. ተስፋያጣችሴት ╰═════════════╯ | ኑ እናንብብ ከ ዮኒ😍
. ተስፋያጣችሴት
╰═════════════╯
እውነተኛ እና አስተማሪ ታሪክ
#ክፍል_20
... ሀና በእናቷ ሞት ማዘን ከሚገባት በላይ አዝናለች ልጇን
ያለቀኗ ብትወልደውም ጤነኛ ነበር የተወሰነ ቀን ማሞቅያ
ክፍል አቆይተው ለሀና ጡት እንድታጠባው ከጎኗ
አረጉላት ሀና ግን የማታውቀው ስሜት ልጇን
እንዲያስጠላት አርጓታል... "እውነት ዲቃላ ነህ? ማክቤል
ልጄ እውነት አባትህ አብሮን አይኖርም? ልጄ ይህን
አላደርግም እሺ!!! ያለአባት አታድግም!" ትላለች እንባዋን
መንታ መንታ እያዘነበች ልጇ የሚሰማት ይመስል ልጇ
ከጎኗ ከተኛ 3ቀን ሞላው ሀኪሞቹም መውጣት
እንደምትችል አበሰሯት ለሷ ግን እዛው ይሻላት ነበር ።
ምክንያቱም ስትወጣ የት እንደምትገባ አታውቅም አንድ
የእናቷ ጓደኛ የነበረች ሴት ብቻ ነበረች እየተመላለሰች
የምትጠይቃት ...
ሀና ምግብ አትበላም የእናቷ ጓደኛ ቤቲ ሁሌም ምግብና
አጥሚት ሰርታ ትወስድላታለች ሀና ግን ካጠገቧ ለተኙ
አራሶች ትሰጠው ነበር በዚህም ምክንያት ልጁ ከእናቱ
ጡት ማግኘት የሚገባውን አያገኝም ይሄኔ ልጁ ያለቅሳል
ሀናም አብራው ታለቅሳለች የሀና ሁኔታ ያሳሰባቸው
ዶክተሮች የስነ ልቦና ሀኪም እንደሚያስፈልጋት ያምናሉ
ግን ገና ሀሳቡን ሲያነሱላት ብላቹ ብላቹ እብድ አረጋቹኝ
ትልና ትጮሀለች... ሀና ከእለት ወደ እለት ሰውነቷ
እየከሳና እየተጎሳቆለባት ነው እሷም ስትወጣ ከሀኪም
ቤት እንድትገባበት ኮንዶምንየም ቤቷን የተከራዩትን ሰዎች
እንዲለቁ የእናቷን ጓደኛ ላከቻት ...
ከሀኪም ቤት የመውጫዋ ቀን ሀናና ልጇን እንቅልፍ
ሸለብ አርጓቸው ሳለ በድንገት አንድ ሰው በሩን ከፍቶ ገባ
ከአልጋው ጎንም ተንበርክኮ እናትና ልጁን እያየ ስቅስቅ
ብሎ ያለቅስ ጀመር ይሄኔ ሀና ነቃች ካጠገቧ ያለውን
ሰው ስታይ የሷ እንባ ባሰ አቅፋው... "ኪሩዬ እናቴ
ሞተችብኝ ብቻዬን ትታኝ ሄደች ኪሩዬ ... እኔ ነኝ ጥፋተኛ
እናቴ እንድትሞት መንስኤ እኔ ነኝ የምኖረው ለሷ ነበር
የልፋቷን ውጤት ሳታይ ሄደችብኝ..." ሀና ለቅሶዋንም
የቁጭትና ፀፀት ንግግሯንም ማቆም ተሳናት...
ኪሩቤልም እሷን ቀርቶ እራሱን ማፅናናት አቃተው
በልቡም እድለቢስነቷን አሰበ ተቃቅፈው ተላቀሱ ...
ከነርስ እስከ ታካሚ ያያት ሁሉ ለሀና አለቀሰ ...
ኪሩቤልም እንደምንም እራሱን ተቆጣጥሮ "አይዞሽ ውዴ
ይሄው የእናትሽን ምትክ አግኝተሻል አሁን አንቺ ራስሽ
እናት ነሽ የኔ ውድ ጠንከር በይልኝ።" አለ ትኩስ እንባው
ከሱ አልፎ ሀናን እያራሳት ...ሀናም ማልቀሷን ሳታቆም "
እኔኮ እድለቢስ ነኝ ህይወቴ በስቃይ የተሞላ መኖር
ልጀምር አንድ ስል ልክ እንደልጆች እቃቃ ይፈርስብኛል
እናቴን አግኝቻት ሳልጠግባትና ልጄን በአይኗ ሳታይ
ሞተችብኝ..." አለች ኪሩቤል ማፅናኛ ቃል አጣ በዚ
ቅፅበት ዶክተሩ መቶ ኪሩቤል የልጁ አባት መሆኑን
ካረጋገጠ ቡሃላ ለብቻው ጠርቶት ሀና ምግብ ካልበላች
ልጁ አደጋ ላይ እንዳለ አስጠነቀቀው!
ኪሩቤልም ሀናን ከሆስፒታል ይዟት ወቶ ወደራሱ ቤት
ወሰዳት ኪሩ መኪና ገዛህ? አለች ሀና ኪሩቤልም የሀና
መረጋጋት በደስታ እያቁነጠነጠው አዎ የኔ ፍቅር አለ ትንሽ
ተጉዘውም እጅግ በጣም የሚያምር ቪላ ቤት ደረሱ
ኪሩቤልም መኪናውን ወደግቢ አስገብቶ ሰራተኛዋን
እንድትረዳው በመጠየቅ ሀናን ከመኪናው አስወረዳት
ሰራተኛዋም በጥንቃቄ ልጁን አቅፋ ተያይዘው ገቡ ሀና
የቤቱን ውበት በአይኗ መሰከረች የልጇ ክፍል እጅግ
በጣም ያምር ነበር ቀጣይ የነሱ መኝታ ክፍል ስትገባ ምን
ያህል ተጨንቆ እንዳሰራው ያስታውቃል ሀና ስሜቷ ታወከ
ደስታ ይሁን ሀዘን የማታውቀው ስሜት እረበሻት ... የኔ
ንግስት አፈቅርሻለሁ አለና ተንበርክኮ ቀለበት አሰረላት
ሀና እንባ ባረገዙት አይኖቿ ጎንበስ ብላ ፊትለፊቷ
የተንበረከከውን ሰው አየች ይሄኔ እንባዎቿ ረገፉ
ኪሩቤልም ዳግም እንዳታለቅስና ምግብ
እንደምትበላለት ቃል አስገባት... ከዛ ቀን ጀምሮ ሀና
ሀዘኗን በልጇና በባሏ መርሳት ጀመረች ....
ሀና ወንድምና እህቷን ማየት ብትፈልግም ቴድሮስ ግን
ፍቃደኛ አይደለም ይሄኔ ሀና ቴድሮስ ላይ ዛተች አባቷንና
የእንጀራ አባቷን እንደምትበቀላቸው ለራሷ ቃል ገብታ ነበር
...
ከሁለት አመት ቡሃላ ሀና ፀጉር ቤቷ ስራ ጀምራለች ...
ቴድሮስ ታመመ ይሄንም ታናሽ ወንድሟ መቶ ነገራት
ሀናም የእህትና ወንድሟ አባት ነውና አላስችል ብሏት
ልትጠይቀው ሄደች ቴድሮስ ግን ታሞም መጥፎነቱ
አለቀቀውም ነበርና ልትገይኝ መጣሽ አላት ይህን ሲናገር
ወደኋላ መለሳት ያሁላ በደሉና የእናቷ ሞት ፊቷ ላይ
ተደቀኑ ይሄኔ ማስታገሻ መድሃኒቱን አንስታ ጣለችበት
መነሳት እንደማይችል ስለምታውቅ ሰውም እንዳይረዳው
መድሃኒትም እንዳያገኝ ስልኩን ወስዳበትና በሩን
ዘግታበት እህትና ወንድሟን ይዛ ሄደች ... እሱም በደከመ
ድምፁ ልጆቼን መልሽ መድሃኒቴን ... ይላል ድምፁ ግን
እንኳን ለጎረቤት አጠገቡም ለቆመ በቅጡ አይሰማም...
ቴድሮስ ቢሞት ግን ሀና ወንጀለኛ ትባል ይሆን???
ይቀጥላል
❥.................. ⚘ ...................❥
ከወደዱት ሼር ያድርጉ
,,,,, ,
https://t.me/Arif_leboled
// ,, https://t.me/Arif_leboled
━━━━━━━✦ ✿ ✦━━━━━━━
