ሥርዓተ ማኅሌት ዘየካቲት ኪዳነ ምሕረት የማንኛውም ወርኃ በዓልና ክብረ በዓል ሥርዓተ ማኅሌት መጀመሪያ "ሥርዓተ ነግሥ" ስምዓኒ እግዚኦ ጸሎትየ ሃሌ ሉያ፤ ሃሌ ሉያ ወይብጻሕ ቅድሜከ ገዓርየ ሃሌ ሉያ፤ ሃሌ ሉያ ወኢትሚጥ ገፀከ እምኔየ፤ በዕለተ ምንዳቤየ አጽምእ ዕዝነከ ኀቤየ ሃሌ ሉያ፤ ሃሌ ሉያ አመ ዕለተ እጼውአከ ፍጡነ ስምዓኒ ሃሌ ሉያ፤ ሃሌ ሉያ ለዓለም ወለዓለመ ዓለም፤ ሃሌ ሉያ ዘውእቱ ብሂል፤ ንወድሶ ለዘሃሎ እግዚአብሔር ልዑል፤ ስቡሕ ወውዱስ ዘሣረረ ኲሎ ዓለመ፣ በአሐቲ ቃል። @EOTCmahlet መልክአ ሥላሴ ሰላም ለኲልያቲክሙ እለ ዕሩያን በአካል፤ ዓለመክሙ ሥላሴ አመ ሐወጸ በሣህል፤ እምኔክሙ አሐዱ እግዚአብሔር ቃል፣ ተፈጸመ ተስፋ አበው በማርያም ድንግል፤ ወበቀራንዮ ተተክለ መድኃኒት መስቀል። @EOTCmahlet @EOTCmahlet ዚቅ ወታስተሥርዪ ኃጢአተ ሕዝብኪ ተበውሐ ለኪ፤ እምአብ ወወልድ ወመንፈስ ቅዱስ፤ ከመ ትኩኒ ተንከተመ ለውልደ ስብእ፤ ለሕይወት ዘለዓለም፤ ለኪ ይደሉ ከመ ትኩኒ መድኃኒቶሙ ለመሐይምናን ሕዝብኪ፤ ኦ መድኃኒተ ኵሉ ዓለም፤ ወልድኪ ሣህሎ ይክፍለነ ሰአሊ ለነ ቅድስት። @EOTCmahlet ዘጣዕሙ ሰላም ለዝክረ ስምኪ ዘመንክር ጣዕሙ፤ ለወልድኪ አምሳለ ደሙ፤ መሠረተ ሕይወት ማርያም ወጥንተ መድኃኒት ዘእምቀዲሙ፤ ኪያኪ ሠናይተ ዘፈጠረ ለቤዛ ዓለሙ፤ እግዚአብሔር ይትባረክ ወይትአኮት ስሙ። @EOTCmahlet ዚቅ ቅንዑ ለእንተ ተዓቢ ጸጋ መድኃኒት ለነፍስ ወሥጋ፤ እስመ ርቱዓት ፍናዊሃ ጻድቃን የሐውርዎን ወኃጥአን ይስዕንዎን፤ ዘእንበለ ትብጻሕ ግብተ አሠንዶ ፍኖተ፤ ይፈኑ ለክሙ እመቅደሱ ረድኤተ፤ መድኃኒተ መቤዛዊተ እሞ ቅድስተ። @EOTCmahlet @EOTCmahlet ወረብ ቅንዑ ለእንተ ተዓቢ ጸጋ መድኃኒት ለነፍስ ወሥጋ ማርያም ድንግል/፪/ እስመ ርቱዓት ፍናዊሃ ጻድቃን የሐውርዎን ወኃጥአን ይስዕንዎን/፪/ @EOTCmahlet መልክአ ኪዳነ ምሕረት ሰላም ለዝክረ ስምኪ ዘአስተማሰልዎ በኮከብ፤ ሶበ ብርሃኖ ተከድኑ ጽልሙታነ ራእይ ሕዝብ፤ ኪዳነ አምላክ ማርያም ወተስፋ መድኃኒት ዘዐርብ፤ ተናዘዘ ብኪ አኮኑ ኅሊና ቀዳማይ አብ፤ አመ እምገነቱ ተሰደ በኀዘን ዕፁብ። @EOTCmahlet ዚቅ አንቲ ውእቱ ተስፋሁ ለአዳም፤ አመ ይሰደድ እምገነት። @EOTCmahlet ወረብ አንቲ ውእቱ ተስፋሁ ለአዳም አንቲ ውእቱ/፪/ አመ ይሰደድ እምገነት/፬/ @EOTCmahlet @EOTCmahlet መልክአ ኪዳነ ምሕረት ሰላም ለአዕዛንኪ እለ ተበስራ ኪዳነ፤ እምአፈ ፈጣሪ ወልድኪ ዘባሕርየኪ ተከድነ፤ አምሕለኪ ማርያም ከመ ኢታርእይኒ ደይነ፤ እንበለ ምግባር ባሕቱ እመ ኢይጸድቅ አነ፤ ቦኑ ለከንቱ ኪዳንኪ ኮነ። @EOTCmahlet ዚቅ ኪዳንኪ ኮነ ለኃጥአን ቤዛነ፤ ኪዳንኪ ኮነ ኪዳንኪ ኮነ፤ ለኃጥአን ቤዛነ ኪዳንኪ ኮነ። @EOTCmahlet ወረብ ኪዳንኪ ኮነ/፮/ ለኃጥአን ቤዛነ ኪዳንኪ ኮነ/፬/ @EOTCmahlet @EOTCmahlet መልክአ ኪዳነ ምሕረት ሰላም ለመዛርዕኪ ወለኲርናዕኪ ምፅንጋዕ፤ እለ ሐቀፋሁ ለክርስቶስ ባሕርየ መለኮት ኅቡዕ፤ ማርያም ኅሪት እምነ መላእክት ወሰብእ፤ ተዝካረኪ ለእመ ገብረ በተአምኖ ጽኑዕ፤ በመንግሥት ሰማይ ምስሌኪ ይነግሥ ኃጥእ። @EOTCmahlet ዚቅ አመ ይነግሥ ወልድ በደብረ ጽዮን፤ ክፍልኒ ድንግል ዕቁም በየማን፤ ምስለ አባግዕ ቡሩካን። @EOTCmahlet ወረብ ይነግሥ ወልድ በደብረ ጽዮን አመ ይነግሥ ወልድ/፪/ ክፍልኒ ድንግል ዕቁም በየማን/፪/ @EOTCmahlet ዓዲ (ወይም) ዚቅ መፍትው እንከ ንወድሳ ወንግበር ተዝካራ፤ ለቅድስት ድንግል ዓፀደ ወይን፤ መሶበ ወርቅ እንተ መና። @EOTCmahlet መልክዐ ኪዳነ ምሕረት፦ ሰላም ለድንግልናኪ መክብበ ሕዋሳት ሐምስ፤ወለአቊያጽኪ ክልኤ አዕማደ ነባቢት መቅደስ፤ማርያም ታቦት ወጽላተ ኪዳን ሐዲስ፤ቅብዕኒ ርጢነ ደም እስከ ሰኰና እግር ወርእስ፤እስመ ደም ትፌውስ ሕማማ ለነፍስ፡፡ @EOTCmahlet ዚቅ ጾም ትፌውስ ቊስለ ነፍስ፤ወታጸምም ኵሎ ፍትወታተ ዘሥጋ፤ ትሜሕሮሙ ለወራዙት ጽሙና፤እስመ ሙሴኒ ጾመ በደብረሲና፡፡ @EOTCmahlet ወረብ፦ ጾም ትፌውስ ቊስለ ነፍስ ወታጸምም ኵሎ ዘሥጋ ፍትወታ/፪/ ትሜሕሮሙ ጽሙና ጽሙና ለወራዙት/፪/ @EOTCmahlet መልክአ ኪዳነ ምሕረት ሰላም ለመልክዕኪ እመልክዐ ሐና ወኤልሳቤጥ፤ ዘብዑድ ስኑ ወልምላሜሁ ፍሉጥ፤ ማርያም ድንግል ድንግልተ፧ አፍአ ወውስጥ፤ ቤዛ ይኩነኒ ኪዳንኪ በገጸ ፈጣሪ ሥሉጥ፤ አመ ወርኀ ነጊድ የኃልቅ ወይጸራዕ ሤጥ። @EOTCmahlet ዚቅ ቃለ እግዚአብሔር እምድንግል አስተርአየ፤ ኤልሳቤጥ ኮነት ዓባየ፤ እስመ ወለደት ነቢየ። @EOTCmahlet @EOTCmahlet ወረብ እምድንግል አስተርአየ ቃለ ቃለ እግዚአብሔር/፪/ ኤልሳቤጥ ኮነት ዓባየ"እስመ ወለደት ነቢየ"/፪/ /፪/ @EOTCmahlet አንገርጋሪ ክነፈ ርግብ በብሩር ዘግቡር፤ ወገበዋቲሃኒ በሐመልማለ ወርቅ፤ አንቲ ምስራቅ ወወልድኪ ፀሐየ ጽድቅ፤ አማን፤ ኪዳንኪ ኢየኃልቅ። @EOTCmahlet አመላለስ አማን በአማን/፪/ ኪዳንኪ አማን በአማን/፪//፩/ ኪዳንኪ ኢየኃልቅ/፬/ @EOTCmahlet ወረብ ክነፈ ርግብ በብሩር ዘግቡር ወገበዋቲሃኒ በሐመልማለ ወርቅ/፪/ አንቲ ምሥራቅ ወወልድኪ ፀሐየ ጽድቅ ምሥራቅ ደብረ ሕይወት/፪/ @EOTCmahlet እስመ ለአለም @EOTCmahlet @EOTCmahlet @EOTCmahlet @EOTCmahlet #Join & share 2.8K viewsAron, 10:33
