ሰም እና ወርቅ

2022-09-04 21:25:12 .....ሟች እና ገዳይ...

«ተው በህግ»
.
አልተውም!
.
«እርቅ ይሻላል»
አይሻልም!
.
የወንዱ ልጅ ዘራፍ
ልቤ እሺ አይለኝም ሳልበቀል አላርፍ
.
ወዳጄ ግድ የለም ተው በእርቅ ይሻላል
ይቅርታ ነው እንጂ በቀል መች ያሽራል
.
አልተውም
አልተውም
ያቀባበልኩትን ቃታ እስባለሁ
አንተን በመግደሌ እኔ እሽራለሁ
.
ተው!
ተው!
ባያት በቅድመ አያት ባለፈው ስህተት
ደም ከመቀባባት
ተው ይቅር ወዳጄ ይሻላል መግባባት
.
ባባትህ የፈሰሰው የአባቴ ደም እምባ
እህሉን አስግዞ ያስቀረው ገለባ
አጥር ጥሶ የወሸመው የአባትህ በደል
እርቅ አያሽረውም ቢሆን እንጂ በቀል
.
ተው ግድ የለም ይቅር
አባት ባሳደፈው ልጅ አይከሰስም
በድሮ በሬ ዘንድሮ አይታረስም
.
ከዚህ ሁሉ ሁዋላ
የገደለ ገድሎ የሞተ ሞተ እና
ቤተሰብ ተምሮ ሰላም መረጠና
ከሸንጎ ተቁሞ ግራ እና ቀኝ ሲታይ
ሟች ዘራፍ ሲል ነበር እርቅ ሲመኝ ገዳይ።
.
#ኢልያስ #ሀበሻ

t.me/Eliyaskedir
t.me/Eliyaskedir ክፈት / አስተያየት ይስጡ

2022-08-31 18:15:02 ፨፨፨፨፨፨፨ምሥጢር ነው፨፨፨፨፨፨፨
እሱ ያልቻለውን የሐሳብ ትርምስ የቃላት ቋጠሮ፣
"አትንገር ለሌላ፤
ምሥጢር ነው" ይለኛል እኔ ላይ ከምሮ።
ከ፦ካሌብ
፧https://t.me/Eliyaskedir ክፈት / አስተያየት ይስጡ

2022-08-30 07:19:35 (ኢልያስ ሀበሻ)
.
ጥላቻችን ከሰውየው ነው ከሀሳቡ???

.
ጥላቻችን ከሰውየው ከሆነ የፈለገ የተቀደሰ የሚያስማማ ሀሳብ ቢያነሳ እንኳ ጥላቻችን ይቀጥላል ጥላቻችን ከሀሳቡ ከሆነ መውደዳችንም መጥላታችንም መደገፋችንም መወረፋችንም በሚያነሳው ሀሳብ ይወሰናል።
.
#ምርጡ_ፍጡር_የሰው_ልጅ
.
በሰው ተሰፋ አይቆረጥም......... ሰላም ለአለማችን!
.
t.me/Eliyaskedir ክፈት / አስተያየት ይስጡ

2022-08-26 09:08:03 ያሳዝናል ሆዴ!
ቅኔ ተራቁቶ
ፈቺው እየበዛ፥
ነበረ ሲባል
ሰው እንደዋዛ፥
ስጋውም ደልቦ
ሀሳብ ቀነጨረ፥
ለበጎ ሳይሳካ
ለክፉ ሰመረ፥
ያሳዝናል ሆዴ!
እናት እያነባች
ህይወቷ ምጥ ሆነ፥
ጎርፍም ይናፈቃል
ላይዘንብ ከደመነ፥
ንጋትን ጠባቂ
ሳይነጋ እያለፈ፥
እገሌ ከእገሌ
ከማጀት ከቁናው
ከአገልግሉ አልፎ እድሜውን ዘረፈ፥
ያሳዝናል ሆዴ!
ቃል ኪዳን ስም ሆኖ
ተግባሩ ሲሸሸው፥
ሰው በሰው ላይ ከፍቶ
ሆድ ሆዴን አስባሰው፥
.
#ኢልያስ #ሀበሻ

t.me/Eliyaskedir
t.me/Eliyaskedir ክፈት / አስተያየት ይስጡ

2022-08-17 07:16:54 ፨፨፨፨፨፨እናቴን፨፨፨፨፨፨
ደክማለች አሉኝ እናቴን፣
አስጎንብሷታል ወገቧን።
ይዛለች አሉኝ ምርኩዝ ገዝታ፣
አቅሟን ሁሉ ሲመሽ አጥታ።

አይኗ ሞጭሙጮ ፈዞ ቀልቷል፣
የኩሽናው ጢስ ጨርሶታል።
ለይታኛለች ግን ከሩቁ፣
ልጅ መች ይጠፋል ቢራራቁ።

ጓዳ ውጪውን ደፋ ቀና፣
እያለች ኑሮን ልታቀና።
ጎንበስ እንዳለች ቀኑ መሸ፣
ቀረች አቅሟ እንደሸሸ።

ጎንበስ እንዳለች ታየኛለች፣
ቀና ለማለት እየጣረች።
ወገቧ መቼ እሺ ይላታል፣
ዝቅ ማለቱን ተላምዶታል።
ከ፦ካሌብ
"ክብር ለእናቶች።" ክፈት / አስተያየት ይስጡ

2022-08-13 18:33:53 ያንቺ ሀገር ወዲያ የኔ ወዲ ማዶ
ሀገረ ተቃጠለ ሰው ሆኖ ማገዶ
ሰሜኑ ነደደ
ምስራቅ ጨለመበት
ምዕራቡ ተርቦ
ደቡብ ሞት ነግሶበት
ከየት ይመጣል ሀገር ከየት ይመጣል ወዜ
መጠጣት ተስኖኝ ከውሀ ከወንዜ
የኔ ሀገር የለም
ያንቺም ሀገር ጠፋ
ጎበዙ ዝም ሲል አውርቶ ከርፋፋ
ግና እኔ!
ወዝ ርቋት ሳትደርቅ
በምላሴ ስሟ በብዕር ገጥሚያት
በልቤ ሸራ ላይ በስዕሌ አኑሪያት
ታሪኳ ተራቁቶ እሷነት ቢርቃት
አለች ከኔ ጋራ
ከልቤ ድርሻ አላት።
.
#ኢልያስ #ሀበሻ
.
t.me/Eliyaskedir
t.me/Eliyaskedir ክፈት / አስተያየት ይስጡ

2022-08-09 04:10:13 ከእለታት ጎዶሎ ቀን ለአህያ
ከእለታት በአንዱ ቀን ለአንባቢ
አህያ ለሸክም ነውና የተፈጠረችው አሳዳሪዋ ይጭናታል በቃ ሸክም ሁሉ በአህያዋ ፀና አሳዳሪዋ ጠላቷ እስከሚመስላት ትሸከም ጀመር ታድያ አንድ ቀን የአንበሳ ዝርያ ያላቸው ሁለት ድመቶች ከአንበሳ በተቀበሉት ተልዕኮ አህያዋን ጠጋ ብለው «አንቺ እኮ ጉልበት አለሽ ስትናከሺም ሀይለኛ ነሽ አንቺ በቃ አንበሳ ነሽ» ይሏት ጀመር ታድያ ያልሆነሽውን ነሽ የተባለችው አህያ አህያነቷን ክዳ አንበሳነት ተጠናወታት እንደውም ሁለቱ ድመቶች አንድ ቀን «ነይ በመስታወት ራስሽን እናሳይሽ" ብለው አሳዩዋት አቤት የዛኔ በመስታወት የምታየው አህያነቷን ሳይሆን ነሽ የተባለችውን አንበሳነቷን ነው።አህያም በዚ ጊዜ «በቃ በቃ እስካሁን አንበሳነቴን ደብቀው እንደአህያ ሲያግዙብኝ ኖሩ እኔ ቦታዬ እዚ አይደለም ከአምሳሌ አንበሳ ጋር ነው ኑሮዬ መሆን ያለበት» አለች ተልዕኳቸውን የጨረሱት ድመቶችም ልክ መሆኗን ነግረዋት ጊዜ ሳታጠፋ አሁኑኑ ወደአንበሶች ዘመዶቿ ጋር እንድትሄድ መከሯት ከአሳዳሪዋ ጠፍታ ወደጫካ ገባች ታድያ ከዛ በውሀላ አልታየችም ኮቴዋም ጠረኗም ጠፍቷል ነብሷ ግን ሰማይ ቤት ሆኖ እንዲ ይላል «እኔነቴን አስካዱኝ ያልሆንኩትን ነሽ አሉኝ አንበሳ ነሽ ብለው በአንበሳ አስበሉኝ» ትላለች በቁጭት...

#ኢልያስ #ሀበሻ

t.me/Eliyaskedir
t.me/Eliyaskedir ክፈት / አስተያየት ይስጡ

2022-07-31 14:51:48 ወዳንቺ ስመጣ
ብዙ ነው የገጠመኝ
መንገዱ ተራራ ቁጥቋጦ በረሀ
ሜዳ ወንዝ ሸለቆ ወዳንቺ ስመጣ
ብዙ ብዙ አሳየኝ።
.
ወዳንቺ ስመጣ
መስኩ በአንበጣ
ሰው በርሀብ ተበልቷል
በርሀ ተስፋፍቶ
አረንጓዴው ሸሽቷል
ወዳንቺ ስመጣ
አንዱ እየገደለ ሌላው እየሞተ
መንገዱ ደም ሆኗል
ደርቋል ሀይቅ ወንዙ
ሰዉ ተለውጧል ተገፎበት ወዙ
ወዳንቺ ስመጣ
ቀን የጣለው ነብር
ሚዳቋ በላችው
አህዪቷ ልጇን
ለጅቡ ዳረችው
ወዳንቺ ስመጣ አየው ብዙ ብዙ
ተፈራረቀብኝ ብርድ እና ሀሩሩ
ይህን ሁሉ አልፌ
ከቀጠሮ ቦታ ስደርስ በሰአቱ
አጣሁሽ ከቦታው "በሰላም ነው? እቱ።
.
#ኢልያስ #ሀበሻ

t.me/Eliyaskedir
t.me/Eliyaskedir ክፈት / አስተያየት ይስጡ

2022-07-25 16:13:18 ፨፨፨፨፨፨፨፨ለምን ይጥፋ ስሙ፨፨፨፨፨፨፨፨
"ወይ እሱ እብድ ነው አልያ ቀልድ ነው፣"
የሚል ቃል ብቻ ነው ስለኔ ምሰማው።
በውስጤ ያለውን ሀሳቤን ባነሳ፣
ሁሉም ሊፈርድብኝ፤
በቃላት ሊወግረኝ አድፍጦ ተነሳ።
ሀሳብ አይደለም ወይ የሰው ልጅ ምጥቀቱ፣
ተፈጥሮን መርምሮ መኖር በህይወቱ።
ለማሰብ አይደል ወይ አእምሮ ጥቅሙ፣
ታዲያ ይህ ከሆነ እውነታው ትርጉሙ፣
ሰው ባሰበ ቁጥር ለምን ይጥፋ ስሙ።
ከ፦ካሌብ
https://t.me/Eliyaskedir
https://t.me/Eliyaskedir ክፈት / አስተያየት ይስጡ

2022-07-19 17:21:50 እስቲ ስለዚህ ቻናል ያላችሁን አስተያየት በ comment ላይ አስቀምጡልን
.
ምን ይጨመር
ምን ይቀነስ ..... አስተያየት አለመስጠት አይቻልም

#እናመሰግናለን ክፈት / አስተያየት ይስጡ