ጨረቅረቃ

2023-05-14 22:09:44 በሽምያ ዓለም በቅምያ ምድር፣
መተዛዘን በ'ኖ
መተሳሰብ ተ'ኖ ፍጡር ለፍጡር።
በተፈጥሮ ኩርፍያ ምድርን እየሳልኩት፣
የመኖሬ ተስፋ ጥርስሽ ላይ አየሁት።
እማ ክፈት / አስተያየት ይስጡ

2023-05-08 21:45:02 ነገ አሉት
ሳይመጣ ያላዩት
ከዛሬ 'ሚሻል ፈክቶ ያበበ
ሳቅ የሞላበት በደስታ ሀሴት የተከበበ
የምናብ ዓለም ውል አልባ ምኞት
ባላዩት ነገ ዛሬን ማሞኘት
ሕልም አሉት ፍቺ የሌለው
በጄ ያ'ዝኩትን አሁኔን ገለው
ያ ሞኙ ልቤ ተስፋን መርኩዞ ሳቁን የገታ
ዛሬን አምኜ ካፍህ የነጠኩህ የራስህ ፋንታ
የማልመልስህ ትላንቴ ይቅርታ
#እሙ_ሠላም ክፈት / አስተያየት ይስጡ

2023-03-22 22:16:38 . ይቅርታ
አውቃለው
አንቺን በማጣት ውስጥ ነፍሴን በድያለው
በመቅረትሽ ምክንያት
ምን ያክል እንዳዘንኩ ጨረቃን ጠይቂያት
ያው ወታልሻለች
የልቤን ነግሪያት ፀፀቴን አይታለች
በያ ምሬካለው በይኝ
ካ'ምላኬ ልታረቅ
እንባዬንም ያብስ ፀሎቴ ይቀበለኝ
እጆቼን ያዚና ጥላቻን እንርታ
ውስጤ ደህና ይሁን ልቤም ልክ ትምታ
ለበደሌ ሁሉ አንቺዬ ይቅርታ
#እሙ_ሰላም ክፈት / አስተያየት ይስጡ

2023-02-11 21:09:59 ምን ያማል አትይም
ከጦሩ ጫፍ ይልቅ በልብ ከተሰካው
ቆዳ ዘልቆ ገብቶ ሆድ ከተረተረው
ከህመሙ በላይ
አስታማሚው ያማል ደርሶ አዳኝ ነኝ ባይ
እሱ ነው የሚያመው ከወጊ አስታማሚ
ከጦሩ ሚታገል አላዋቂ አካሚ
ህመም የሚያባብስ ደርሶ እያላወሰ
እሱ ነው 'ሚያቆስል ከስለቱ የባሰ
#እሙ_ሠላም ክፈት / አስተያየት ይስጡ

2023-01-21 22:11:51 አብሬያቸው ኾኜ ለተለየኋቸው
ንገሯት ምከሯት ጠፍታለች አላቸው
የመል'ክቱን ምላሽ ለነሱ አላወራው
ከሱጋ መሆኔን ማን ሄዶ ይንገረው ክፈት / አስተያየት ይስጡ

2023-01-07 21:59:48 ብቸኝነት ሲያክም የስነ አዕምሮ ሊቅ
ይነግረን ይሆናል ሰው ከሰው እንዳይርቅ
ለኔ ግን አይደለም
ከግል ስብዕናው ከሌለው ተቃርኖ
ብቸኛ አይሆንም ሰው ከራሱ ሆኖ
የስነ ፍጥረት ሊቀ በበኩሉ ደግሞ
ብቸኝነት ሲገልጽ በቃላት አስታሞ
ከሌሎች ተዋዶ ከራስ መለያየት
ይነግረን ይሆናል ብሎ ብቸኝነት
ለኔ ግን አይደለም
ከራሱ ቢጣላ ሆኖ ሞገደኛ
ሰው ከሰው ጋር ሆኖ አይሆንም ብቸኛ
ለኔ ብቸኝነት
ከዓለም ሕዝብ መሃል ቅሩብ የሚቀርቡት
አንድ ሰው ይኖራል እጅግ የሚወዱትን
ከራስ ሳይጣሉ በሰውም ተከበው
ከዓለም ሕዝብ መሃል ያ'የሚወዱትን ሰው
ያጡት እንደሆነ ፈልገው ፈልገው
ብቸኝነት ይህ ነው ክፈት / አስተያየት ይስጡ

2022-12-19 21:10:41 ደስ አይልም! አበባ ተሰጠኝ
ያውም በጣም ብዙ መያዝ አስኪከብደኝ
እጅግ የሚያምሩ
በሚገርም ሸምቀቆ ሰርክ የተቋጠሩ
አመስጋኜ ለጉድ አድናቂዬ በዝቷል
ዘመን የናፈኩት እልፍኜ ሰው ሞልቷል
ቆጫት መሰል እሷም አለች
እንቡጥ ይዛ ፊት ቆማለች
ብዙ ክምር
የሚያምር
በነጭ በቢጫ በቀይ ባ'ረንጓዴ
ለካ ሚስኪን ልቧ ይወደኛልዴ
ብዬ እስክገረም
እስክናፍቅ ዓለም
ጠልቼ ያለፍኳት ያቺን ክፉ ምድር
ያስናፍቀኝ ጀመር
ምኞት ከረፈደ
ዕድል ባለቀበት ጊዜ ከነጎደ
አንባሽ ላይፈይደኝ እንቡጥ ላይሆን ፍራሽ
ይቅር በለኝ ብትይ ምን ዋጋ'ለው ብለሽ
ነይ ስልሽ ብትመጪ እኔም ባልሞትብሽ
#እሙ_ሠላም ክፈት / አስተያየት ይስጡ

2022-12-08 20:16:04 ምን አለ
ትዝታ በሌለ
ትውስታ ቢጠፋ ማሰብ ባልታደለ
ምን ነበር
ትላንት ብሎ ባይኖር
ያለፈን 'ረስተው ዛሬን በተኖረ
ልጅነትን ናፍቀው እድሜ ባልመረረ
#እሙ_ሠላም ክፈት / አስተያየት ይስጡ

2022-11-25 20:36:33
ሰም'መረልኝ መሰል ከቤቱ የተሳልኩት
ደጁ ተደፍቼ ፈር'ቼ የጠየቁት
ዘመኔን ጠብቄ ይኸው ባይኔ አየሁት
አላሳፈረኝም
ልመናዬ መና አልቀረ
ሰም'ሚም አዪ መሆኑን በኔ አስመሰከረ
ፀሎቴን ሰምቶኛል
ወዳጄን ጠይቄው 'ራሴን ሸልሞኛል
#እሙ_ሠላም ክፈት / አስተያየት ይስጡ