ አፍቅሬአቸዉ ነበር አሁን የነሱ ፍቅር በቀላሉ ሳይረሳኝ ደሞስ የወደፊቱን ባሌን መጉዳት አይሆንብኝም
-ለሱ አታስቢ ለልጁ ሁሉንም ነግሬዋለሁ እሱም ወዶሻል
<<ኡሚ ልጁ ግን ማነዉ
-አታዉቂዉም ከዚ በፊት ኢምሩን የሚያስቀሩት ኡስቷዝ ልጅ ነዉ ነፊሳ የምትባለዉ ልጃቸዉ በአሳዛኝ ሁኔታ ነበር የሞተችዉ ይሄ ታሪክ አማሬ ስላወቀ ከእሳቸዉ ጋር ያለዉን ዝምድና ለማጠናከር ብሎ ነበር ደዉሎ ነግሮኝ አፈላልጌ ሳወራዉ ልጁ አላገባም ኢምራንንም ስለሚወደዉ ነበር በቶሎ የተቀበለኝ ያዉ እሱ ሁል ግዜም የረሱል አደራ ናት ብሎ እንደሚጠብቅሽ አትዘንጊ እሱ ደረሳ ነዉ በጣም የዲን እዉቀት አለዉ ለሱ አታስቢ
<<ኡሚዬ ለኔ ስትይኮ ለፋሽ ተሰቃየሽ
-ልጄ እናት ለልጇ የምትከፍለዉን ዋጋ ለመክፈል እየሞከርኩ ነዉ ደሞ ለሀሲምም የታዘዘ አለ እሱም በጊዜዉ ይመጣል ብዬ ሀዩን ፈገግ አሰኘዋት ሀሲምም ሌላ ሰዉ እንደምታገባ አሁን ግን ጊዜ እንደሚያስፈልጋት ስለተነጋገርን ነዉ ብዬ ነገርኳት በጣም ተደሰተችና አቀፈችኝ ሀሲምም ሀዩም ከነ ልጆቻቸዉ አቀፉኝ የሀዩ ልጅ ስንል ሁለቱንም የወለደችዉ ሀሲምም ብትሆንም ግን ደሞ በፍቃደኝነት ለሀዩ ሰታት ነዉ አልሀምዱሊላህ እኔ አላህ ልጅ ሰጠኝ ደሞም ነጠቀኝ አልሀምዱሊላህ አሁን የኔ ልጆች በዝተዉ አልሀምዱሊላህ እኔም ተደስቼ እየኖርኩ ነዉ አሁን የሀዩ የኒካህ ስነስርአት ስለደረሰ ልጁም ስለገባ ሀዩ ተዉባ የኒካዉን ፕሮግራም እየተከታተለች ነዉ።


#ታሪኩ_ተፈፀመ_አልሀምዱሊላህ



#ሼር_ያድርጉ_ታሪኩን ክፈት / አስተያየት ይስጡ

2022-06-12 05:56:49 #የታሪኩ_እርዕስ_ኢምሩ_ከቀብርህ_በላይ
#ፀሀፊ_በፎዚያ
#ክፍል_22


"""የአማር እናትን አገኘዋቸዉና ወደቤቴ ወስጃቸዉ እኔ ማረፍ ፈልጋለሁ ብዬ ወደ መኝታ ክፍሌ ገብቼ የአማርን ቀጣዩን ደብዳቤ መክፈት ጀመርኩ
❬የኔ ሚስት መቼ ያልኩሽን አድርገሽ እንደምታነቢ አዉቃለዉ ምክንያቱም ስለምቶጂኝ ባላይሽም ትታዘዢኛለሽ ለዛ ነዉ እናም
ሀዩዬ ታዉቂያለሽ በጣም ጥሩና የዋህ ልጅኮ ነሽ የምር ልዋሽሽ ፈልጌ ሳይሆን ወንድሜ ከሞተ ቡሀላ ያለዉን ባህሪሽን ስለአስተዋልኩት ነዉ እናም የኔ ልዩ አማር ይመጣል ብለሽ እንደምትጠብቂኝ አዉቃለሁ የኔን መምጣት በብዙ ልዩ ዝግጅት እንደምትጠብቂኝም አዉቃለሁ ግን ሀዩ እባክሽ ከሀሲም ጋር እንዳትጋጪ እሷ በጣም ታናሽ እህትሽ ከመሆናም በዘለለ ስላንቺ በጣም ነዉ የምታስበዉ አዎ በድጋሚ ስህተት ሰርተናል ግን ለስህተታችንም አንቺንም አላህንም ይቅርታና ምህረትንም እንለምነዋለን ታዉቂያለሽ ሀዩ ሀሲም በድጋሚ የወለደችዉ ከኔ ነዉ ግን ደሞ እኔ ለአስማ ልብ ለመስጠት ሁሉን ነገር ጨርሼ ነበር ታዉቂያለሽ ልብ ከሰጠዋት ቡሀላ እንደማልተርፍ ሁላችንም እናዉቃለን እናም ሀሲም እዛዉ አካባቢ ከአንድ መስጂድ ሄደን ኒካህ እንዲታሰር አድርገን ነበር ግን ሀዩ ማስታወስ ከቻልሽ ፍቺ ፈልጋለሁ ያልኩሽ ጊዜ ነበር የፈታሁሽ ምክንያቱም የአንቺ ሂወት አልተበላሸም የሀሲም ሂወት ግን ተበላሽቷል አሁን ቢያን ተስተካክሎ ደስታን ከሰጠዋት ብዬ ኒካህ አሰርን እናም እሷ ከኔ ልጅ አገኘች አራት አመት የቆየነዉ በትዳረ የተሳሰርነዉ ደሞ ለቲኒሽ ጊዜ ነዉ ያዉ ሁለት አመት ነበር ተጋብተን የቆየነዉ እናም ሀሲም በጣም ደስተኛ መሆኗን ሳይ በሂወትን መቆየት ተመኝቼ ነበር ግን ምን ያረጋል የግድ ጊዜዬ ሲደርስ ልብ መስጠት ግዴታዬ ሆነና እኔ ይሄን ደብዳቤ እስከ ምፅፍልሽ ጊዜ ድረስ ብቻ ነበር የምቆየዉ በነገራችን ላይ አሁን ዙሁር ሰግጄ ነዉ ደብዳቤዉን የምፅፍልሽ ኢንሻአላህ ከኢሻ ቡሀላ ወደ ቀዶ ጥገና ክፍል መግባቴ የማይቀር ነዉ ያዉ እስከምገባ ብዬ ነዉ የምፅፍልሽ ግን የስንብት ደብዳቤ አይደለም እናም ሀዩ እኔ ወደ አኼራ መሄዴ የማይቀር ነዉና ከልብሽ ለአላህ ብለሽ አፉ ይኝ።

"ሀዩ እረ ሀዩ አትሰሚኝምንዴ ሀዩ ብዬ ወደ ዉስጥ ስገባ ሀዩ ወለሉ ላይ ተዘርራለች ግራ ገባኝ እንደምንም ሰዉ ጠርቼ ወደ ሀኪም ቤት ወሰድናት ነገር ግን ሀኪሙም ከህክምናዉ ይልቅ ቢቀራባት እንደሚሻል ነግሮን ከሀሲም ጋር ወደ ሩቃ ቤት ልንወስዳት ስንል ሀሲምን መሳደብ ጀመረች በአይኔም ላያት አልፈልግም ብላት በጣም መናገር ጀመረች
<<ሀዩ በአላህ ተረጋጊ እኔኮ እህትሽ ነኝ
<ዉጪልኝ እኔ ከሀዲ ና ራስ ወዳድ እህት የለችኝም በቃ ዉጪልኝ እያለች ተነስታ ልታንቃት ሞከረች በዚ ሰአት ሀሲም ከሀኪም ቤት ወጣች እናም እኔ እንደምንም ብዬ ወደ ሩቃ ቤት ወስጃት ሲቀራባት ቲኒሽ ከመረጋጋቷ ሀሲምን ጥሯት ብላ ስታስቸግረን ቅድም ሰለተፈ ረዉ ነገር ነገርኳት ሀዩም በጣም አለቀሰች እህቴን በድጋሚ አሳዘንኳት ብላ በጣም ስትፀፀት ሀሲምኖ ደዉለን በመጥራት ለብቻቸዉ እንዲሆኑ ሀዩ ቤት ወስደን ሁለቱንም ለየብቻ እንዲያወሩ ተዉናቸዉ።

<ሀሲምዬ
<<ወዬ ሀዩ
<በጣም ይቅርታ ስለፈጠርኩብሽ ችግር
<<አብሽሪ እህቴ ያጋጥማል
<ግን እስቲ ስለ አማሬ አሟሟትና የት እንደተቀበረም ጭምር ንገሪኝ
<<ሀዩዬ እሱ አይጠቅምሽም ምክንያቱም አማሬ የሞተዉ የዛሬ አመት ነዉ ግን ስለአንቺም በጣም ያስባል አዎ በጣም እያሰበ ነበር እናም ሀዩ የሰዉ ሀገርም ቢሆን ሄደን መስጂድ ኒካህ አስረን ነበር እናም የአንቺን ስም በተደጋጋሚ ያነሳል ሁል ግዜ በኔ የተነሳ የሁለት እህትማማቾች ሂወት ተበላሸ ብሎ ያለቅስ ነበር እናም እሱ አንድ ነገር እንዳረግልሽ ጠይቆኛል
<ምንድ ነዉ ሀሲምዬ ንገሪኝ እባክሽ?
<<አሁን የወለድኳትን ልጄን ለአንቺ እንድሰጥሽና ሙሉ ለሙሉ የእናትነት መብቱ በአንቺ እጅ እንዲሆን አስጠንቅቆ ነበር የነገረኝ
<እና ሀሲምዬ ተስማማሽ?
<<አዎ በጣም ደስ እያለኝ ነዋ የተስማማሁት ከእንግዲህ የኔና የአንቺ እህትነት ከቀድሞ በበለጠ ሁኔታ ይጠነክራል ልጅሽንም ከዛሬ ጀምሮ መዉሰድ ትችያለሽ ግን ደሞ አንድ ነገር አለ እንድታረጊ የምንጠይቅሽ
<ምንድ ነዉሱ እህቴ?
<<አንቺ በቅርብ ቀን ኒካህ እንድታስሪ አማሬ ከመሞቱ በፊት ሁሉንም ነገር አመቻችቶ ነዉ ወደ አኼራ የሄደዉ እናም እሱን ከወደድሽዉ ቃሉን አክብሪና ኒካህ እሰሪ
<ከማን ጋር ነዉ ደሞ ኒካህ የማስረዉ ደሞ ከአማሬ ዉጪ ሰዉ ልወድ አልችልም
<<ሀዩዬ መዉደድ የምትጀምሪዉኮ ከአገባሽዉ ቡሀላ ነዉ አሁንማኮ አይደለም ግን ልጁ የአንቺን ፍቃደኝነት ነዉ የሚጠብቀዉ ብላኝ ሀሲም አቀፈችኝ እኔ ግን ጌራ ከመጋባቴ የተነሳ ደንግጫለሁ ለአማሬ ስል ደሞ የግድ ማድረግ አለብኝ ብዬ ማሰብ ጀመርኩ ሀሲም እንዳቀፈችኝ በዛዉ እንቅልፍ ያዘኝና ተኛዉ

#ክፍል_ሃያ_ሶስት_ይቀጥላል

#ይህ_ታሪክ_እንዲለቀቅ_Like #ሼር_ያድርጉ_ታሪኩን ክፈት / አስተያየት ይስጡ