ሥርዓተ ማኅሌት ዘሥላሴ ጥር ፯ የማንኛውም ወርኃ በዓልና ክብረ በዓል ሥርዓተ ማኅሌት መጀመሪያ "ሥርዓተ ነግሥ" ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገዓርየ፡ ሃሌ ሉያ ሃሌ ሉያ፡ ወኢትሚጥ ገፀከ እምኔየ፡ በዕለተ ምንዳቤየ አጽምእ ዕዝነከ ኃቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል። @EOTCmahlet @EOTCmahlet ነግሥ ሰላም ለአብ ዘእምቅድመ ዓለም ነጋሢ፤ ለወልድ ሰላም ሥጋ ማርያም ለባሲ፤ ለመንፈስ ቅዱስ ሰላም ኃጢአተ ዓለም ደምሳሲ፤ ኃይልየ ሥላሴ ወጸወንየ ሥላሴ፤ በስመ ሥላሴ እቀጠቅጥ ከይሴ። @EOTCmahlet @EOTCmahlet ዚቅ ዘለብሰ ስብሐተ፤ ሀሎ ሰማያተ፤ እምድንግል ቃል ሥጋ ኮነ፤ በቤተ ልሔም ተወልደ። ወረብ፦ ወረብ፦ ዘለብሰ ስብሐተ ዘለብሰ ስብሐተ ሀሎ ሰማያተ፤ እምድንግል ቃል ሥጋ ኮነእምድንግል ቃል። @EOTCmahlet @EOTCmahlet መልክአ ሚካኤል ሰላም ለአጽፋረ እግርከ ፍናዋተ ረድኤት በተኃልፎ፤ ዘኢተዳደቆን እብነ አዕቅፎ፤ ሚካኤል ቀዳሲ ትሥልስተ አካላት በኢያዕርፎ፤ ኢትኅድገኒ በዓለም እስመ ኪያከ እሴፎ፤ አልቦ ብእሲ ዘየኀድግ ሱታፎ። @EOTCmahlet @EOTCmahlet ዚቅ ቅዱስ ቅዱስ ቅዱስ እግዚአብሔር፤ ዘበተዋሕዶ ይሤለስ፤ እምኀበ ትጉሃን ይትቄደስ፤ እሳተ ሕይወት ዘኢይትገሠሥ፤ ወዘኢይጤየቅ ለዓይን ረቂቅ መንፈስ፤ ንሰግድ ለትሥልስቱ አሐተ ስግደተ፤ ወሎቱ ናቄርብ ስብሐታተ። @EOTCmahlet ማኅሌተ ጽጌ ተፈሥሒ ማርያም እንተ ኢተአምሪ ብእሴ፤ ዘጸገይኪ ለነ አሐደ እምነ ሥላሴ፤ እንዘ ትዘብጥ ከበሮ ቅድመ አዕላፈ ኤፍሬም ወምናሴ፤ ለተአምርኪ ትነግር ውዳሴ፤ ማርያም እኅቱ ለሙሴ። @EOTCmahlet ዚቅ በፈቃደ አቡሁ ወረደ ኀበ ማርያም ተአንገደ፤ በድንግልናሃ ንጹሕ እግዚአብሔር ተወልደ። @EOTCmahlet @EOTCmahlet ወረብ፦ በፈቃደ አቡሁ ወረደ ተአንገደ በደብረ ብርሀን ፤ በድንግልናሃ ንጹሕ በድንግልናሃ ንጹሕ እግዚአብሔር ተወልደ። @EOTCmahlet @EOTCmahlet መልክአ ሥላሴ ሰላም ለህላዌክሙ ዘይመውዕ ህላውያተ፤ ለረኪበ ስሙ ኅቡዕ አመ ወጠንኩ ተምኔተ፤ እምግብርክሙ ሥላሴ ሶበ ረከብኩ አስማተ፤ መለኮተ ለለአሐዱ ዘዚአክሙ ገጻተ፤ እንበለ ትድምርት እሰሚ ወእሁብ ትድምርተ። @EOTCmahlet @EOTCmahlet ዚቅ ነአምን በአብ ወነአምን በወልድ፤ ወነአምን በመንፈስ ቅዱስ፤ ነአምን ዘንተ ሥላሴ ፩ ውእቱ አምላክ ፍጹም፤ ዘእምኔሁ ለአብ ወልድ ተወልደ፤ በአምሳለ ዚአሁ፤ ኅቡር ኅላዌሁ፤ ነአምን ንሕነ ነአምን። @EOTCmahlet ወረብ ነአምን በአብ ወነአምን በወልድ ወነአምን በመንፈስ ቅዱስ/፪/ ፩ ውእቱ አምላክ ፍጹም ፩ ውእቱ/፪/ @EOTCmahlet መልክአ ሥላሴ ሰላም ለአጻብኢክሙ እለ እምአጽፋር ኢይትሌለዩ፤ ለቤትክሙ ሥላሴ ዘኢየኃልቅ ንዋዩ፤ አመ አብዓልክሙ ሰብአ ድኅረ አንደዩ ጌጋዩ፤ ዘኢርእዩ እምቅድመ ዮም መላእክተ ሰማይ ርእዩ፤ ወአግብርተ ሰብእ መላእክት ተሰምዩ። @EOTCmahlet @EOTCmahlet ዚቅ ርእይዎ ኖሎት አእኮትዎ መላእክት፤ ለዘተወልደ እማርያም እምቅድስት ድንግል፤ ዮም ሰማያዊ በጎል ሰከበ። @EOTCmahlet @EOTCmahlet ወረብ ርእይዎ ኖሎት/፪/ ርእይዎ አእኮትዎ/፪/ ለዘተወልደ እማርያም እምቅድስት ድንግል/፪/ @EOTCmahlet መልክአ ሥላሴ ለዘበነጊድ አቅረብኩ መካልየ ልሳን ስብሐታተ፤ መጠነ ራብዕ ዐሥር እንዘ አተሉ ሰብዓተ፤ ህየንተ አሐዱ ሥላሴ እለ ትፈድዩ ምዕተ፤ ጸግዉኒ እምገጽክሙ ንዋየ ገጽ ትፍሥሕተ፤ ወዲበ ዐሠርቱ አህጉር ሀቡኒ ሢመተ። @EOTCmahlet @EOTCmahlet ወረብ ጸግዉኒ አጋዕዝትየ እምገጽክሙ ንዋየ ገጽ/፪/ ወዲበ ዐሠርቱ አህጉር ሀቡኒ ሢመተ/፪/ @EOTCmahlet ዚቅ ስብሐት ለከ ስብሐት ለዘወለደከ፤ ስብሐት ለዘሠረፀ እምአቡከ፤ ዘዕሩይ ምስሌሁ ወምስሌከ፤ በከዊነ ዘሀሎ ወይሄሉ፤ ለዓለመ ዓለም። @EOTCmahlet ወረብ ስብሐት ለከ ስብሐት ለዘወለደከ ስብሐት ለዘሠረፀ እምአቡከ/፪/ ዘሀሎ ወይሄሉ ዘዕሩይ ምስሌሁ/፪/ @EOTCmahlet @EOTCmahlet አንገርጋሪ ኲሉ ይሰግድ ለሥላሴ፤ ወይትቀነይ ኲሉ ለመንግሥተ ሥላሴ፤ እስመ ኮነ ዘይነብር ዲበ ኪሩቤል፤ ወበዓይኑ ይኔጽር ቀላያተ። @EOTCmahlet @EOTCmahlet አመላለስ እስመ ኮነ ዘይነብር ዲበ ኪሩቤል እስመ ኮነ/፪/ ወበዓይኑ ይኔጽር/፪/ ቀላያተ/፪/ @EOTCmahlet @EOTCmahlet ወረብ ኲሉ ይሰግድ ለሥላሴ/፪/ ኲሉ ይሰግድ/፪/ ወይትቀነይ ኲሉ ለመንግሥተ ሥላሴ/፪/ ኲሉ ይሰግድ/፪/ @EOTCmahlet @EOTCmahlet እስመ ለዓለም ዘሰንበት፦ ዘዲበ ኪሩቤል ይነብር ወበአርያም ይሴባሕ፤እምሰማያት እምልዑላን ወረደ፤አምላክ ያድኅን ዓለመ መጽአ ይክሥት ብርሐነ ይቤዙ ዓለመ፤ ወልድ ተወልደ ለነ፤ ሠርዓ ሰንበት ለሰብአ ዕረፍት ፤ወልድ ዋህድ ውእቱ መዝሙር (በ፪/ሩ) ንጉሥኪ ጽዮን ለትውልደ ትውልድ መጽአ ኀቤነ ዘኪያሁ ይሴፈዉ ሰማያት ወምድር ዕበይ ለነገሥት ብርሃኖሙ ለእለ ይጸመድዎ አክሊለ ሰማዕት ሠያሜ ካህናት ዓምዳ ወድዳ ለቅድስት ቤተ ክርስቲያን በቤተ ልሔም ተወልደ ወበናዝሬት ተሐፅነ ኢተዘኪሮ አበሳነ ኢኀደገነ ፍሥሐ ኮነ ዘውእቱ ኢየሱስ ክርስቶስ ዘውእቱ ኢየሱስ ክርስቶስ። ምልጣን፦ ኢተዘኪሮ አበሳነ ኢኀደገነ ዘውእቱ ኢየሱስ ክርስቶስ ዘውእቱ ኢየሱስ ክርስቶስ። @EOTCmahlet @EOTCmahlet @EOTCmahlet @EOTCmahlet #Join & share 2.8K viewsŴeirdò, 10:59
